*مربوعه للسيده زينب*
*عليها السلام*
•┈•❈​❉😭❉❈ •┈•

*هنياله الوصــل گبرج يــم عون*
*وعروة باب صحنج يلزمــه كون*

•┈•❈​❉😭❉❈ •┈•
يهنياله اليزور الحـضره هاليوم
ويطب مرقد الحره اخت كلثوم
ويذكر قصتـــج ويهلي لدمــوم
ومصابج يذكره ويه اليعزون

✍️العلويه امامه ام علي
•┈•❈​❉😭❉❈ •┈•
يمته أوصّل اعتــابچ يحره
وازورچ يم طهر وأجر حسره
گلبي عالجره لج صار جـمره
انسه مصيبتچ يا زينب شلون

أم علي✍️دمعة لقاء
•┈•❈​❉😭❉❈ •┈•
هنياله الوصلها وباس الاعتاب
ويگعد بالضريح ابراك هالباب
ويم زينب يذكر ذيــج الاحباب
ويتذكر بني هاشم اليثنون

✍️الشاعره رحمة الله تحسين
•┈•❈​❉😭❉❈ •┈•
اكعد بالصحن وأهمل دموعي
بلكي ايهيد شوكي ويه لوعي
بس ازيارتج صاير موضوعي
ابهل موضوع عقلي حيل مجنون

✍️الشاعره رحمة الله تحسين
•┈•❈​❉😭❉❈ •┈•
اتمنى ازورج واوصل الحظره
وشباچج الزمنه واشم عطرة
واتعنى الج وبكلبــي الحسره
وعليج الطم انه ويه اليلطمون

✍🏻زينب المحمداوية
•┈•❈​❉😭❉❈ •┈•
يـا يوم انزورج سورية نــطب
وبالحظره نون ونلطم وننحب
عالماتت غريبه والدمع نسجب
نوح بصوت عالي اويه الينوحون

✍️خادمة الزهراء حوراء الكناني
•┈•❈​❉😭❉❈ •┈•
تمت بعون الله تعالى
بأقلام خادمات أهل البيت ع
لا نجيز حذف أسماء الشاعرات

غير مبري الذمه كل من يتلاعب بالقصيده أو ينسب الكلام اليه

نهدي ثواب هذا العمل لسلامة قلب مولانا صاحب الزمان ( عج)
نسألكم الدعاء

https://t.me/zainabjj34