اسیرم زلزله دن قورخان اوشاقلار کیمی یم
توکولن قول بوداغی شاختالی باغلار کیمی یم
چوخ دییردیم منی یورمازلا بو یول سوز یوللار
ایندی باشماقدا قابار ویرمیش آیاقلار کیمی یم
ایله بیل اووصاحابیم قارشیما بوش سفره سالیب
بوینو چئگنینده قالان غملی قوناقلار کیمی یم
نچه ایللردی سوزوم کووز قالادیر کوکسومده
ایندی ولکان توره دن سینه سی داغلار کیمی یم
اووت دوتووبدور ایله بیل دنیا یانیر من باخیرام
سویو دیبدن قورویان داشلی بیلاقلار کیمی یم
من گونش وورقونو یام کیمسیه اوخشاتما منی
داغ دوشونده سارالان رنگی شافاقلار کیمی یم
ایللر ایلاردی گوزوم یولدادی یوللار اوزانیر
گوروکن داغ کیمی یاخیندان اوزاقلار کیمی یم
منه داغلار کیمی وورغونلار اوزاخدان باخالار
ساچلاریم اغسادا یاخیندان اوشاقلار کیمی یم
گونلریم کیل که لنیب نازلی نیگارین تئلی تک
دیشی غمدن توکولن تاختا داراقلار کیمی یم
#هوشنگ_جعفری
••••••❥🕊 ❥••••••
🦋
@Turk_Dunyase 🦋
