O‘zbekiston animatsiya studiyalari assotsiatsiyasi

ДИҚҚАТ, ЭЪЛОН!

АНИМАЦИОН ФИЛЬМЛАР АДАБИЙ СЦЕНАРИЙЛАРИ ТАНЛОВИГА МАРҲАМАТ

Ўзбекистон Республикаси Маданият вазирлиги ҳузуридаги Кинематография агентлиги ва “Ўзбекистон анимацион студиялар ассоциацияси” ННТ ёш авлодни кўп минг йиллик тарихимиз, беназир алломаларимиз даҳоси, шахсияти, ибратли фаолиятлари билан таништириш, уларда улуғ аждодларга муносиб бўлиш туйғусини шакллантириш ҳамда миллий ғоя ва она Ватанга муҳаббат, халқимизга хос юксак инсоний фазилатлар, қадриятларга содиқлик руҳида тарбиялаш мақсадида бир қатор мавзулар бўйича адабий сценарийлар Танловини эълон қилади.

Танлов мавзулари:

1.Янги Ўзбекистонннинг миллий мультқаҳрамонини яратиш мавзудаги сценарийлар.

2. Улуғ алломалар ҳамда буюк ва енгилмас тарихий қаҳрамонлар ҳақида тарихий-биографик мавзудаги сценарийлар.

3. Интеллектуал-замонавий мавзудаги сценарийлар.

4. Илмий-фантастик, хаёлий мавзудаги сценарийлар.

5. Миллий детектив асарлар асосида ғаройиб воқеа-ҳодисалар, саргузаштлар мавзусидаги сценарийлар.

6. Ўзбек халқ эртаклари, ривоят ва афсоналари асосидаги сценарийлар.

7. Ўзбек халқ оғзаки ижоди намуналари – достонлар асосида сценарийлар.

8. Ижтимоий-фалсафий, бебаҳо миллий қадриятлар мавзусидаги сценарийлар.

9. Ҳазил-мутойибалар, кулгули сюжетлар асосида юморга бой қизиқарли сценарийлар.

10. 2025 йил – Атроф-муҳитни асраш ва “яшил” иқтисодиёт йилига бағишланган атроф-муҳитни муҳофаза қилиш, табиат ва ундаги жониворларга меҳр-муҳаббат уйғотиш мавзусидаги сценарийлар.

11. “Болалигим-пошшолигим”, яъни бугунги кунда юртимизда болалар ҳуқуқлари ҳар томонлама ҳимоя қилинаётгани ҳамда болаларнинг бурч ва мажбуриятлари ҳақида маърифий мавзудаги сценарий

👉Батафсил...

O‘zbekiston animatsiya studiyalari assotsiatsiyasi huzurida Animatsion filmlar bo‘yicha Badiiy kengash tuzildi.
1. Mavzur Maxmudov – Kamoliddin Behzod nomidagi Milliy rassomlik va dizayn instituti dotsenti, “O‘zbekiston Respublikasida xizmat ko‘rsatgan madaniyat xodimi”, animatsion filmlar rejissyori;
2. Nigora Xaydarova – Kamoliddin Behzod nomidagi Milliy rassomlik va dizayn instituti dotsenti, Animatsiya san’ati bo‘yicha san’atshunoslik fanlari falsafa doktori;
3. Muazzam Ibrohimova – bolalar psixologi va shifokori. Bolalar yozuvchisi, shoir, publitsist;
4. Zulfiya Qurolboy qizi – ssenarist, dramaturg;
5. Shokir Holiqov – kinorejissyor, ssenarist.
Animatsiya filmlar bo‘yicha Badiiy kengashning asosiy vazifalari quyidagilar etib belgilandi:
- yosh tomoshabinlarning talab va istaklarini o‘rganish asosida animatsion filmlarning mavzu va janrlarini shakllantirib borish va ularni ishlab chiqarish bo‘yicha tavsiyalar berish;
- mamlakatimizda ishlab chiqarilayotgan milliy animatsion filmlarning g‘oyaviy, ma’naviy va badiiy saviyasini oshirish bo‘yicha o‘rganishlar o‘tkazish va takliflar ishlab chiqish;
- yuqori saviyadagi animatsion va bolalar filmlari hamda yumoristik kinojurnallar yaratish sohasida faoliyat ko‘rsatayotgan ijodkorlar va mutaxassislar ijodiga ko‘maklashish va boshqa vazifalar.
Eslatib o‘tamiz, O‘zbekiston animatsiya studiyalari assotsiatsiyasi Boshqaruvi raisi lavozimiga Haydarov Abdulatif Ibragimovich saylangan edi.
uzasa.uz

#tayinlov

ЎЗБЕКИСТОН АНИМАЦИЯ СТУДИЯЛАРИ АССОЦИАЦИЯСИга
янги раҳбар сайланди

Ўзбекистон анимация студиялари ассоциациясининг 2024 йил
24 сентябрдаги умумий йиғилишида ташкилий масала кўрилиб, унда маҳоратли ижодкор ва кўплаб анимацион фильмлар муаллифи Абдулатиф Ибрагимович Ҳайдаров раис этиб сайланди.

Абдулатиф Ҳайдаров мамлакатимизда анимация соҳасида таниқли ижодкорлардан бири бўлиб, 2010 йилдан бошлаб эркин ижодкор сифтида, 2016 йилдан эса “ASTIR ANIMATION STUDIO” МЧЖ раҳбари сифатида фаолият кўрсатиб келмоқда. Унинг самарали ижоди давомида яратилган “Автосаргузаштлар”, “Сайёҳ” мультсериаллари, “Хасис баққол”, “Буюк ипак йўли бўйлаб саёҳат”, “Тўмарис” ва “Абу Райхон Беруний” каби анимацион фильмлари ёш томошабинлар меҳрини қозониши билан бирга миллий анимация соҳаси ривожига катта ҳисса қўшганлигини эътироф этиш зарур.

Шунингдек, Ассоциация умумий йиғилишида келгусидаги вазифалар ва режалар, хусусан, Кинематография агентлиги билан ҳамкорликда