Талабалар учун оламшумул янгилик!
Худо хоҳласа, октябрь ойининг охирги 10 кунлигида Ўзбекистондаги барча ОТМлар (хорижий ОТМлар филиаллари ҳам) ўртасида «Заковат» интеллектуал ўйини бўйича «Талабалар кубоги» ташкил этилади.
Ҳар бир ОТМдан 7 нафардан иборат биттадан жамоа иштирок этади.
Интеллектуал турнир 2 босқичда бўлиб ўтади:
1-босқич – минтақавий саралаш босқичи;
2-босқич – Республика босқичи.
Минтақавий саралаш босқичида республика бўйлаб 4 та минтақа доирасида жамоалар ўзаро куч синашади. Булар қуйидагилар:
1-минтақа – Самарқанд, Қашқадарё, Сурхондарё, Жиззах вилоятлари жамоалари (Самарқанд шаҳрида, 22 октябрь);
2-минтақа – Қорақалпоғистон Республикаси, Бухоро, Навоий ва Хоразм вилоятлари жамоалари (Бухоро шаҳрида, 24 октябрь);
3-минтақа – Фарғона, Андижон, Наманган вилоятлари жамоалари (Фарғона шаҳрида, 26 октябрь);
4-минтақа – Тошкент шаҳри, Сирдарё ҳамда Тошкент вилоятлари жамоалари (Тошкент шаҳрида, 28 октябрь).
Тошкент минтақасида ўтказилган саралаш босқичида дастлабки
6 та ўрин, қолган ҳар бир минтақавий саралаш босқичида дастлабки
3 та ўринни эгаллаган жамоалар республика босқичига йўлланмани қўлга киритади.
Республика босқичи ноябрь ойида Тошкент шаҳрида бўлиб ўтади ва унда
15 та жамоа иштирок этади.
Батафсил маълумотлар тез орада эълон қилинади.
Республика босқичида чемпион бўлган жамоанинг барча 7 нафар талабаси Италиянинг Турин шаҳрида бўладиган 1 ҳафталик ўқув семинари учун бепул йўлланмани қўлга киритади.
Шунингдек, республикада чемпион бўлган ОТМ жамоаси «Заковат» интеллектуал кўрсатувининг экран орқали бўлиб ўтадиган Олий лига ўйинларида тўғридан-тўғри иштирок этиш масаласи ҳам кўриб чиқилмоқда.
Минтақаларда ғолиб бўлган ОТМ жамоалари эса экран орқали бўладиган «Урфон-шоу» кўрсатувида иштирок этиш ҳуқуқини қўлга киритади.
Тайёргарликни бошлайверинг, бунақаси ҳали бўлмаган! Яхши янгиликлар кўпаяверсин.
Турнир ташкилотчиси: Халқаро меҳнат ташкилоти.
Турнирнинг ташкилий томондан кўмакчиси ва асосий ҳамкори: Олий ва ўрта махсус таълим вазирлиги
Турнирни ўтказишга масъул: «Заковат» интеллектуал клуби
Каналга уланиш:👇
https://t.me/joinchat/AAAAAEe1KDC7Hm03UPVooQ
