TOP Maxfiy xabarlar | Rasmiy kanal

Давлат Раҳбари ва Администрация раҳбарига таклифлар!!!
Президентимизнинг 2022 йил якунида қилган мурожаатларида Республикадаги вазирликларни қисқартириш бўйича берган таклифлари албатта биринчидан ҳақиқий мутахассисларни келгусида вазирликларда ишлашига имконият яратса, иккинчидан бюджет маблағларининг катта қисмини тежашга олиб келиши ҳаммамизни қувонтирди.
Мурожаатдан сўнг, Республикадаги раҳбарларни қуйи поғонага тушиб ишлаши учун ишчи гурухлар тузилиб, туманларда ишлар ташкил қилмоқда. Масалан қишлоқ хўжалиги, ипакчилик, тадбиркорлик, ёшлар билан ишлаш соҳаси бўладими, аксарият ҳолларда кўп сонли (20-50 нафар) ходимлардан иборат ишчи гуруҳлар тузилмоқда. Бу ишчи гурухларни йўл ҳаражатлари, уларни озиқ-овқат, меҳмонхоналар билан таъминлашда (раҳбарларнинг аксарияти “люкс” меҳмонхоналарни танлайди) аҳоли солиқларидан тушадиган бюджетимизга анча қимматга тушмоқда. Мисалан, куни кеча Навоий вилояти, Хатирчи туманига ёшлар масаласида келган 30 нафарга яқин ишчи гуруҳ ходимларининг 10 кунига тахминан 250-300 млн. сўм маблағ сарфланди. Бунақа мисолларни кўп келтириш мумкин. Кўп сонли ишчи гурухларнинг туманларда ишлаши келгусида давлат бюджетига миллиардлаб зарар етишини қандай тушиниш мумкин? Шунинг ўрнига 2-5 нафар малакали мутахассисларни туманларга юбориб, ўша ердаги ходимларни жалб қилиб, муаммони ҳал қилса бўладику. Нима жойлардаги ушбу бўлимларда ишловчи ходимларга ишонч йўқми? Агар ундай бўлса жойлардаги ходимлари қисқартириш керак эмасми?
Тежаб қолинган маблағлар эвазига эса Президентимиз устувор сифатида таъкидлаётган таълимни ривожлантириш, мактаб ва шифохоналар қуриш, ёшларимизнинг илмли бўлишига сарфласак фойдали эмасми?
Иккинчи масала селектор кўринишидаги йиғилишларга хар қандай Бош Вазир, Вазирлар томонидан ўтказилаётган йиғилишларни тугатиш вақти келмадими? Бу йиғилишларга фақатгина соҳага тааълуқли мутахассисларни жалб қилиш керак. Ҳоким, Раҳбарлар иш вақти фақат йиғилишда ўтмоқда. Ҳозирда хафтасига 2 тадан 4 тагача селекторлар ўтказилмоқда. Президентимиз ўтказаётган селекторларда устувор вазифалар белгиланиб берилаётгани ҳаммага тушунарли, лекин Бош вазир, Бош вазир ўринбосарлари томонидан 2-2.5 соатлаб йиғилишлар ўтказилаётгани натижасида соҳадаги раҳбарларнинг вақти зое кетмоқда. Раҳбарлар ҳалқнинг муаммоларини ҳал қилиши, ўз вазифасини бажаришига шу селекторларнинг ўтказилиши тўсқинлик қилмоқда. Бундан ташқари, “Zoom” дастури орқали соатлаб раҳбарларга йиғилишлар қилинмоқда.
Селекторларни соатлаб ўтказилишини халққа хиёнат десак муболаға бўлмайди. Кредит олиш учун ойлаб, хафталаб кутган тадбиркор хужжатларини ўрганиш ўрнига банклар раҳбарлари селекторга келишмоқда. ИИБ раҳбарлари соатлаб йиғилишда ўтирса, жиноятчиликка қарши қандай курашади? Бунақа мисоллар ҳамма соҳада учрамоқда. Селектор ва йиғилишлар ўтказилишини камайтирилиши ҳамма учун кўпроқ фойда бўларди.
Сардор Умрзақов мазкур таклифларни кўриб чиқиб, ижобий ҳал қиласиз деган умиддаман.

@utamahfiyxabarlar

⚡️ Бугундан ўзбекистонликлар учун кетма-кет 4 кунлик дам олиш бошланади

Жорий йилги Янги йил байрамида иш ҳафтасининг давомийлигидан қатъий назар барча ходимлар кетма-кет 4 кун дам олишади.

Қуйидаги кунлар дам олиш куни ҳисобланади:

✅ 31 декабрь — шанба (Президентнинг ўтган йилги фармони асосида 6 кунлик иш ҳафтасидаги ходимлар учун дам олиш куни);

✅ 1 январь — якшанба (Янги йил байрами);

✅ 2 январь — душанба (иш ҳафтасидан қатъи назар барча учун қўшимча дам олиш куни);

✅ 3 январь — сешанба (6 кунликлар учун қўшимча дам олиш куни, 5 кунликлар учун 7 январь – шанба кунидан кўчирилган дам олиш куни).

❗️4 январь (чоршанба) кунлари иш куни бўлади.

@Utamahfiyxabarlar

🇺🇿Қонунчиликда ўқитувчиларга берилган айрим имтиёзлар:

❗️ Ўқитувчилар тиббий кўрикдан ўтиш учун пул тўламайди;
➖ Мактаб директорларига ҳам ойлик устамалар тўланиши мумкин;
➖Ўқувчилари ОТМга кўп кирган мактаблар раҳбарияти рағбатлантирилади;
➖ Ўқитувчи бўлиб ишлаётган халқаро олимпиадалар ғолибларига ҳар ой 150 фоиз устама тўланади;
➖Пенсия ёшидаги педагоглар навбатдаги аттестацияга жалб этилмайди;
➖ Инклюзив таълим синфлари ўқитувчиларига қўшимча устама тўланади;
➖ Қишлоқлардаги мактабларда жисмоний тарбия ўқитувчиси бўлиб ишлаётган аёлларга устама тўланади;
➖ PhD ва унга тенглаштирилган бошқа илмий даражага эга мутахассисларга устама тўланади;
➖ Спортчи-тренерларга имтиёзлар берилади;
➖ Таълим сифати паст мактабларда бошқа ҳудудлардан келиб дарс бераётган ўқитувчилар учун махсус устамалар жорий қилинган;
➖ Математика, физика, кимё ва биология фанлари бўйича халқаро ва республика олимпиадалари ғолибларини тайёрлаган профессор-ўқитувчиларга пул мукофоти берилади;
➖ Айрим жисмоний тарбия ўқитувчиларига малака тоифаси аттестациясиз берилади;
➖ Халқ таълими тизими педагог ходимларига истеъмол кредитлари ва автотранспорт сотиб олиш учун имтиёзли кредитлар берилади;
➖ Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади;
❗️Таълим муассасаларининг чет тиллар фанлари ўқитувчиларига ойлик устамалар берилади.