"حنيني 💜" — @Haninyy Telegram-kanali

حنيني 💜

8 Oct 2019, 12:38

إللي قال فيروز للصبح ماغلطش بكل 🤤💜

35 0 0

نحبكم كيف ديما متفكريني بدعواتكم ، نحبكم لأن خليتوني نخش لقلوبكم بسرعه هكي ، نحبكم لأن تحسسو فيا أن ملجأكم الدائم لأي مشكله تواجهكم ، نحب ثقتكم فيا ، نحب وقفاتكم معاي لما نقول مضايقه ولا محتاجة دعوة منكم ، بسرعه تغمروني بحبكم ، بجديات إنتم هي النعمة ، وربي يديمكم ليا ، لأنكم مش بس متابعين إنتم خوتي وخواتي 💜

20 0 0

حنيني 💜

8 Oct 2019, 11:43

صباح الحب والورد والسرور ، مني لِكل شخص نايض ، مستني مسج من شخص ، وجاته خيبه تستاهلو صباح بدايته سعيده💜

42 0 0

حنيني 💜

8 Oct 2019, 04:54

السهر من غير صوتك ماليشي أي طعم .

114 0 0

حنيني 💜

8 Oct 2019, 03:45

حبيباتي إنتم ووخياتي 🥺 شكرا لكلامكم في صارحني ، بس أني الحمدالله بوي عايش ربي يحفظه ، يعني اني مش أي حاجة نكتبها تحكي عليا🥺
هذا بس لأن بكري بنت طلبتني نكتب عليه فكتبت ونزلته😭 💜

169 0 0

حنيني 💜

8 Oct 2019, 03:32

بـابـا 💜
معقولة الموت يحبك أكثر مني ، قدرت تمشيله بالسهوله هذي عجبك حضنه يعني ! ، عجبك التراب وهو عليك !، التراب مش مخليك تشوفني لما نزورك في القبر ، كل مرة نحاول إنحيه بإيدي من غير ما حد يحس بيآ علي أمل نوصلك ونمسك ، باهي يابوي حاول معاي حتى إنت ، معاش تقدر تطلع من القبر حتى لتحضني ! ، قداش ليا ماشفتش وجهك ياحبيبي ، بنتك كِبرِتْ وياريتها ما كبرت ، لما كنت صغيره كنت نقدر نزورك في القبر بس توا حتى قبرك منعوه عليا ، قالولي لا إنت توا كبيرة وزيارة المقابر حرام ، تعالالهم يابوي وقلهم مافيش حد عليه سلطه علي بنتي غيري ، توا إللي يجي يتحكم فيا وبحياتي يا بابا ، كنت قوتي وفجأة مشيت هكي ، إللي يجي ياخد فيا حصة وأني ساكته ، معاش نتكلم زي قبل وندافع علي حقي نشبح فيه يتاخد قدامي ونقعد ساكتة ، هذا لأن قبل مستقويه بيك ولكن توا شن !
من يلي في ظهري ، من يلي حاميني ، مني سندي !

إنت مشيت ورفعت معاك كل شئ للقبر ، حتى ضحكتي وفرحتي رفعتهم معاك ، غطيتهم بترابك

كنت نتخايل في هلبا ناس أن تموت وشن حتكون ردة فعلي ، بس صدقني عمري ماتخايلت موتك
_ هذاكا اليوم وهما يقولولي في خبر وفاتك وفي هذيكا الساعة بالزبط وقف الزمن عندي ومعاش يبي يتحرك لليوم هذا قاعده أني عالقه ، وقاعدة روحي معلقه عندك ...

160 0 0

حنيني 💜

8 Oct 2019, 01:11

كل ما تجي الساعة 12:00am نبيك معاي ، بإختصار نبي اليوم يبدأ وينتهي بيك 💜

273 0 0

حنيني 💜

7 Oct 2019, 23:53

دعوات تحضن فيا حتى من السودان🥺💜

301 0 0

حنيني 💜

7 Oct 2019, 23:40

﮼مـيـسـم dan repost

‏كل شعور بـ الدنيا ممُكن تتجاهله وتقدر تتجاوزه إلا احساس الضُعف اللي يتملك قلبك لما تستاحش

330 0 0

حنيني 💜

7 Oct 2019, 22:43

نفـكر اليوم نتصل بيـك ونقولك بدل ألـو نحـبك ، وكل شوي نقـولك إستاحشتك من غير سبب ، ونبي قربـك للأبد ، الليلة مـفكرة نرقد علي صوتگـ ونخـلي الخط مفتوح لعند مايجيني النـوم ، الليلة نبـيها تكون مميزة بسببك 💜

345 0 0