هيهاتك ماطبقناها
نحجيهه ونجهل معناها
نقبل بالذله ونمشيلك
وفوگاهه انرد ونشكيلك
مانستاهل لا تسمعنه
احنا اجروحك كثرناها

زين ومنك تستقبلنا
يمكن متريد تخجلنا
متفضل من تخلينا
نوصل يمك وتصد لينا
وفوگ جروحك يابو اليمه
احنا نكص سلفي ونتباها

زين ومنك تتلگانه
خطارك شتسوي ويانه
نلبس اسود مو عن منهج
هذا استايل ضل يتروج
واللحية وترتيب اللحية
مو ذيچ اللي تتمناها

اللي يحبك يعلن ثوره
للباطل ميسلم أمره
نبشرك عكس المطلب صرنا
لا قدمنا ولا اخرنا
اليحكمنه امكيف مانحچي
شعلي معلي رددناها

المفروض ندرسك ونتبعك
مو بس نلطم حته انقنعك
خط احمر ذكرك خط احمر
بس الواقع مر وأگشر
علمنا انتبعك بس لله
بجاهك عد ربك ردناها