8أكتوبر.

ويش أسوي لا طريق ولا خوي
لا قرار ولا خيار ولا مصير

اللّيالي تلوي ذراعي لوي
والرفيق السيف يغريه الجفير

والضياع بسكّتي يدوي دوي
اتصفّق لا سراب ولا غدير

أطوي الظلما وعيّت تنطوي
واشتهيت الشوف بعيون الضرير

مثل طير طاح بيدين بدوي
يلعن الطيحة ولا يقوى المطير

كل يوم أقول باكر تستوي
وخاب ظني بالزمان و بالنصير

كنت أنا الصدر الحنون المحتوي
وكنت أنا لاحساسهم سلك الحرير

وصرت أنا هاك النحيل المنطوي
تلهث أنفاسي ورا حلمٍ كبير

ضاعت الحيلات حيل الله قوي
لاني الأول ولا اظن الأخير

قلت بصرخ وآخر علاجي كوي
وصلت الحلقوم والخاطر كسير

من شرب من كف غيره ما روي
لعنبو كفٍ على المَدة قصير

لا تعاتب ويش أسوي ياخوي
لا قرار ولا خيار ولا مصير.

⁃ مساعد الرشيدي.

تخوّفني مشاوير الطّريق المظلم المهجور
وأنا لامن ذكرتك قلت طولي يامشاويري.

𝟐𝟎𝟎❤️❤️.

وشلون تقسى ياحبيبي وأنت عُودك خيزران ؟
لا عاد تقسى مثل ما تقسى السنين الماضية

ياعود ما سمّوك عود إلّا ولك قدّ و لِيان
حتى الأيادي عينها عن قطفتك متغاضية

يالله تحنّن مابعد جرّبت في عمري حنان
ناظر عروقي من الحنان اللي تعرفه فاضية

ماعاد في صدري جلد يالله عليك المستعان
غديت كني بايع الرمضى لعينٍ لاضية

ليه أتغلى ولّت دروب التغلّي من زمان
اللّي طرحني في هواك الضربتين القاضية

الأولة ساعة لمحتك وأصبحت عشري ثمان
والثانية يومك معذّبني وروحي راضية.

- علي بن حمري .

ليت كسر الذات يبرى بالجبارة والكتايف
كان بحاول واضبّه بالكتايف والجبارة

فرصةٍ تاحت وراحت مير يالله بالخلايف
ياوجود اللي قعد يصفق يمينه في يساره.

‏لاضاق صدري..بالقصيّد أتسلّى
‏لو كان مالي من ورا الشعر مصلوح.

قال لي : لو جتك فرصة تفتش بالقلوب ؟
قلت له : لو جاتني صدق مافتشتها

خلّني مرتاح أصادق عدوّ ، وأسمع كذوب
أترك العالم تمثّل وراك أبلشتها ؟

دامني لاجيت غالي ومقدّر ومحسوب
قيمتي خلف الكواليس مانبّشتها

لو براقب كل هرجة قفا من كل صوب
عشت عيشتهم وأنا عيشتي ماعشتها

طلقةٍ ماصوّبتني بتقلعها الهبوب
طايشة وإليا تجاهلتها طيشتها

التغاضي والتروّي يعيّشك امهَيوب
والصغار تزيدها قدر لا ناقشتها

الحسد والحقد والبغض والغيرة تذوب
من قلوب ماتدانيك لا همّشتها

والأوادم عن هروج القفيّا ما تتوب
لو تلحّفها رموشك عقب فرشتها

آكلة لحم البشر ناس جوعانة ذنوب
آكلين إليا تضايقت..وإن طنشتها

دام مافي يدينك لا شروق ولا غروب
خل نفسك في تغاضيك تلبس بشتها.

Cv:
مابقى عندي من أصناف الطموح إلّا القناعة.

عزالله إنه كان لي قلبٍ قوي.

8/10
‏عسى ما راح من عمري غفره الوالي المعبود
‏وعسى اللي جاي ما تكتب بصفحاته ولا سيّه.

قصييدة فووق الوصصف.

يا لحون العود ولا يا مجارير الربابة
إختلف معنى القصيد وضيّع الفنان فنّه

حلم مدري علم مدري نوض برقٍ في سحابة
أثرها طلّة جبينه يوم زاح الليل عنّه

أقبلت مثل الفرس لا سمعت طبول الحرابة
مقتفيها ليلٍ أسود والنجوم يفرّقنّه

النهار يمر ويعدّي وليله في عقابه
النحر صبحٍ تجلّى والجدايل كنّهنّه

مخملٍ يلتفّ حول الجيد الأتلع بالنيابة
عن سلاسيل الذهب والماس خوف يجرّحنّه

غاب عنّي والوله خلاّه عندي في غيابه
ما درى إن فرقاه نار ولا درى إن لاماه جنّة

يا وجودي وجد عودٍ لا عيال ولا قرابة
ما جداه إلا يونّ ويردف الونّة بونّة

لا لقى فزعة رفيق ولا دعاةٍ مستجابة
كلّ ما أمسى له بظنٍ خيّبت الأيام ظنّه

ويا وجودي وجد من صفّق على ماضي شبابه
بان شيبه والسنين اللي يبيهن خالفنّه

غرّته خضر السنين وراح عمره ما درى به
غرّرنّه وأرفعنّه لين سجّ وحولنّه

ذاك وجدي في غياب اللي نزح والله جابه
صح فرض الله فرض وسنّة الرسول سنّة

الغلا جسمٍ رقيقٍ مرهف إحساسي ثيابه
مثل غصن الورد يوم إن الهبايب يطرقنّه

ما زرعت إلا غلاه ولا نقلت إلا صوابه
والحشا ما ضاق من خضر الطعون المستكنّة

يا حبيبي ما زها كفّ الخضاب إلا خضابه
فيه نظم المفردات وفيه للعشّاق عنّه

الظبي ما له شبيه وبينك وبينه تشابه
إلتفت بشويش وألقى فيه منك وفيك منّه

خالقك من فضّل محمد على كلّ الصحابة
وسخّرك مثل المهار اللي تسخّرها الأعنّة

والثناء والشكر للي رحمته تسبق عذابه
لا لخلق الله فضل ولا لخلق الله منّه

قاله اللي ما خذا مما يريد إلا هبابه
خيرة الفارس ثنيّة خيل صفراً مستعنّة.

- سلطان الهاجري.

‏أتجرّع الهواجييس و أحب القصيد
‏ولا أداني ضعيف النفس و الرخمة.
‏- سيرة ذاتية.

أنا المزن وبجوفي بطل بالضما مذبوح
وعلى شحّها ما خيّبت هقوة الهاقي

وأنا شمس..لكن مالقت فالوجيه سفوح
فهقت الظلام ولا تخاذلت بإشراقي

وأنا نجم لكن لي متى النجوم تلوح
قبل غيبتي لابد ما استثمر آفاقي

عشقت التميز والتميز عمل مسموح
واللي يعذربني عليّ أنت وش لاقي ؟

-حمد السعـيد.