Gaabbeera!

Amartiin gatiin qabdu
Gaafa jirtu qubatti
Ergasiin buutee baddee
Garaan gaabbiin gubatti

Homaa nattin fakkaanne
Gaafan siin gargar ba'uu
Ergan sidhabeen bare
Ati naaf qaalii ta'uu!...

Hunda keessaa filattee
Onnee keerra na keessee
Osoo na kunuunsituu
Akka haadha na deessee

Dhugaadhaan na jaalattee
Osoo naaf kuftee cabduu
Borii keef na abdattee
Osoo naaf qalbii dhabduu..

Dhiibbaa firaafi ormaa
Gorsa maatii lagattee
Anaaf osoo jiraattuu
Ofii keellee dagattee..

Waa'ee kee gaafan yaadu
Guggubee na belbelcha
Oolmaakee dubbachuufuu
Homaa hin qabu jecha

Garuu maal godharee!...

Jaalala naaf laatteef
Yeroos sittan boone
Ati akkas naaf taatus
An homaa siin goone

Bar hiikaan jaalalaa
Yeroos naaf hin galle
Jaalala keef deebiin~jaalala maleessa
Boonni siif hin malle

Biqiltuu jaalala keenyaa
Isan kichuutti kolaase
Har'an hubadhee gaabbee
Imimmaan lakkuu lolaase

Wallaalummaan na miidhe
Boona fidee qananii
Har'a siif dhiiga boossi
Osoo onnee koo bananii

Kunoo jiruu wollaalee
Halkanii guyyaan ciisaa
Naaf deebiyi lubbuukoo
Hanga durii sin kiisaa

Ofiin of adabeera
Kan facaasan aramuu
Sitti balleessuun kiyya
Eessattuu haa baramuu

Kan akkakee hin argadhu
Biyya kamuu imalee
Oksijiinii somba koo
Hin jiraadhu simalee

Hir'ina koo sirreessee
Boona koorraa dhaabbeeraa
Adaraa waan ofii koo
Naaf deebiyi gaabbeeraa!

✍️... @gola_jalalaa
#join
#share


Join/Godhaa