الي يقره التاريخ البشري راح يلكاه مليان حروب وقتل وضلم وناس تذبح ناس من اجل السلطة والفخر والتقاليد والايمان خاصة الايمان حسن بلاسم يكول الانسان الحيوان الوحيد اليقتل من اجل الايمان ، فنتيجة لهذا ونتيجة لفشل كل المحاولات الي سبقتنا للاصلاح وتوجيه البشرية للعيش بصورة افضل وفق مبادئ اسمى وتكوين حياة ارقى تكثر بيها الحرية واحترام الناس وندير بالنا بيها ع امنا الارض ولان هذا ميصير لو يجي زيوس معگل فاغلب الناس يتمنون ان البشرية تنقرض يگلك بما ان اني ما اكدر اتحكم بنفسي انقرض وافك الناس من شري .
شوف حبيبي صح التاريخ بيه كل الحجيته فوك بس بيه قصص عن بشر عظماء عن عقول متتكرر عن انجازات تناطح السحاب احنه بدينا من الصفر بدينا كجنس بسيط من القردة العليا وشوفوا وين وصلنا اليوم ،شوفوا التكنولوجيا الفن العلم كلشي شوفوا شلون خلقنا عوالم وعوالم من لا شئ او من اشياء كلش بسيطة ، وبطريقة يوسف سيف " شف شف شف الهومو سبينز شيعمل بس الحقيقة ميسي بيستاهل الكرة الذهبية " 😂
فيا اخي انتم اللي تكولون خلي ننقرض رجاءا انقرضوا ،تردون تنقرضون انقرضوا بوحدكم احنه عدنا هواي بعد اشياء ممكن نقدمها، صح احنه ممكن ناخذ من الطبيعة هواي بس هم جاي ننطي ونبذل ونحاول نضيف اكثر مما ناخذ ،،
ثم سؤال احنه كبشر گاعدين عد اهلنه وساكتين اذا انقرضنا هو احنه كده استفدنا ايه ? شوف حبيبي لازم نفكر ع ان احنه اهم شي موجود احنه ومن بعدنا الطوفان
#وثيمالا