(1)(1)
والله لن تمحو الذكر * كالتهه زينب يهلال.
باقي العهد لم الخدر *للموت نبقى بهل حال.
مهما الزمن بينه ايدور
نحضر مجالس عاشور.
يهلال. يهلال. ...يهلال. .يهلال.
@@@@@@@@@@@@@@
كيد كيدك من حجتهه .واسعي سعيك يازيد.
تدري زينب عدهه شيعه .من بعدهم ماتهيد.
ننعى يوم الغاظريه .والنزف دم الوريد.
يعني يهلال المصايب. نبقى بالذكرى نعيد.
كربلاء بكل شبر *عاشور دوم اعله البال .
باقي العهد لم الخدر *للموت نبقى بهل حال.
والخاطر يضل مكسور.
نحضر مجالس عاشور.
يهلال. يهلال. ...يهلال. .يهلال.
@@@@@@@@@@@@@@
لاتضن يهلال ننسه .ذوي القربى لا أبد.
ها لعهد مو بس لفضنه. بالضماير هالعهد.
للمجالس دوم نكصد .كل سنه ايزيد العدد.
ما نعوف احنه الشعائر .لاوحق واحد أحد.
يهلال عاشو بالفكر * ما فاركو يوم البال.
باقي العهد لم الخدر *للموت نبقى بهل الحال.
نور السمه الهم نور.
نحضر مجالس عاشور.
يهلال. يهلال. يهلال. يهلال
@@@@@@@@@@@@@
احنه من واجبنه نحضر .والنقدمه شي قليل.
صوت يوصل للعقيله .ها يبت حامي الدخيل.
بين ناس بلايه رحمه .قسمة برب الجليل.
والله لن تمحو ذكرنه .ينمحي لا مستحيل.
نكصد ومانعتذر * دوم احنه عالهل منوال.
باقي العهد لم الخدر * للموت نبقى بهل الحال .
نهل دمعه وي لطم اصدور.
نحضر مجالس عاشور.
يهلال. يهلال. يهلال. يهلال .
@@@@@@@@@@@@@@
زينب بنص ال اميه كالت بكل مرجله.
شيعتي ليوم القيامه .تبقى تذكر كربله
واحنه يهلال المصايب .صوت من عدنه اعتله.
عالعهد نبقى بذكرهم . والعهد منبدله.
نضل نلعن ايزيد اوشمر* شما تمر عدنه الأجيال.
باقي العهد لم الخدر. للموت نبقى بهل الحال
جن احنه يمهم وانزور
نحضر مجالس عاشور
يهلال يهلال يهلال يهلال
********************
هاي يهلال المجالس. النه نعمه من السمه.
شلون مانحضرها كلي. اوبيهه تحضر فاطمه.
نكسر اصدور بلطمنه. اوينزل المدمع دمه.
امكصرين اوما نوفي .شي قليل انقدمه.
لا مايوصفهم شعر.. ياموقف الهم ينكال
باقي العهد لم الخدر. للموت نبقى بهل الحال.
عين الله هيه الناطور
نحضر مجالس عاشور
يهلال. يهلال. يهلال. يهلال.
&&&&&&&&&&&&&&&&&&&&
للشاعر ابو عبدالله الشمري
&&&&&&&&&&&&&&&&&&&&&