“Fesleğen” Hikmet Anıl Öztekindan
Kitobni sentabrda turkchasini sotib olgan edim, boshida muqova unchalik qiziq tuyilmasa-da, kitob oʻziga rom etib qoʻydi va eng sevimli kitoblarimdan biriga aylandi.
Asarda yozuvchi oʻz hayoti haqida yozgan, ha Sayyoh oʻsha Hikmet Anıl Öztekin, Rayhon esa ayollari Şennur Öztekin.
Kitob bosh qahramonlarning ismlari ham keltirilmagan hatto. Ular bir-birini Seyyah va Rayhon deb chaqirishar edi, bir-birlarida telefon raqamlari-yu, internetdagi sahifalaridan ham xabarlari yoʻq edi. Oralaridagi suhbatlar ham faqatgina kitoblar, ilm haqida izlanishlar haqida boʻlar edi. Ikkalovlari ham dunyodagi foniy ne’matlarga oʻch emas edilar, ular uchun suhbat, mehr, muhabbat kabi narsalar qadrliroq edi. Asardagi boshqa qahramonlardan yana biri bu Rayhonning otasi. U odamning ilmi juda ham hayron qoldiradi kishini, kitobni oʻqib otaga havas qilmay iloji ham yoʻq.
Siz bu kitobda sabr qilishni oʻrganasiz.
Kitobdan:
Nasib qilmagan boʻlsa, inson taqdiri bilan oʻn sakkiz yillik uyining hovlisida uchrashadi-yu, oʻzi buni sezmay ham oʻtib ketarkan…