Zafarbek Solijonov

Ўтган йиллардаги кўрганларим доно бўлишим учун етарли бўлмаслиги аниқ. Бироқ ҳокимият ҳақида хулосаларим кенгайишига хизмат қиляпти. Барча хулосаларимни қайта-қайта кўришга чорлаяпти. Англаганларимдан бири шу бўлдики, ҳокимият ҳиссиётсиз бўларкан. Ундан эзгулик, адолат, инсоф кабиларни кутмаслик керак. Бори шукан.

Унга кимлигингизнинг умуман фарқи йўқ. У ўзини сақлаш йўлида ҳар қандай ишдан қайтмайди. Сизнинг тизимни мустаҳкамлашга ёки унинг давомийлигини таъминлаб турадиган солиқ тўловчиларига қилган ишларингизга ҳам қарамайди. Кимлигингиз, авлодингиз ким, даражангиз қанақа, нималарга эришдингиз — умуман қизиқмас. Бир кунда унутади.Бир кунда тортволади. Бир кунда тақдирингиз ўзгариб кетади. Унинг мустаҳкамлигига озгина хавф солиб кўринг, бирдан ҳимоя механизмлари ишга тушади. Сизни чавақлашга тайёр туради.

Тизим шунақа ишлайди. Ўзи тўғри деб билган йўлдан қайтмайди. Ўзгаргандек кўриниши мумкин, бироқ фундамент ўша-ўша — ҳокимият ширин деган тамойил устига қурилган бўлади барчаси. Байрам, тўйингиз ёки фарзандингизнинг туғилган кунида сизни ичкарига тиқиб, "с праздникооооом" деб яқинлари билан қадаҳ уриштириб ўтиришлари мумкин унинг ҳимоячилари, эгалари. Лаззатидан шингил татиган Худо берган талант эгаси бўлган ёзувчилар ҳам ундан кетолмай қолаётгани ҳам гапимнинг исботидир. Сиёсатдаги "Қуёш барчага баробар" эмаскан, аслида...

👉 @Zafarbek_Solijonov

Президент ёшлар тадбиркорлиги учун 400 миллион доллар ажратилишини маълум қилди

Бу бизнес бошламоқчи бўлган ёшлар учун катта йўллар очади, иш қидираётганлар учун эса янги тизим жорий қилинмоқда.

Биринчи янгилик – Ёшлар тадбиркорлигини ривожлантириш жамғармаси ташкил қилиниб, 100 миллион доллар ажратилиши.

Эндиликда 2,5 миллиард сўмгача имтиёзли кредит одиш мумкин, стартап лойиҳаларга эса 2 миллиард сўмгача инвестиция берилади.

Бу ўз бизнесини бошламоқчи бўлганлар учун реал имконият.

Иккинчи янгилик – Алоқабанк расман ёшлар банкига айлантириляпти! Бу банк орқали ўзини ўзи банд қилган ёшлар 100 миллион сўмгача 7 йил муддатга имтиёзли микроқарз олиши мумкин.

Энди 20 нафар ёшни иш билан таъминлаган тадбиркорларга 5 миллиард сўмгача имтиёзли кредит берилади.

Бундан ташқари, Алоқабанкка ушбу лойиҳа учун 200 миллион доллар ажратиларкан.

Учинчи катта ўзгариш: Миллий банкка 100 миллион доллар ресурс ажратилиб, ушбу банк битирувчи ёшларни иш билан таъминлашга масъул этиб белгиланди.

Яъни, ёшлар тадбиркорлигини ривожлантириш, уларни иш билан таъминлаш бўйича умумий 400 миллион долларлик катта лойиҳа ишга тушириляпти.

Бу жараёнда хотин-қизлар ҳам четда қолмайди.

Кредитлар ҳажмининг камида 30% хотин-қизлар тадбиркорлигига йўналтирилар экан.

Ростдан ҳам, бундай ташаббуслар ёшларга иш бошлаш ва ўз соҳаси бўйича иш топиш учун кучли туртки беради. Кўпчиликда ғоя бор, лекин маблағ йўқ эди. Энди эса шартлар бор, йўналиш бор – ҳаракат қилиш қолди!

👉 @Zafarbek_Solijonov

Зоминдан яхши одамлар жуда кўп чиққан. Халқиям мард, танти одамлар. Одамлар учун жонкуяр. Машнақа жигар бор, жамоат фаоли. Худоберди Зоминий. Телеграм юритяпти. Уланиб олинглар. Кўпроқ шахсий фикрларини улашмоқчи.

👉 @Zominiy_uz

Шу йил 1 февралдан Ўзбек тили (давлат тили) фани ўқитувчиларига ҳам (тегишли сертификатга эга) 50 фоизгача устама тўланадиган бўлди. Зўр янгилик. Юқоридагилар жамоатчиликни эшитмоқда.

Президент фармони қабул қилингани тўғрисида вазир Ҳилола Умарова хабар берди. Аввалроқ бу хусусида гапириб, уларгаям устама фоизини кўтариш кераклигини урғулагандик. Петиция ҳам жойлагандик.

👉 @Zafarbek_Solijonov

Давлат раҳбари куни кеча Маданият вазирлиги тизимидаги яна 120 та маданият ва санъат маркази бўш турганини ҳисобга олиб, маданият вазирига марказларни илғор хорижий тажриба асосида хусусий секторга беришни ташкиллаштириш вазифасини топширган эди.

Қонунчилик палатаси депутати Ойдин Абдуллаева бу топшириқ иккала ташкилотнинг ҳам сафарбарлигини оширишига хизмат қилишини таъкидлади.

Шунингдек, яна бир депутат Муҳаммаджон Валиев хизматлар соҳасини ривожлантиришга янгича ёндашувларни жорий этиш орқали бозор хизматлари ҳажми ортаётганини ва янги иш ўринлари яратилаётганини қайд этди.

Хусусий сектор томонидан бажарилиши мумкин бўлган хизматлар учун давлат буджетидан маблағ ажратиш нотўғри экани таъкидланган. Хусусий секторнинг фаол иштирокини таъминлаш орқали нафақат давлат харажатлари камайиши, балки хизматлар сифати ошиши мумкин.

Депутат Зуҳра Миргазиева хизмат кўрсатиш соҳасини хусусий сектор билан ҳамкорликда ривожлантириш бугунги кун талаби эканини ва бу орқали самарали натижаларга эришиш мумкинлигини айтиб ўтди.

👉 @Zafarbek_Solijonov

Минимал истеъмол харажатлари – бу сизга таъсир қиладими?

📊 МИХ нима?

Минимал истеъмол харажатлари (МИХ) — бу инсоннинг асосий эҳтиёжларини, масалан, озиқ-овқат, маиший, транспорт каби хизматларини қоплаш учун керак бўлган минимал пул миқдори. МИХни билиш, одамларга минимал даражада ҳаёт кечириш учун қанча пул кераклигини тушунишга ёрдам беради. 2025 йилда МИХ 648 минг сўмдан 669 минг сўмга оширилди, бу нархлар ва инфляция ўзгаришларини ҳам акс эттиради.

🔍 МИХни янгилашнинг аҳамияти

МИХни доимий равишда янгилаш, иқтисодиёт ва одамларнинг ҳаёт даражасидаги ўзгаришларни ҳисобга олишга имкон беради. Масалан, агар маҳсулотлар ва хизматлар нархи ошса, МИХ ҳам ошиши керак, бу эса, ўз навбатида, одамларнинг асосий эҳтиёжларини қоплашга ёрдам беради. Бу давлатга самарали ижтимоий дастурлар ва аҳолини қўллаб-қувватлашни ривожлантиришга ёрдам беради.

📈Бу сизга қандай таъсир қилиши мумкин?

МИХ миқдорининг ошиши, одамларга ҳаёт сифати яхшиланиши учун кўпроқ имкониятлар беради. Бу, айниқса, камбағаллик чегарасида яшовчи оилалар учун муҳим. Ҳар биримиз МИХ — бу фақат рақам эмас, балки миллионлаб одамларга ҳақиқий ёрдам эканлигини тушунишимиз керак.

👉 @Zafarbek_Solijonov

Трамп сайловдан олдин қандай ваъдалар берган бўлса, бирма-бир ҳаммасини бажариб келмоқда. Улардан бири Америка фуқаролари солиғига кун кўрувчи USAID каби халқаро ташкилотлар фаолиятини қайта кўриб чиқиш эди.

USAIDʼни бизда зиёлиларимиз журналистикани қўллаб-қувватловчи, рак ва бошқа касалларга моддий ёрдам кўрсатувчи мустақил жамғарма сифатида билади. Бироқ айни вақтда Оқ уй бу тузилмани террористик ташкилотлар, ЛГБТ фаолиятини қўллаб-қувватловчи ташкилот сифатида кўриб, танқид остига олмоқда. Унинг фаолияти қайта кўриб чиқилишга муҳтожлигини таъкидламоқда.

Ўзи USAID тарихига қарасак, АҚШнинг отиб ўлдирилган президенти Кеннеди уни ягона мустақил агентликка айлантирган. Тараққиёт ва инновацияни ёйиш руҳиятига эга ташкилот бўлиши керак бўлган. Бироқ USAID бир неча марта сиёсий низолар ичида қолди.

Масалан агентлик Куба ҳукуматини ағдаришга қаратилган Zuzuneo қўпорувчилик операцияларини амалга оширилишини молиялаштирган. Халқ вакиллари Конгресменлар бу ҳақда газеталардан хабар топиб, жуда қаттиқ ранжишган. Билмаган. Дипломатик можаро келиб чиққаниям уларга ёқмаган. МРБ айғоқчилари USAID ходими ниқоби остида юргани ҳақидаги кейсларни айтмасаям бўлади.

USAID каби ташкилотларнинг моддий ёрдамидан таълим тизимини ривожлантириш, тиббиёт йўналишларида фойдаланиш тўғри. Уни рад қилмаслик керак. Тайёр маблағ, фойдаланиш керак.

Аммо грант ажратилишдаги шаффофлик, жамоатчилик олдида ҳисобдорлигини ошириш учун назорат механизмларини ишлаб чиқиш, самарали таъсир чораларидан фойдаланиш заруриятга айланиб қолмоқда. Бунинг учун бизнинг вакилларимиз бу борада янги қонун лойиҳасини ишлаб чиқиши керак. Бу ҳақда депутат Нодир акаям фикр берди.

👉 @Zafarbek_Solijonov

Болалигимдан нос чеккан инсонни умуман ёқтирмаганман. Уларга масофа сақлардим. Одамнинг кўнглини айнитадиган ҳаракатлари ҳақида эса асарлар ёзса бўлади. Энг маданиятсиз инсонлар нос чекса керак деб ўйлайман. Узр, лекин бу ичимдаги гаплар.

Маълумотларга кўра, Ўзбекистонда 2,5 миллион киши, шу жумладан ёшлар ҳам, таркибида мишьяк ва қўрғошин бўлган носвой истеъмол қилмоқда экан. Аксари носга ружу қўйган. Нос чекамаса туролмайди.

Носнинг соғлиққа зарари бошқаларига нисабатанам кўп деб ўйлардим. Буни қарангки, носвой таркибига кўпинча товуқ чиқиндилариям қўшиларкан. Ёшлигимизда бўлмаган гап дерди, чекадиганлар. Ростакан. Нос маҳсулотида 4000 дан ортиқ кимёвий моддалар аниқланган бўлиб, улардан 30 таси канцероген хусусиятга эга. Шунингдек, носвой таркибида мишьяк, симоб, қўрғошин ва кадмий каби хавфли моддалар ҳам топилган. Нос чекадиганларга ташлаб қочинглар шу постни.

👉 @Zafarbek_Solijonov