Unco school

Amaliyotning foydasi

"... 9 yoshdagi farzandim matematikaga umuman qiziqmas edi. Qiziqmasa ham mayli-ya, borgan sari bu fandan bosh torta boshladi. Natijada baholari pasayib ketdi. Bu muammoning muolajasida uzoq o'ylanganimdan keyin menda bir fikr paydo bo'ldi. Farzandimga tijoratni o'rgatishga qaror qildim.
Yozgi ta'til yaqinlashayotgan kunlarning birida uni har xil o'yinchoqlar sotadigan do'konga olib bordim. Keyin unga: "o'g'lim mana o'yinchoqlar, hohlaganingni tanla, olib beraman. Sen esa ularni o'rtoqlaringa sotasan", dedim. Avvaliga o'g'lim hayron bo'lib bir muddat o'ylanib qoldi. Keyin taklifim ma'qul tushib, o'yinchoqlarni birma-bir tanlay boshladi.
Shu taxlit sotib olingan o'yinchoqlarni o'g'lim har kuni bitta-ikkitadan qilib o'rtoqlariga sotib kela boshladi. Kechqurun ishdan kelganimda o'g'lim ikkimiz ko'rgan foydani hisob-kitob qilar edik. Ko'p o'tmay u hisob-kitobga usta bo'lib qoldi.
O'g'lim yangi o'quv yili boshlanib 4-sinfga o'tgach, matematikadan a'lo baholar ola boshladi. Qolgan barcha fanlarni ham yaxshi o'zlashtira boshladi.
Demak, farzandlarimizga birgina matematika fanini o'zlashtirishiga erisha olsak, bu ularni boshqa fanlarni yaxshi o'zlashtirishiga olib keladi"

"Farzand tarbiyasida 700 saboq" kitobidan

@Unco_school