اغلبيتكم دخلوا في حالة بعد نتائج الفصل الاول .... المشكل ميشي المواضيع صعبة وتع الباك سهلة
ولا انت مراك فاهم والو ولا الاستاذ لي تقرا عندوا ناقص...... المشكل انك مكنتش منظم روحك فالقراية كنت تستقبل برك في المعلومات بصح محطيتش روحك وين تختبر روحك.......غالبية قرايتك كان الاستاذ لي يقريك هو لي يحل التمارين وانت تتفرج قليل وين تطبق واذا طبقت راح تطبق افكار باينة ..... احمد ربي انو صراتلك الفصل الاول وين فقت بلي مكنتش تقرا سواسوة مكنتش تقرا كيما يلزم
عندك شهر هذا قبل الفصل الثاني تدارك الوضع
عاود نظم روحك عاود نظم افكارك
سيي حل تمارين وحدك حاول اغلط ومذابيك تغلط باش متعاودهاش فالباك

اختبارات الفصل ذا كانت مجرد تنبيه ليك باش تعاود تراجع امورك
يمكن خسرت المعركة لي هي الفصل الاول بصح مخسرتش الحرب لي هيا الباك

وربي يوفقكم 🫡🫡