قصیدة(حبیبي یا امامي)
الی سیدي ومولاي اباعبدالله

اَنَه ابشوگي وغرامي
الـک ابعـث سلامـي
وضل ابلهفه انادیک

حبیبی یا امامي
🍂🍂🍂🍂🍂🍂🍂🍂🍂
الگلب مني ابمحبتک یحدي لهواک
صفا نسمــت اعذیبــي لیـه ذکراک
حشــر کـل البریــه ابقـا بحمـاک
ابدوللـه لحظـــه مگــدر انســاک

صرح شوگي وبنیتي
یعشگي وکل هویتـي

الک شوگي وهیامی..حبیبي یا امامي

🍂🍂🍂🍂🍂🍂🍂🍂🍂

ذهـب ومصفّا لیـه وبیه مرصـوع
ازف لیک التهانـي وعلگ اشمــوع
یسـد بابــه الحــزن هلیلــه ممنـوع
بعــد لیهل جفــن لاتجـري الدموع

اجه ونوّر سمانــه
جله همّنه وهدانه

یضل آخر کلامي...حبیبي یا امامي

🍂🍂🍂🍂🍂🍂🍂🍂🍂

حبیبي انته منـاي ومنهــج الدیـن
جنوني اهوه غرامک ولله یحسین
اضل الهج ابأسمک یا ضوه العین
لحد آخر حیاتــي وجیــت البیـن

اقــدم کل حیاتــي
حسیني کل صفاتي

اشد بسمک حزامي...حبیبي یا امامي
🍂🍂🍂🍂🍂🍂🍂🍂🍂

یمن حبک حبیبـي اغلـه الکنوز
نظام الکــون انتــه ولغز الرموز
الو جانه العســر ویحطنه ابعوز
شرف حبک وسام وعنه منجوز

صفا حبـک وسامــه
رفع روس الخدامه

یضل معدن وسامي
حبیبـــي یا امامـــي
🍂🍂🍂🍂🍂🍂🍂🍂🍂
یاحبــي وغرامــي ومنوة الــروح
یمن بیــک ال آمال وکــل الطمـوح
تضل انته طبیبي وتشفي الجروح
بنه حبــک ابگلبـــي وشید اصروح

نضل نمشي اعلی سچتک
لحـــد نوصـــل محطتــک

یمن بیک اهتمامي..حبیبي یا امامــي

🍂🍂🍂🍂🍂🍂🍂🍂🍂



✍حمید الخنفري