" فراكج حيل هدلي الحيل "
( عَندمآ يَكون الرِثاء عِن الصداقة العَظيمة )
جانَتْ نـاعمَة وتَنجاس بَـلكوة
عَمت عَين الخَذاج المَوْت مو زَلمة 
جانَتْ تارسَة أياميّ فَرح وشموع
مـآ أدريّ الشَمع بَـ المكبرة نعَلگـة
مـآ أدريّ النَحبهمْ غَفلة مِن يَمشون
چـا عَفناهمْ ...
" مِن بعيد عَطر الوَرد نَشتَمـة "
لو أدريّ أعله ساعة برِمشة الفراک
چا حَطيت روحيّ بساعَتج سَكتـة
چا خَليت روحيّ وروحج ويَ المَوْت
هَلبتْ رَبـج ويَ الصارّ يَجمَعنـة
كِلمة خُوف جانَتْ گلبي بيّ أحساس
"راح افگدّ عيونج " عَينيّ الـ مدَمعة
عَيشيّ ويايّ كِتلچ حَتىٰ گلبيّ يَعيش
مِتـيّ وتالـيّ گلبي المات يـآيُمـة
أميّ وبنتيّ وأهليّ وناسيّ والكونْ
عَفتينيّ بـطِرک ذَكراچ والعَتمَـة
ضَليت أعله كِل أهلالّ مَنتَظرة
رمضان الـ أجه والفات والقبلة
هَلبتْ بالحَلم تَجمَعنة فَـدّ گعدة
يآرِيت الزَمِن بَس ثانية يَعُـود
چا ضَميتچ بگلبي وعَشت نَبضة
چا عَيشتج بروحيّ سَنة وسنين
مآ خَليت حَتىٰ النَفس يَبعدنـة
أدعِيلچ هوايَ وگلبي مَلچومْ
لان مُوتچ لهذا اليوّم مآ أصدگة

-آيات أيهم