Харцоно цІе тесна хийла хьо ягарх, 
Нохчийчоь ца йоьжна, гІаьттина яха. 
Кавказан ткъес хилла, маршонан ага, 
Хьан лаьттан сий дина яхь йолчу наха. 
 
Барт болу хьан къаьмнаш - мах боцу беркат! 
Хьо йоцург Нана яц нохчийн халкъ хьаста. 
Тхан дахар, тхан дерзар Даймехкан кхерчахь, 
Декъалдар доьхуш ду, Далла беш хастам. 
 
Башламан баххьашка дайн синош дуьссу. 
Органан тулгІено ненан мотт буьйцу. 
Исбаьхьа совгІат хьо, азаллехь делла! 
Шатлакхан илли ду тхуна ницкъ белларг! 
 
Къинхьегам, хьан хьуьнарш хазделла шайна, 
Халкъаца лерам бар кхаъ хуьлда хьуна. 
Машаран гІаролехь ирсан некъ тайна, 
Сий долуш Нохчийчоь ехийла тхуна!