ايلول
الشوارع الفاضية والنوم ع أذان العشا، المغتربين راحوا والمدارس بكرا بتداوم،حتى الشجر عم يحضر حالو لحتى يسافر، يسافر متل البشر.
أيلول الحزن الأصفر هذا الحزن اللي بيترك أثر حلو وبِوجِّع.
أيلول بكل تفاصيله فيه شي من الحب بداية لحتى تشم فيه ريحة اول شتا ريحة الحنين.
أيلول يلي دائماً بيذكرك انو مع كل نهاية قصة بحياتك في بداية جديدة
مع كل شجرة بتوقع.... بيوقع معها قصة من حياتك
مع كل تنهيدة وقت تحس الجو صار بارد.
وبتتذكر انو هلأ صار وقت تبلش من جديد.... وقت تعيش حياة جديدة. ❤️
Semaz