Unutilgan sunnatlar: ochiq chehralilik⠀
Alloh taologa hamdu sanolar, Payg‘ambarimizga salavot va salomlar bo‘lsin! ⠀
⠀
Abu Zar Gʻiforiy roziyallohu anhudan rivoyat qilinishicha, Rasululloh sollallohu alayhi va sallam shunday deganlar: “Birodaring yuziga qarab tabassum qilishing sening xayru ehsoningdir” (Termiziy (1956) rivoyati).⠀
⠀
Imom Munoviy rohimahulloh bu hadisning sharhida aytadilar: “Birodaring bilan ko‘rishganingda unga ochiq chehrali bo‘lsang xuddi xayru ehson qilgandek savob olasan”.⠀
⠀
Ibn Battol rohimahulloh aytadilar: “Hadisdan olinadigan foydalardan biri shuki, insonlarga tabassum va ochiq chehra bilan muomala qilish payg‘ambarlar xulqlaridan bo‘lib, bu ish mutakabbirlikka barham beradi hamda o‘zaro mehr-muhabbatni paydo qiladi”.⠀
⠀
Jamiyatda ochiq chehrali odamlarning ko‘payishi insonlarning g‘am-tashvishlarini yengillatadi. Inson tabassum qilishi uchun hech qanday muammosi yo‘q, uning huzurida hamma narsa mahayyo bo‘lishi shart emas.
Rasululloh sollallohu alayhi va sallam shuncha musibatlarga duchor bo‘lsalar ham, boyu kambag‘al, oqu qora, yoshu qari, barchaga doim tabassum qilardilar. Bu haqda Abdulloh ibn Horis roziyallohu anhu shunday deydi: “Men Rasululloh sollallohu alayhi va sallamdan ko‘ra ochiq chehrali kishini ko‘rmadim” (Termiziy (3641) rivoyati). Jarir ibn Abdulloh roziyallohu anhu aytadilar: “Men islomga kirganimdan so‘ng Rasululloh sollallohu alayhi va sallam huzurlariga borsam, u kishi meni hech ham qaytarmas, doim menga kulib qarar edilar” (Muslim (2475) rivoyati).⠀
⠀
Kelinglar, jamiyatimizda ochiq chehrali insonlar soni ortishiga o‘z hissamizni qo‘shaylik. Zero, tabassum va ochiq chehralik jamiyatda birlik paydo bo‘lishi, kibr, hasad va ko‘ra olmaslik kabi illatlar yo‘qolishiga sabab bo‘ladi.⠀
⠀
*Postdan shuni tushunamizki erkak erkakga tabassum qiladi, ayol ayolga. Erkak ayolga yoki aksi ayol erkakga tabassum qilsa bu ish fitnaga olib keladi. Fitnaga kirgan odam zinoga moyil bo’lib qoladi. Alloh bizga zinoga yaqinlashmasligimizni buyurgan:⠀
⠀
“Va zinoga yaqinlashmangiz! Albatta, u foxisha ish va yomon yo’ldir.”⠀
⠀
(Isro:32)⠀
⠀
⠀
Bir-biriga mahram bo’lgan erkak-ayollar bir-biriga tabassum qilishi joiz.☺️
⠀
Matn manfaatli telegram sahifasidan olindi!
➖
@taqvolan ➖
