⚡️University of Business and Science — yilning eng yaxshi nodavlat oliygohi!

Respublikadagi nodavlat oliy ta’lim muassasalari faoliyatini baholash va ularni qo'llab-quvvatlash maqsadida 2023/2024 o'quv yili yakuni bo'yicha “Nodavlat ta'lim” ijtimoiy loyihasi tashabbusi bilan 23-iyuldan 5-avgustga qadar “Yilning eng yaxshi nodavlat oliygohi — 2024” ko'rik tanlovi bo'lib o'tdi.

To'liq jamoatchilik fikriga asoslangan ushbu tanlovda Namangan shahrida faoliyat olib borayotgan University of Business and Science 30 913 ta ovoz bilan g'olib bo'lib, faxrli 1-o'rinni egalladi.

Avval e'lon qilganimizdek, g'olib OTMga “eng yaxshi nodavlat oliygoh” statuetkasi, maxsus sovg'a hamda 20 mln so'm miqdoridagi naqd pul mukofoti topshirildi. Universitet jamoasi kelgusida ham eng yuqori marralarni zabt etishiga tilakdoshmiz!

Ma'lumot o'rnida shuni aytib o'tish joizki, University of Business and Science Namangan shahrida Oliy ta'lim, fan va innovatsiyalar vazirligi tomonidan taqdim etilgan litsenziya asosida 34 ta bakalavr, 6 ta magistratura, 5 ta doktorantura mutaxassisliklari bo'yicha tahsil berib kelmoqda.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!