السلام عليك يا أبا عبد الله
السلام عليك يابن رسول الله
تقرأ بألحان مختلفة
#وداع الحسين عليه السلام
#شور
#الوداع
*حسين وداعاً وداعاً وداعاً*
*حسين وداعاً وداعاً وداعاً*
*حسين وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احسين يبچي يم اخيته وهي بس تبچي وتنعه
تدري من يطلع اخوها للخيم ماعنده رجعه
التمت اعليه اليتامه تشبگ اعليه وتودعه
وابچیهن مرمرنه وهدمن تهديم ظلعه
*غريب وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حَب الأطفال وشبگها والدمع هو الکلام
ولن رقیه جته ترکض بویه بحظینك أنام
صاحت العدوان بإسمه إطلع وعوف الخيام
آه صاح وهل دمعته بابا هذا آخر سلام
*سليب وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
إحسين بالنظرة الاخيره عينه دارت للعليل
گال ياتالي النشامه انت بمچاني الكفيل
عمتك عينك عليها راح عالهزل تشيل
باچر اتصعدون گوه امچتفین ودنيا ليل
*ذبيح وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واگف اباب المخيم والحرم تبچي عليه
إسكينه والحره العقيله چلبن حیل ابأديه
وياك أخذنا ياضمدنا اتوسل اتوسلن بيه
كل دقيقه امن آل أميه واحد يصيحه ويجيه
*صريع وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ياحسين انتظر لحظه عندي من امي وصيه
امي گالتلي يزينب لو حظرتي الغاضريه
شمي صدر احسين يمه والنحر حبيه إليه
گلها ابو السجاد خويه زينب اشسويتي بيه
*شهيد وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ودعاهن بالمدامع والبواچي والونين
واعتله الميمون رايح معتني اعله ظالمين
ظلت اعيونه على أخته والگلب يلهب حزين
ريت يازهرا حظرتي اوداع ابو اليمه الحسين
*قتيل وداعاً وداعاً وداعاً*
*حسين وداعاً وداعاً وداعاً*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*تمت*
العمل مهدى إلى مولاتي فاطمة الزهراء ومولاتي زينب الحوراء عليهما السلام نظرة يافاطمة نسأل الله تعالى القبول والتوفيق وحسن العاقبة
*أم علي رضا الشريفي الحسيني*
https://t.me/umaliridashrifyنسألكم الدعاء خدام وخادمات الإمام الحسين عليه السلام
