ذاکـرځلاند

خـــــــیرالبــــشر مــــدني
نـــــورالبصـــــــر مـــدني
ته یې محبوب د سبحان
د زړګـي ســـــــر مـــدني

جـــــهالت وو ژونــــــدی لوڼــــي ښخـــــــیدې
په هر لــــــور وې دښمـــــــنی خـــــــورې ورې
وې په زړو کــــي د نفـــــــرت قِصـــــــې پرتې
تا هر زړګی په الفـــــــت
کړو مُعَطَّـــــــر مــــــدني

پـــــــه راتلـــــــو دي مـــــــنوره شـــــــوه دنیا
رادي وړه د جـــــــهل شـــــــپو لـــــــره رڼــــــا
په هـــــــرخوا د هــــدایت شـــــــوه تَجَـــــــلّا
بَدْرُالـــــــدُّجٰي جانانــــه
شمس و قـــمر مــــدني

تا پر ټوله نړی خـــــــپور کړو پاک اســـــــلام
تا کـــــــړو خــتم د وحشت بدرنګ نـــــــظام
تا راوښــــــود ټول ژوندون مــــو ګام په ګام
ختم شو ظلم ، سِـــــتم
د عــــــدل لمر مـــــدني

هرسنت دي ګـــــــرانه ډېر خوږ دی تر قـــــند
دی اُسْوَة حَسَنَه مـــــــوږ ته ســـــــتا ژونـــــد
راهـــــــنما دی ، راســـــــره وي ستا هــــر پند
ته مو پیشوا یې ګـرانه
ته مو رهــــبر مـــــدني

ســـــــتا د اسم تر هر حرف دي شـــــم قربان
ګـــــــرانه ته یې د خوږمـــــــنو زړو درمــــان
ته مي زړه ، ته مـي نظــــــر ، ته مي چـشمان
*ذاکرځلاند* درځار شم
ته مي دلـــــــبر مــــــدني

https://t.me/zakirzaland33

د یتـــــــیم سَـــــــوِي آهـــــــونه
لـــــــړزوي د عـــــرش برجـــونه
له ژړا یې ســـــترګي ســـرې دي
ځــــي د اوښـــــــکو یې رودونه
اخ نازونــــــه بې څوک واخــلي
دِي پـــــر زڑہ یـــې ارمانـــــــونه
د اخـــــــتر نېکــــــمرغه ورځ دہ
نـه لـــــــري نـــــــوي بوټـــــــونه

*١*
د اخــتر جامې یې نشــــــته
ولاړ مــــــورته دی ژړیژي
د شهــــید بابا له غــمـــه اخ
بې اوره ســــــوځل کیږي
سر ببر او ګریوان څــــــېري
کاڼي زړونه پرې نرمــیژي
وچ شونډان ملال ملال دی
په لــیدو یې زڑہ دردیږي
*اخ پر ســـــــپین ګلابي مـخ یې*
*دي پراته ســـــــپېره ګرځــــونه*

*٢*
په فــــــکرونو كي دی ډوب
رهي پرخوا د قبرستان دی
اخ غــمونو را اخــيـــــستی
دی زهـــــیر او پرېشان دی
په زړګي كـــــي یې دیره د
خپل شهــید بابا ارمان دی
د ابد په ســــــفر تللی ترې
د ســــــر هغه سائیوان دی
*ځي د ګــــــران پلار خړ مزارته*
*ورکـــــــوي د زڑہ حـــالـــــــونه*

*٣*
د اخــــــتر ښائسته ورځ دہ
له خوښۍ ډکي شـــېبې دي
خوار یتیم په یبلو پښو دی
اوجامې یې هــــــم زړې دي
دی ولاړ ګوري همــــزولو ته
د هـــــــرچا ښه جامـــې دي
پر زړګـي یې تاؤ د ســــــوز
او د ویرونــو قافلـــــــې دي
*کړي ګـردش یې تَصَــــوُّر کي*
*هغه تېر د خوند وخـــــــتونه*

*٤*
لیري ګرځي له هلکوانو څوک
یې نه پرېږدي وه خـــواته
ماشومان ځي وه میــــلو ته
شو یتـــیم یـــــــوازي پاته
زڑہ یې ډک له ارمانـــونو اخ
کړي تش به یې وه چـــاته
یو الله تــه یې اُمـــــــید دی
نه لري بل څــوک وه شاته
*زوروي یـــې کـــــــړوي یـــې*
*وار پـــه وار د پلار یادونــــه*

*٥*
خـــــــدایه راولــې دې وران
مالت ته ښــــــکلي بهارونه
خوار اولس مو پر قرار کړې
مسافــر کــــــړې خزانـــونه
په خــــپل فضل ترینه لیري
کړې سِــــــتم او وحـشتونه
په سپېڅلي قـــــرآني نظام
ټکـــــــور کړې زخمي زړونه
*د زړګـــــــي لــــه درده کـــــــڑم*
*درته ´ذاکــــرځــــلاند` سوالونه*

https://t.me/zakirzaland33

ســــهار وختي د شهید قـــــــبر ته مورکۍ ناسته وه
ورســره څنګ کي یولمسی او یوه لمـسۍ ناسته وه

اوښـــــکي یې تلې قطار قطار تر ګریوانه له جــرګه
په زڑہ دردمنه په سلګـــــــوپه غم د زوۍ ناسته وه

شهـــــــید بچي ته یې د کـــــــور ټوله حالـــونه ویل
ډېر یې ژړل له اوښکو سرې یې سترګکۍ ناسته وه

عجیب منظر ؤ هم پرې ځمکي هم اسمان پرې ژړل
چي سرتور سر په غم کي ډوبه ھا بــوډۍ ناسته وه

هـــــــغه تنکي یتیم د پلار قـــــــبر ته داســـــي ویل
پلارجانه مور هم له څو ورځــو بې ډوډۍ ناسته وه

فکـــــــرو اخیستې وه د پلار خــــــړپړ مزار تې کتل
ورته معصـــــــومه د ګلاب غوندي لورکۍ ناسته وہ

´ذاکـــرځـلانده` د ژوندون خوښی به څنګه لمانځې
ســـــتا د دِیار هره تور سرې په ســـــلګۍ ناسته وه

https://t.me/zakirzaland33