ل بسبب الصلاة على سيدنا النبي 😉 ❤

3 - ( الذِكر ) الذكر عموماً بيجعل الدعاء مستجاب بعون الله
أكثروا من التسبيح - سبحان الله - والتحميد
- الحمدلله - والتهليل - لا إله إلا الله - والتكبير - الله أكبر - 😍

سبحان الله بتاخد بيها أجر ❤
سبحان الله وبحمده أجر أعظم ☺
سبحان الله وبحمده سبحان الله العظيم أجر لا يعد ولا يحصى 😍💪

4 - الله يقول : ' أنا عند ظن عبدي بي ' ❤
ربنا سايبلك خانة الظن مفتوحة - ظن ما تشاء فإنك ملاقيه
اللي هتتصوره عن ربنا هيحصل والبداية منك ..
من أداب الدعاء إنك تعرف قدرة ربنا -
غمضى عينك واقعدى لوحدك فكرى في ربنا وكرمه وفتحه عليكى، اعمل سيرش عن الآيات اللي بيتجلى فيها قدرة ربنا ☺

5- سيدنا النبي يقول :
يستجاب لأحدكم ما لم يعجل ، يقول دعوت فلم يستجب لي ❤
دعواتك مبتتوهش في ملكوت ربنا ، هيجيلك أثرها وربي
وراح تفرج بس اصبرى الله يراضي قلبك واجمدى بالله 😍 💪

في قصة جميلة جداً عن سيدنا إبراهيم ❤ ..
أيام سيدنا إبراهيم جه حاكم ظالم اسمه النمرود قال أنا ربنا ، سيدنا إبراهيم قاله ربنا بيحيي ويميت ، قاله أنا أحيي وأميت
يقصد إنه لو جاب واحد وقال اقتلوه وجاب واحد تاني وقال سيبوه يبقى كده بيتحكم في أعمار الخلق !؟
سيدنا إبراهيم قاله طيب ربنا بيشرق الشمس الصبح من المشرق ،
خليها انت تشرق من المغرب !؟
فبُهِت الذي كفر - ملقاش كلام وحُجج يقولها ..
سيدنا إبراهيم كان بيتكلم عن ربنا وبيثبت إنه الواحد الأحد بكل قوة ،
ثم سأل ربنا إزاي يا ربي هتحيي الموتى !؟ يا خبر أبيض !
بعد كل ده ربنا قاله أو لم تؤمن ؟ قاله بلى ولكن ليطمئن قلبي ❤
ربنا قاله هات عدد من الطير ادبحهم ونضفهم من ريشهم - ينزع الريش - وقطعهم وحط كل حتة على جبل ثم نادي عليهم ييجولك
وبالفعل شاف قدام عينه القطع بتتجمع والريش بيتحط عليهم
والرقاب كأنها متدبحتش ثم كل طير أصبح حي يرزق !
قال من قلبه أعلم أن الله على كل شيء قدير ☺
هتلاقي في سورة البقرة الآيتين 258 و 260 بيحكوا عن القصة دي 💪

- أوقات استجابه الدعاء 😍 ❤
1- عند سماع الآذان
2- بين الآذان والإقامة
3- في جوف الليل الله يتنزل ويقول هل من سائل فأعطيه
صل قيام ليل وادعي
4- في السجود
5- بعد التشهد الأخير وقبل التسليم
6- دعوة الصائم لا ترد حتى يفطر وعند فطره - يعني الوقت اللي انت صايمه فيه كله ثم أول ما تاكلى لقمة
7- أثناء قراءة القرآن ، سيدنا النبي علمنا إنك تسأل الله بالقرآن
يعني إيه ؟
يعني وانت بتقرأى القرآن جت آية عن الجنة بعد ما تخلصها وقّفى القراءة واسألى الله الجنة ☺
آية عن تقبل الدعاء بعد ما تخلصها وقّف القراءة واسأل الله إجابة دعائك ❤
آية عن الرزق بعد ما تخلصها وقّف القراءة واسأل الله يرزقك أي حاجة انت نفسك فيها ❤
آية عن الآلفة بعد ما تخلصها وقّف القراءة واسأل الله يألف بينك وبين اللي بتحبيهم ☺

- افتكرى الجملة دي كويس - ' الله إذا أعطى النبي أعطى الصبي '
ربنا مرزقش الأنبياء بمعجزات عشان هم أنبياء
ومش هيزرقك لأنك شخص عادي !؟
ده مفهوم غلط الشيطان بيلقيه في قلبك عشان توقف دعائك
ف خد بالك 😉 💪

- افتكرى كمان إن ربنا استجاب لأعصى الخلق وهو إبليس !؟
لما طلب يخرج من دايرة ورحمة الله ..
لو انتى شايف نفسك سيئه ف مين فينا محسن يا صديقه ؟
ربك رب المحسن والمسيئ ❤ ..

- ادعي لغيرك بالدعوات اللي نفسهم فيها ، وبالدعوات اللي انت كمان نفسك فيها - الملايكة هتدعيلك ولك بالمثل ☺ ❤