دخليك مولاي ابا عبدالله

°°°°°°°°°°°°°°°°°°°°°°°°°°°°°°°°°°°°°°°°°°°


بلخيمه جبتني وعفت الدنيا هاي
والخيمه فيايي وانته بلا فياي
انت الي بعدتني من ذنبي هذاك
وليش انه علمودي رقيه بلايه ماي

يلضامي ورويت المايستاهلك
خسران بحياته المايتعنه الك
لازم من اجيلك اتذكر المضه
اذكر وعلمودي ضحيت بهلك


يل ساترتني سترك ،، يلفضلك جبير
يلكبرني اسمك ،، جنت انه زغير

___________________________________

كضيت انت اديه وجيت المجلسك
من الطم بديه اتذكر خنصرك
يا مولاي اريدن منك فد طلب
تسحگني يغالي خيول السحگتك


يلضامي وجبتني وبنص رحمتك
والنعمه الي عندي هايه نعمتك
يبن الزهره فضلك لا ماينسي
ضايع بس جبتني وصرت بخيتمك


تغيير كله حالي ،، يمك من اجيت
ماجنت انه اعرفك ،، بس لمن بجيت

___________________________________

بلدمعه رزقتني هاذ اكبر فضل
ناذر كل حياتي بلمجلس اضل
ماترك عزائك واعميها العيون
وتغيرت حياتي وهاذ لي حصل


للمجلس احسب ابقا انه انتضر
لن مجلس عزائك صار علي ستر
ارد احجيلي جلمه لكل ذول الخدم
من ندخل عزائه خل نخلي اثر


كون اعميها عيني ،، لو اكسر ضلع
خل ندعي ونگله ،، يرزقنه الدمع

___________________________________

من روحي شفتها عافته الذنب
كله بفضلك انته وتستاهل تعب
لمن ارجع اذنب تلزمها ادي
واي روحي اسولف وترسها عتب


بس ياروحي كافي من هاذ لحجي
عوفي كلشي عندج رايد بس بجي
وبروحي حبيبي جلمه اهيه تدور
روحي بلا عزائك منها شارتجي


شحجيلك حبيبي ،، غيرني الطم
من الطم اديه ،، كون اكسر عضم

___________________________________

ايهاب الحميداوي ✍️