Монетизация телеграм-каналов

Автоматическая монетизация каналов без новых постов

GramAds: реклама в Telegram. $1.5 cpm

Быстрая модерация, лёгкий запуск, высокие конверсии.

Inside Ads

Автоматическая монетизация каналов и чатов

Статистика Избранное

Zafar Meyliyev

Гео и язык канала: не указан, не указан

Категория: не указана

Men Zafar Meyliyev pedagogman.
Kanalda oʻz shaxsiy fikrlarim, mulohazalarim va yangiliklarga nisbatan oʻz qarashlarimni yozib boraman.

Связанные каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

Zafar Meyliyev

27 Nov 2024, 10:13

Men bilaman...

Oʻqituvchi boʻlib ishlash va uning mashaqqatini. Oʻzi oyliklar unchalik ham yaxshi holatda emas. Toʻgʻri, oxirgi yillarda har xil ustama beruvchi sertifikatlar paydo boʻlishi oʻqituvchilar ogʻrigʻiga malham boʻlib kelayapti.

Men bilaman, kam oylik sabab oʻqituvchilik sohasidan ketib hatto qora ishchi boʻlib yurganlarni.

Men bilaman, yozgi taʼtilda dam olish va keyingi oʻquv yiliga yanada sifatli taʼlim berishga tayyorlanish oʻrniga xorijda bir-ikki oy qora ishchi boʻlib ishlaganlarni.

Chunki ular ham yaxshi yashagisi, yangi uy qurishni, farzandlariga yaxshi sharoitlar yaratib berishni va oʻzi orzu qilgandek hayotda yashashni xohlashadi.

1-1,5 million soʻm oylikka ishlab yurgan oʻqituvchilar ham yetarlicha.

Ular ham nima qilsin?! Axir, hamma yaxshi yashashni xohlashadi...

@zafarmeyliyev

28 0 0

Zafar Meyliyev

27 Nov 2024, 10:00

Alisher Qodirov sifatli taʼlim bermayotgan oʻqituvchilar oyligini kamaytirish taklifini berdi.

“Ta’lim tizimiga juda katta mablag‘ ajratilayotgani juda to‘g‘ri va biz buni qo‘llab-quvvatlaymiz. Ta’lim va tarbiya tizimida islohotlarda muvaffaqiyatga erishmasak, oddiy barqaror rivojlanish maqsadlarimizga ham erisha olmaymiz. Shu sababli bu juda muhim.

Lekin, 50 trillionga yaqin o‘qituvchilarning maoshiga rejalashtirilgan mablag‘dan biz kutgan natijaga erisha olamizmi yoki yo‘qmi, degan savolni biz qo‘ydik.

Bu savolni doimo maktabgacha va maktab ta’lim vazirligiga qo‘yamiz. Lekin kecha biz uni Iqtisodiyot va moliya vazirligiga qo‘ydik. Aytdik, o‘qituvchining faoliyatini samaradorligini o‘lchash uchun birorta tizimimiz bormi? Biz yaxshi o‘qituvchiga ko‘p oylik, yomon ishlayotgan o‘qituvchiga esa kam oylik berish orqali maktabda o‘qituvchining raqobat tizimini yarataylik.

O‘qituvchi bolalarimizga yaxshi bilim bersin, yaxshi bilim berayotgan o‘qituvchiga ko‘p oylik beraylik, raqobatbardosh bo‘lmagan o‘qituvchi kam oylik olib, tizimdan chiqib ketishiga ham rozimiz. Bizning farzandlarimiz eng yaxshisiga munosib, aynan shu sababli ajratilayotgan mablag‘ga e’tirozimiz yo‘q, ammo uning samaradorligini oshirish bo‘yicha tizim ishlab chiqish masalasida vazirlikka taklifimiz kirdik”, dedi Alisher Qodirov.

👉@zafarmeyliyev

873 1 1

Zafar Meyliyev

22 Nov 2024, 08:28

Prezident Kubogi. Nodirbek Abdusattorov, Yakubboyev va Sindorov turnirni g‘alaba bilan boshladi

Toshkentda shaxmat bo‘yicha mukofot jamg‘armasi 75000 AQSH dollarini tashkil etuvchi Prezident Kubogi start oldi.

👉@zafarmeyliyev

136 0 0

Zafar Meyliyev

20 Nov 2024, 12:57

Shavkat Mirziyoyev Oʻzbekistonda 2025-yilni “Atrof-muhitni asrash va «yashil” iqtisodiyot yili» deb eʼlon qilishni taklif qildi.

👉 @zafarmeyliyev

142 0 0 1

Zafar Meyliyev

20 Nov 2024, 10:20

Maktab uchun 20 milliard soʻm

❗️Tadbirkorlarga maktab qurish uchun 20 milliard soʻmgacha imtiyozli kredit beriladi - Prezident

133 0 1

Zafar Meyliyev

18 Nov 2024, 13:33

Hozirgi taʼlimni nima ushlab turibdi bilasizmi?

Fikrimcha, hozirgi taʼlimni ushlab turgan yagona tizim bu - repetitor. Chunki maktablardagi holatni yaxshi bilasiz.

Toʻgʻri, hamma maktab ham yomon emas. Yaxshi taʼlim berayotgan maktablar ham bor lekin ancha kam deb oʻylayman.

Biz rivojlanishni istar ekanmiz. Har soniya, hatto uxlaganimizda ham taʼlim va uni yaxshilash haqida oʻylashimiz hamda amaliy ishlar qilishimiz shart. Boshqa yoʻl yoʻq.

Jamiyatdagi bor barcha muammoning yagona yechimi bu - taʼlim. Birgina taʼlimni yaxshilash orqali barcha muammoni yechishimiz mumkin.

Oʻqituvchi kasbini "kelajakda kim boʻlmoqchisan?" deyilsa "Oʻqituvchi boʻlaman, agar oʻqituvchi boʻlolmasam boshqa sohada ishlayman" deydigan darajaga olib chiqish kerak.

Oʻqituvchiga hamma imkoniyatni berish kerak. Masalan, harbiylarning farzandlariga universitetga kirishda qoʻshimcha imkoniyat bor, oʻqituvchining farzandlariga ham shunday imkoniyat berish kerak.

Ijarada turadigan oilali oʻqituvchilarning ijara harajatlari qisman yoki toʻliq qoplab berish mumkin.

Najot taʼlimda

@zafarmeyliyev

160 0 2

Zafar Meyliyev

18 Nov 2024, 12:16

02:24

Видео недоступно для предпросмотра

Смотреть в Telegram

Aytishlaricha, oʻquvchining onasi oʻqituvchini urgan

Bilmadim, eng ogʻriqli mavzu bu - taʼlim. Bu ketishda bor sifatli kadrlar ham maktabda ishlashni xohlashmaydi.

Toʻgʻri, oʻquvchini urish mumkin emas lekin hech bir oʻqituvchi uyidan yomon niyatda chiqmaydi. Bizda birinchi muammo tarbiya.

Bitta bolangga toʻgʻri tarbiya bera olmaysan lekin oʻqituvchi 20-30 talab bolani bir sinfda olib oʻtiradi.

Eng kam oylik oladigan va hurmat qilinmaydigan oʻqituvchilar faqat bizda boʻlsa kerak.

Oʻqituvchi xor qilingan millatda, kelajak haqida oʻylash orzu.

@zafarmeyliyev

108 0 4 1

Zafar Meyliyev

17 Nov 2024, 12:30

Hammamiz algoritmda yashaymiz

IELTS'ga mustaqil tayyorlanishga harakat qilayapman. Shu sababli, oʻzim qiziqqan mavzu va yoʻnalishlar boʻyicha inglizcha podcast hamda koʻrsatuvlar koʻrishni boshladim.

Men koʻproq qiziqadigan va bilishni xohlaydigan mavzular:
— Iqlim oʻzgarishi;
— Siyosat;
— Iqtisodiyot;
— Sport;
— Ilmiy-ommabop tadqiqotlar.

Koʻproq inglizcha qiziqarli koʻrsatuvlarni topish uchun algoritmdan foydalandim. Yani oldimdan chiqqan inglizcha podcast va koʻrsatuvlarga like boraverdim. Youtube esa oʻz algoritmi asosida menga qiziqishim boʻyicha koʻrsatuv va podcastlarni taklif qila boshladi.

Oʻylab qarasak, aslida hayot ham algoritmga oʻxshaydi. Siz qanday inson boʻlsangiz, atrofingizda ham shunday insonlar boʻladi.

@zafarmeyliyev

90 0 0 1

Zafar Meyliyev

17 Nov 2024, 08:11

Nega bu kitobni oʻqishingiz kerak?

Hayotimiz sotish va sotib olishlardan iborat. Kimdir mahsulot sotadi yana kimdir esa bilim sotadi. Boshqalar esa sotib oladi. Bu iqtisodiyotdagi asosiy jarayon hisoblanadi.

Yuqoridagi jarayonlarni qanchalik yaxshi tushunishingiz yoki bilishingiz, sizning sotish yoki sotib olish qobiliyatingizni oshiradi.

Shuningdek, siz marketing va sotuv sohasiga qiziqsangiz yoki SMM kursida oʻqimoqchi boʻlsangiz albatta bu kitobni oʻqib chiqishingiz shart.

"Bir varaqli marketing reja" kitobi esa sizga oddiy sodda usulda tushuntirilgan qoʻllanmadek gap.

@zafarmeyliyev

101 0 0 1

Zafar Meyliyev

16 Nov 2024, 18:49

Oziq-ovqat haqida bir kunda 200 dan koʻp qaror qabul qilishingizni bilasizmi?

Hozirgi zamonaviy dunyoda inson bir kunda oʻrtacha 35 000 ta qaror qabul qilar ekan. Shularning 200 dan ortigʻi oziq-ovqat haqida boʻlar ekan.

Bu jahondagi umumiy statistika hisoblanadi. Menimcha, Oʻzbekistonda oziq-ovqat haqida statistikaga nisbatan ancha koʻp oʻylashsa kerak. Chunki, instagramga bir eʼtibor berib qarang! Ovqat yeyish boʻyicha konkurs va musobaqalar koʻpayib ketgan.

Agar fan, ilm yoki kitob oʻqish boʻyicha ham shu kabi bellashganimizda edi. Hozir yanada rivojlangan boʻlar edik.

@zafarmeyliyev

124 0 0 3

Zafar Meyliyev

16 Nov 2024, 18:36

Nega maktabdan ketdim?

Bunda 2 yil oldin universitetni tamomlaganimdan soʻng birinchi rasmiy ish joyim Toshkent shahridagi davlat maktabi edi.

Oʻquv yili boshlangach birinchi marta sinfga kirdim va birinchi soatning oʻzida maktabga ishga kirganim xato ekanligini sezdim.

Nega deysizmi? Chunki men kirgan sinfda tarbiyasiz oʻquvchilar yetarlicha edi, u sinfda muammo taʼlimda emas, tarbiyada edi.

Va u joyda atigi 5 kun ishladim va sabrim tugadi. Direktor oldiga kirib ishdan boʻshamoqchi ekanligimni hamda sabablarini ochiq-oydin aytdim.

"Balki tajribam yoki pedagogik mahoratim kamdir?" deb hech oʻylamadim chunki muammo taʼlimda emas tarbiyada edi.

Koʻp marta eshitaman, maktab oʻquvchilarining aksariyatida tarbiyasi yaxshi emas, bu esa dars sifatiga toʻgʻridan-toʻgʻri taʼsir qiladi.

Menimcha, oʻquvchilarning tarbiyasida yomon holatlar boʻlishiga asosiy sabab bu - ota-onalarning oʻz farzandiga yetarlicha vaqt ajratmasligidan. Agar ota-ona 1 kunda hech boʻlmasa 5-10 daqiqa farzandiga vaqt ajratsa tarbiyada bunday xunuk holatlar boʻlmaydi.

Taʼlimda baʼzi oʻqituvchilarga sabr, tarbiyada esa ota-onaga eʼtibor tilayman.

@zafarmeyliyev

139 0 0 2

Zafar Meyliyev

14 Nov 2024, 08:21

Men oʻzimni sinab koʻrishni xohlaydigan ikkita soha

Bular:
1. Futbol sharhlovchiligi
2. Kitob tarjimonligi

Birinchisiga asosiy sabab, futbolni juda ham kuchli ishqibozi ekanligim va oʻyinlarni muhokama qilish yoqadi.

Ikkinchisiga asosiy sabab, bizda kitoblar ayniqsa ilmga bogʻliq boʻlgan ilmiy-ommabop kitoblar ancha kam deb hisoblayman. Shu sababli, bu yoʻnalishga ham oʻz hissamni qoʻshishni xohlayman.

@zafarmeyliyev

119 0 1 3

Zafar Meyliyev

12 Nov 2024, 12:57

00:18

Видео недоступно для предпросмотра

Смотреть в Telegram

Aytishlaricha, Yandex xaritalariga O‘zbekistondagi mashhur joylarning 3D modellari kiritildi

Endilikda Yandex Maps ilovasi orqali Toshkent, Buxoro, Samarqand va Xivadagi diqqatga sazovor joylarning 27 ta uch o‘lchamli modelini tomosha qilish mumkin.

Ha, texnologiyalar rivojlanib bormoqda.

👉 @zafarmeyliyev

119 0 0

Zafar Meyliyev

12 Nov 2024, 10:07

Rasmlar gapirganida...

Ufqqa qarab sokinlik va xotirjamlikni his qilish mumkin.

Ha, aytgancha. Bu kunlar ham oʻtkinchi va gʻanimat.

@zafarmeyliyev

79 0 0

Zafar Meyliyev

11 Nov 2024, 18:28

Аренда, продажа, продается, установка, ....

Ha, bu soʻzlarni koʻcha-koʻyda koʻp uchratamiz. Shu vaqt menda savol tugʻiladi. Axir mijoz ham xizmat koʻrsatuvchi ham oʻzbek boʻlsa, bunday ruscha soʻzlardan foydalanishdan ma'no nima? Yoki shunday ruscha soʻzlar yozilsa yoki rus tilida murojaat qilinsa daromad oshib qoladimi? Chunki bunday xizmat koʻrsatish joylari va ovqatlanish joylari ham yetarlicha topiladi.

Yoz oylarida bir ovqatlanish shaxobchasi twitter foydalanuvchilari tomonidan katta muhokama va tanqidga sabab boʻlishi ortidan oʻzbek tiliga eʼtibor berishni boshlagan edi.

Toshkent shahrida davlat tilida boʻlmagan reklama eʼlonlariga nisbatan nazorat boshlangani aytilmoqda.

@zafarmeyliyev

87 0 0

Zafar Meyliyev

11 Nov 2024, 18:05

Metro degan soʻz men uchun tiqilinch soʻzi bilan sinonim boʻlib qoldi

Kundan-kunga metrodan foydalanish koʻplab muammolarni yani ortiqcha vaqt yoʻqotish va tartibsiz harakatni keltirib chiqarmoqda.

Davlat tezkor nimadir chora koʻrmasa, bu holatda davom etish koʻplab muammolarni keltirib chiqarish mumkin.

Kichik oʻzgarishlar ham katta natija olib kelishi mumkin. Masalan, poyezdlar kelish intervalini oʻzgarmas qilish va qisqartirish. Chunki, bir qarasangiz 2 daqiqada keladi, bir qarasangiz 5-10 minutlab kutasiz.

Menimcha, yoʻllarda tirbandlikni oldini olishdagi birinchi va eng asosiy ish bu - jamoat transportini yaxshilash. Busiz iloji yoʻq.

@zafarmeyliyev

111 0 0

Zafar Meyliyev

12 Sep 2024, 06:20

Instagramda tezda sifatsiz va saviyasiz obunachi yigʻish sirlari.

Buning uchun gʻirt bemaʼni savollar toʻplamini tuzasiz.

Masalan:
1. Eringiz qancha pul topishini xohlaysiz?
2. Oyiga qancha pul sarflaysiz?
3. Mahrga nima olishni istaysiz?
4. Nechta bilan gaplashgansiz?

Va hokazo savollar.

Layk va hayfga sotilayotgan umr!

👉@zafarmeyliyev

170 0 0 2

Zafar Meyliyev

31 Aug 2024, 08:25

Aytishlaricha, daryo.uz nashrining baʼzi sara maqolalari pullik boʻlibdi.

Bu yaxshi holat chunki maʼlumotlar izlab yaxshi maqola yozish oson jarayon emas. Buning evaziga haq olinishi yanada sifatli maqolalar soni oshishiga olib keladi.

Boshida oʻquvchilarning moslashishi biroz sekin va qiyin kechishi mumkin lekin vaqt farqi bilan oʻrganish boshlanadi.

Har qanday narsaning pullik versiyalari muallifning yanada rivojlanishiga olib keladi

👉@zafarmeyliyev

198 0 0 1

Zafar Meyliyev

10 Jul 2024, 13:40

Xalqlar doʻstligi faqat sanʼatkorlar uchun qurilmagan!

Biz oʻrganib qolganmiz Xalqlar doʻstligi deganida koʻz oldimizda haftalab konsert beradigan tanilgan va tanilmoqchi boʻlgan sanʼatkorlar hamda koʻpincha beldan yuqoriga kutarila olmaydigan baʼzi jamoalar keladi.

Bunday shou va konsertlar insonga bir necha soatlik tashvishlardan chekinish va madaniy hordiq bera oladi xolos.

Hozirgi kunda ingliz tilini oʻrganuvchilar kundan-kunga ortib bormoqda bu - albatta juda ham yaxshi qadam.

Yaqinda ingliz tili sohasidagi eng yetuk ustozlar ishtirokida mega IELTS show boʻlib oʻtdi. Eng quvonarlisi, sanʼat saroyi ilm shaydolari bilan toʻlib toshdi.

Bu albatta boshlanishi boʻlishi kerak. Bunday katta zallarda har bir fan boʻyicha ilm-fan shoulari boʻlishi kerak. Shundagina, tomoshabinlar bir necha soatlik hordiq emas bir umrlik ilm va yangi marralar uchun energiya oladi.

Bizga haqiqiy olimlar kerak, shkafning ichidan chiqadigan "olim"lar emas!

👉@zafarmeyliyev

725 0 5 27

Zafar Meyliyev

1 Jul 2024, 22:38

Biz oʻzbeklar hech ham zerikmaymiz chunki har oy kimdir yoki qaysidir voqea trendga chiqadi.

Oxirgi trend kim va qaysi ism haqida ekanligidan koʻpchilikning xabari bor. Shunchalik u ism va insonni tanitib yubordikki eshitmagan quloq va videoni koʻrmagan koʻz qolmadi.

Reklama boʻyicha taklif tushayotganligi haqida va qaysidir mahsulotni reklama qilganligiga koʻzim tushdi. Buni qanday tushunish mumkin? Bir oila uyida yashirinib shkaf ichidan chiqib kelgan inson va qaysidir oilaning nomusi bilan oʻynashmoqchi boʻlgan yoki oʻynashgan kimsani hazil-hazil bilan qahramondek darajaga olib chiqib qoʻymayabmizmi?

Biz oʻzimiz bilgan va bilmagan holda qaysidir mavzuni yoki qaysidir insonni tanitishni ortigʻi bilan bajaramiz. Agar shu kuchimizni taʼlimda ziyo tartqatishga harakat qilayotgan insonlarga sarflasak shunda, bunday maʼnosiz trendlar oʻrniga ilm trend boʻlardimi?!

Abdulla Qahhor toʻgʻri aytgan "Adabiyot atomdan kuchli, lekin uning kuchini o‘tin yorishga sarf qilish kerak emas."

Hozirgi internet ham atomdan kuchli, uning kuchini ilmsizlar yoki ilmsizlikni targʻib qilishga sarflamaslik kerak.

👉@zafarmeyliyev

617 0 2

Показано 20 последних публикаций.

41

подписчиков

Статистика канала