2024-yil 1-2-mart kunlari O‘zbekiston Respublikasi tashqi ishlar vaziri Baxtiyor Saidov boshchiligidagi delegatsiya
Antaliya diplomatik forumida ishtirok etdi. Davlat va hukumat rahbarlari, yirik xalqaro tuzilmalar yetakchilari, ko‘plab mamlakatlarning tashqi ishlar vazirlari, siyosatchilar, ekpertlar ishtirok etgan tadbir muhim muzokaralar va uchrashuvlarga boy bo‘ldi.
Xususan, O‘zbekiston TIV rahbarining forum doirasida “
Turkiy dunyoda institusionallashtirish: XXI asrda Turkiy davlat tashkiloti” mavzusidagi panel sessiyasidagi ishtiroki davomida jahon miqyosida mavjud geosiyosiy vaziyatning dolzarb jihatlari muhokama qilindi.
Tashrif davomida
Kuvayt, Ozarbayjon, Qirg’iziston, Qozog’iston, Rossiya, Slovakiya, Tojikiston, Turkiya, Vengriya tashqi ishlar vazirlari,
Butunjahon intellektual mulk tashkiloti bosh direktori,
Iqtisodiy hamkorlik tashkiloti bosh kotibi,
Turkiy davlatlar tashkiloti Bosh kotibi,
Turkiy madaniyat va meros jamg‘armasi prezidenti va boshqa xorijiy hamkorlar bilan ikki tomonlama uchrashuvlar ham o‘tkazildi.
Muzokaralarda barcha yo‘nalishlarda hamkorlik rivojlanayotgani qayd etildi. Shuningdek, mintaqa oldida turgan
dolzarb masalalar,
tinchlik va barqarorlikni qo‘llab-quvvatlashning ahamiyati muhokama qilindi.
Hamkorlar bilan muzokaralarda eng asosiy urg‘u
mamlakatimiz iqtisodiy manfaatlari yo‘lida xalqaro miqyosda ikki va ko‘p tomonlama munosabatlarimizni yanada yaxshilash,
yangi imkoniyatlarni kashf etishga qaratildi.
Obuna bo'ling @TIVmatbuot
