البوست دا يمكن يكون طويل بس صدقني اجمل بوست ممكن تقراه وحيطمن قلبك💚
عشان باختصار بتكلم عن الجنة🌸

عندي كتاب اسمو
( حادي الأرواح الي بلاد الأفراح ) لإبن القيم 🌸
كلما اتعب من الدنيا وزهج شديد بمشي بقرا منو ورقات ، بتكلم عن الجنة ونعيمها 💚
انا قاصد ما اكملو عشان هو زي المسكن باخد منو كفايتي بس وبرجع ليهو تاني وقت الوجع 🌸

واتخيل انك تكون زهجان وقافلة معاك ، وتمسك الكتاب دا وتفتح صفحاتو وتلقي الحاجة الححكيها ليكم دي 🌸

لما اهل الجنة يفصلو من اهل النار ، وخلاص كل الخوف خلص وانتو واقفين جماعات جماعات ، مافي زول بدخل الجنة براهو
معاك اهلك واصحابك والناس البتحبهم شديد وكنتو سايرين في طريق ربنا سوا 🌸

يلا وانتو واقفين ومستنين زول يجي ، عارفين الزول دا منو ؟ ...

ااي اياهو حبيبنا النبي صل الله عليه وسلم 💚💚💚🌼
يجيك ماشي من بعيد وانت شايفو قدامك
بملامحو الجميلة ، بنور وشو الساطع 🌸

ويقولو ليهو افتح الجنة عشان الناس تخش
اخخخ ياااخ قبل النبي يفتح الباب تعال
شوف الباب كيف يااخ🌸

الباب الواحد مسافة الضلفة الاولة من التانية مسافة اربعين سنة 🌸 يعني الباب دا تمشي فيهو اربعين سنة عشان تلحق اخرو 💚

وبعد دا النبي قال وسيأتي يوم وعليه زحام
🌸✨✨

يعني حيجي يوم والناس دي متزاحمة شديد وداخلة واي زول داير يدخل جوة🌸

كيف ما ازاحهم وانا حدخل قصري واشوف زوجتي واشوف الأنهار والقصور المبنية من ذهب ولؤلؤ واشوف ترابها تحت زعفران وصندل ولا فيها شمس ولا فيها برد وكمان اشوف الله قدام. عيوني والاقي الصحابة والانبياء ، واشوف اهلي واحبابي الصالحين
والحور العين والبنات الماتو قبل يتزوجو يلاقو رجال الدنيا الصالحين ويتزوجو ويعيش في الجنة💚

ولما تدخل يلاقوك الغلمان المخلدون القال فيهم ربنا زي اللؤلؤ ويقولو ليك انت فلان مش ؟؟ فتقول ليهم ااي ، فيسوقوك من يدك ويوروك قصرك ، وقبل تدخل تعاين فيهو قصر عااالي وكبييير وكلو ذهب وفضة وتقعد تتفكر دا حلم ولا حقيقة انا حسكن هنا 💚🌼
وتدخل جواه ، تشوف فيه اربعة ابواب
وتسأل الخدم ، الاربعة ابواب دي ليه ؟
باب واحد بقضي ...اربعة ليه ؟

فيرد ليك واحد من الخدم ، الباب الاول عشان الملائكة تدخل بيه عليك 🌼
وفي حرص برا ، بجي يكلمك لما الملك يجيك
والباب التاني عشان اصحابك لما يجو ازوروك ويتونسو معاك 🌸
والباب التالتة دا خاص بزوجاتك انت وبس🌸

اها والباب الرابع دا بجيني بيهو منو ؟؟

لالا دا ما بجيك بيهو زول ، الباب دا بدخلك بجنة السلام وبوديك لربنا تشوفو😭🌸

وجاب الأية البتقول:
( واذا رأيت ثم رأيت نعيمآ وملكآ كبيرا )
🌸🌸🌸🌸

انا شكلي اندحت شوية في الوصف جوة وخلينا نرجع لوقفتنا القبيل الجانا فيها النبي قبل ندخل الجنة ونشوف حصل شنو ✨

لما النبي جانا ، والناس منتظرة تفتح الجنة
فجاة كدا نور كتيير بملأ المكان كلو ، ضوء غريب لدرجة بعيدة وكل المكان بولع ...
فبسجدو أهل الجنة كلهم عشان مفتكرين انو دا ربنا حيظهر ليهم ، عشان وعدوهم يشوفو ربنا 🌸💚

فيناديهم منادي ، يا اهل الجنة ارفعو رؤوسكم فيرفعو رؤوسهم ، ويقولو ليهم عايزين
نسجد لربنا نحن 🌸💚
فبردو ليهم بس دا ما ربنا ...
فيستغربو ويقولو دا ما ربنا ؟؟ طيب دا شنو ؟
فيجيهم الرد :

إنما هذه حورية إبتسمت في وجه زوجها
😭😭😭😭✨💚

شوف النعيم دا يا مؤمن ، طيب لو ضحكت حتكون كيف؟ ما دام ابتسامة بتعمل كدا🌸

عارفين الأجمل من دا كلو شنو يا بنات ؟؟

إنك في الجنة اجمل من الحورية دي بأضعاف المرات والحورية دي خادمة وانتي سيدة 🌸

وببقي السؤال الحقيقي ، ماذا اعددتم لها ؟؟

ما اظن محتاج اقول ليك شارك البوست ، براك حتشاركو 💚