استشهاد الأمام الكاظم عليه السلام

علــى الكاظــم أون وادموعي همالـه
إمـــام بيـــا ذنــب مسجــــون بغلاله

مصيبه اتعَــذِرَت دمعاتـــي توصفهــا
يـــم بــاب الحــوائـج حزني يكشفها
علــى أوراق المآســي رمشي يكتبها
عسـن دونك لفانـــي المـوت وآجالـه

مصيبه منها هاجـت ناري وجروحــي
تِكـَـدَّر حالــي واتهاوه عـــزم روحــي
بيابي العيــن ذبلت مــن كِثـِـر نوحي
على الكاظـم مجـاري العيــن سيّالــه

سفـن صبري طفح بيهــا بحـر لهموم
جرفهــا وسيطر اعليهــا نذير الشـوم
صرخه من الضمير اتنادي يا مسموم
هالصرخــه ابحــزن كـل وكت تتعالى

جنـــازه من السجــن للجسر ودوهــا
على چتاف اربــع احماميل حملوهــا
حضرت شيعتـه ومن عدهم اخذوها
بچفوفــه الرضـــا تــراب اللحد هالـه

حزيــن اليــوم جــده الهادي المختـار
مهمومـــه الزچيــه او حيــدر الكــرار
والأمـــلاك نزلـــت تهمـــل الاعبــــــار
اتعـزي ابهالمصـاب المصطفى او آلــه

أرض الكاظميـــه اليــوم أرض احزان
كــل شيعي إجــه بلوعــة گلب لهفـان
سهم المــوت فَصَّــل للولــي الاكفــان
گــــوس النايبــــه رمياتـــه چتــالـــه

كلمات عمار الراشدي