Yakubovs School

Rus klassik pedagogi Makarenkoning bir gapi juda ma’qul bo’ldi.

"Men bolalarga shunday tarbiya berishni maqsad qilganmanki, ular o‘zlari o‘rgangan ma’rifat va bilimlarni o‘z oilasiga olib kirishsin, shu orqali oilani ham tarbiyalashsin."

Rostan ham, nega shu paytgacha faqat shogirdlarimnizni tarbiyalash haqida o’ylabmiz? Nega bizdan o’rganganlarini oilalariga ham “olib kirishlari”ga biroz kuch sarflamabmiz?!!

Hurmatli vatandoshlar va hamkasblar!

Bugun, 8-dekabr – O‘zbekiston Respublikasi Konstitutsiyasi qabul qilingan sana. Bu kun Vatanimiz tarixida yangi davrni boshlab bergan, xalqimizning huquq va erkinliklarini himoya qiluvchi asosiy qonun qabul qilingan buyuk kun sifatida tarixda muhrlangan.

Konstitutsiya – bu nafaqat davlatimizning mustahkam huquqiy poydevori, balki har bir fuqaroning farovon hayot kechirishi uchun yaratilgan adolat va tenglik tamoyillarining kafolatidir. Bugungi kunda ushbu hujjat jamiyatimizning har bir sohasida, jumladan, huquqshunoslik, ta’lim va ilm-fan yo‘nalishlarida biz uchun mustahkam asos bo‘lib xizmat qilmoqda.

Men huquqshunos va ta’lim sohasi vakili sifatida, bu buyuk hujjatning tamoyillarini yosh avlod ongiga singdirish, huquqiy madaniyatni yuksaltirish va milliy qonunchiligimizni zamonaviy talablarga mos ravishda takomillashtirishga hissa qo‘shishdan faxrlanaman.

Shu muborak kunda barchangizni chin qalbimdan tabriklayman! Konstitutsiyamizning tamoyillariga tayanib, birgalikda yanada adolatli va farovon jamiyat barpo etaylik. Har bir yurtdoshimizga tinchlik, baxt-saodat va muvaffaqiyatlar tilayman!

Hurmat bilan,
Axtam Yakubov