YOSHLAR ILM-FAN UCHUN

Diqqat qiling!
Keyinchalik muammolar yuzaga kelmasligi uchun tanlovga rolik tayyorlashdan avval diqqat bilan o’qib chiqishingizni so’raymiz:

Savol: Tanlovga rolik tayyorlasam qabul qilinishi aniqmi?
Javob: Yo’q! Faqatgina nizomga va sifat talablariga mos roliklar qabul qilinadi hamda rasmiy kanalga joylanadi.

Savol: Video qanday sifatda bo’lishi kerak?
Javob: Kreativ ijtimoiy rolik televideniye kanallarida efirga uzatilishi sababli tayyorlagan materialingiz Full HD (1080p) yoki HD (720p) sifatda imkon qadar MP4 formatida bo’lishi lozim.

Savol: Tanlovda keltirilgan raqamga qo’ng’iroq qilib bog’lana olmayapman…
Javob: Keltirilgan (94) 416-09-16 raqamining faqatgina Telegram manzili ish faoliyatida. Bu narsa boshidan keltirib o’tilgan va og’zaki savollarga telefon orqali javob berilmaydi. Tushunmovchiliklarga faqatgina Telegram yozishmalari orqali aniqlik kirita olasiz.

Savol: Rasmlardan musiqa ustiga terib chiqilgan slayd-shou qabul qilinadimi?
Javob: Yo’q, rasmlar ketma-ketligidan qilingan video kreativ ijtimoiy rolik deb qaralmaydi.

Savol: Buyuk bobokalonlarimiz she’r, g’azal va ruboiylaridan parcha keltirib o’qisak va video suratga olsak, bu ham o’tadimi?
Javob: Yo’q, bunday rolik ham ijtimoiy roliklar qatoriga kirmaydi.

Savol: Biror-bir dastur yoki ishlanmaning reklama rolikini topshirmoqchiman…
Javob: Afsuski, biz bunday reklama roliklarini qabul qilmaymiz. Chunki, tanlov kreativ ijtimoiy roliklarni qabul qilish uchun tashkil etilgan.

Savol: Kanalga joylangan roliklar yutdi hisobmi?
Javob: Unday emas. Kanalga joylangan roliklar faqatgina nizomga mos va sifat talablariga javob beradigan hisoblanadi (Nisbatan olib qaralganda, albatta). G’oliblar esa tanlov yakunlangach ekspertlar tomonidan aniqlanadi.

Savol: Rag’batlantiruvchi 5 million so’mlik mukofot puli hammaga beriladimi?
Javob: Yo’q. Bunday nominatsiya 3 ta yo’nalish bo’yicha bittadan ajratilgan. Jami 3 ta rag’batlantiruvchi mukofot.

Savol: Tayyorlangan videorolikda internetdan kadrlar (foto/video) topib, qayta tahrirlab foydalanganman. Endi nima bo’ladi?
Javob: Biz plagiatga qarshimiz! Videokadrlarning hammasi shaxsan ijodkorning o’zi tomonidan tasvirga tushurilgan bo’lishi shart. Faqatgina “Eng yaxshi animatsion rolik” nominatsiyasida qisman suratlardan foydalanishga ruxsat etiladi.

Savol: 3 ta rolik tayyorladim, biroq, bittasini ham qabul qilmadinglar…
Javob: Nizomga va sifat talablarimizga javob bermasa afsuski, nechta video bo’lsa ham qabul qila olmaymiz. Kelayotgan yuzlab videolarning 90%i yuqorida keltirilgan talablarga mos emas. Shu sababdan kreativ ijtimoiy rolik qanday bo’lishini internet va kanalimiz orqali yaxshilab o’rganib chiqishingizni, keyin esa ishga kirishingizni so’raymiz.

Savol: Videoni yuborganimga 3 kun bo’ldi. Hali ham javob kelmadi…
Javob: Xavotirga o’rin yo’q. Biz har bir murojaatni navbati bilan o’rganib chiqamiz va dedlaynga qadar yuborib qo’ygan bo’lsangiz ham keyinchalik chatni ochib (Faqat talablarga mos bo’lsagina) tanlovga qabul qilishimiz mumkin.

Aziz ishtirokchilar! Biz sizning har qanday mehnatingizni qadrlaymiz va har biringizga e’tibor qaratyapmiz. Ammo, yuqorida aytib o’tganimizdek video tayyorlashdan oldin nizom va kanaldagi savollarga javoblar sahifalari bilan yaxshilab tanishib chiqishingizni so’raymiz. Sizning shaxsingizni tasdiqlovchi ma’lumotning skaner nusxasi hamda bog’lanishimiz uchun raqamingiz, shuningdek, ism-familiyangiz to’liq ko’rsatilmagan bo’lsa ham videolarni qabul qila olmaymiz.
Tushunganingiz uchun rahmat va omad!