Turkiy tilli davlatlar kengashi:
Oʻzbekiston nega jim? Biz nimadan buncha qoʻrqamiz?
(Ikkinchi maqola)
Ayrim qozoq ziyolilari mintaqaning madaniy va tarixiy merosi markazida biz, qozoqlar turamiz, degan gʻoyani ilgari surishmoqda. Bu, kelishib boʻlmaydigan, xato va xavfli qarashdir.
Qolaversa, mamlakat janubida joylashgan Turkiston shahri qadim Turkistonning maʼjoziy markazi sifatida talqin etilishi ham masalaga obyektiv qarash emas.
Bovurlarimiz bugun ushbu shaharda qozoq, turk va rus tillarida efirga chiquvchi TV (“Yevronyus” formatidagi) ochishayotganini ham maʼlum qilishdi.
Turkiston—Toshkent—Samarqand—Buxoro turistik liniyasi negizida tezyurar poyezd marshrutining gʻoyasi ustida ham ishlar qizgʻin ketayotir. Ochigʻi, bular yaxshi harakatlar. Yaqin boʻlsak, bir-birimizga bagʻrimizni ochsak, nur-ustiga nur.
Biroq meni boshqa bir narsa oʻylantiradi. Turkiy xalqlar oʻtmishida eng katta oʻrin tutuvchi, turkiy saltanatlarning iqtisodiy-siyosiy, maʼmuriy markazlari, madaniy va tarixiy obidalari makoni boʻlmish Oʻzbekistonimiz bu borada nega jim? Biz nimadan buncha qoʻrqayotirmiz?
Axir, bu borada biz bayroqdor, haqli emasmizmi? Turkiylar tarixi, hatto til masalasida ham (bu toʻgʻrida ham bir muxtasar post berarmiz) biz safning boshida boʻlishimiz kerak emasmi?..
Oʻzi umuman, bu kengash mushtarak tarix va umumturk tilini (2014-yil Bodrum shahridagi sammitda bu koʻtarilgan) yaratish masalasini qayta kun tartibiga qoʻyishi bugun muhimga oʻxshaydi.
Bu, aʼzo davlatlarning harakatdagi mafkurasini mazkur formatga tiqishtirishini cheklagan boʻlardi. Xullas, bu kengash bizga nima berish-bermasligidan qatʼi nazar shunisi bilan muhimki, bugun Oʻzbekiston tashqi siyosatda koʻp vektorli formatga oʻtdi.
Bular, markazida Rossiya turuvchi — KHSHT va YEOII, Xitoyning “Bir makon — bir yoʻl” AQSH yetovidagi “5+1”, hali tugal, institutsional maqom olmagan Markaziy Osiyo integratsiyasi hamda zikr etayotganimiz mazkur kengash...
Biroq men qolgan oʻyinchi davlatlar va tuzilmalarni istisno qilmagan tarzda baribir biz uchun, eng avvalo, mintaqa integratsiyasini va Turkiy kengashni tanlagan boʻlardim. Nega desangiz, faqat birlikda, hamjihatlikdagina biz boshqalarga oʻyinchoq boʻlmasligimiz, mustaqil bir kuch boʻlishimiz mumkin.
Zotan, bizni boʻlib tashlagan, bir birimizdan ayirgan va mudom turli milliy va siyosiy tolatoʻmlarga tortmoqchi hamda shu orqali boshqaruvni qoʻlda tutib turmoqchi boʻlganlarning asl muddaosi shu edi va hozir ham oʻzgargan emas.
Shu bois qadim Turkiston mintaqasi birlashishi (integratsiya) , dunyoga oʻz soʻzini aytishi kerak. Oʻylaymanki, buning vaqti keldi!
@platformauzb
Oʻzbekiston nega jim? Biz nimadan buncha qoʻrqamiz?
(Ikkinchi maqola)
Ayrim qozoq ziyolilari mintaqaning madaniy va tarixiy merosi markazida biz, qozoqlar turamiz, degan gʻoyani ilgari surishmoqda. Bu, kelishib boʻlmaydigan, xato va xavfli qarashdir.
Qolaversa, mamlakat janubida joylashgan Turkiston shahri qadim Turkistonning maʼjoziy markazi sifatida talqin etilishi ham masalaga obyektiv qarash emas.
Bovurlarimiz bugun ushbu shaharda qozoq, turk va rus tillarida efirga chiquvchi TV (“Yevronyus” formatidagi) ochishayotganini ham maʼlum qilishdi.
Turkiston—Toshkent—Samarqand—Buxoro turistik liniyasi negizida tezyurar poyezd marshrutining gʻoyasi ustida ham ishlar qizgʻin ketayotir. Ochigʻi, bular yaxshi harakatlar. Yaqin boʻlsak, bir-birimizga bagʻrimizni ochsak, nur-ustiga nur.
Biroq meni boshqa bir narsa oʻylantiradi. Turkiy xalqlar oʻtmishida eng katta oʻrin tutuvchi, turkiy saltanatlarning iqtisodiy-siyosiy, maʼmuriy markazlari, madaniy va tarixiy obidalari makoni boʻlmish Oʻzbekistonimiz bu borada nega jim? Biz nimadan buncha qoʻrqayotirmiz?
Axir, bu borada biz bayroqdor, haqli emasmizmi? Turkiylar tarixi, hatto til masalasida ham (bu toʻgʻrida ham bir muxtasar post berarmiz) biz safning boshida boʻlishimiz kerak emasmi?..
Oʻzi umuman, bu kengash mushtarak tarix va umumturk tilini (2014-yil Bodrum shahridagi sammitda bu koʻtarilgan) yaratish masalasini qayta kun tartibiga qoʻyishi bugun muhimga oʻxshaydi.
Bu, aʼzo davlatlarning harakatdagi mafkurasini mazkur formatga tiqishtirishini cheklagan boʻlardi. Xullas, bu kengash bizga nima berish-bermasligidan qatʼi nazar shunisi bilan muhimki, bugun Oʻzbekiston tashqi siyosatda koʻp vektorli formatga oʻtdi.
Bular, markazida Rossiya turuvchi — KHSHT va YEOII, Xitoyning “Bir makon — bir yoʻl” AQSH yetovidagi “5+1”, hali tugal, institutsional maqom olmagan Markaziy Osiyo integratsiyasi hamda zikr etayotganimiz mazkur kengash...
Biroq men qolgan oʻyinchi davlatlar va tuzilmalarni istisno qilmagan tarzda baribir biz uchun, eng avvalo, mintaqa integratsiyasini va Turkiy kengashni tanlagan boʻlardim. Nega desangiz, faqat birlikda, hamjihatlikdagina biz boshqalarga oʻyinchoq boʻlmasligimiz, mustaqil bir kuch boʻlishimiz mumkin.
Zotan, bizni boʻlib tashlagan, bir birimizdan ayirgan va mudom turli milliy va siyosiy tolatoʻmlarga tortmoqchi hamda shu orqali boshqaruvni qoʻlda tutib turmoqchi boʻlganlarning asl muddaosi shu edi va hozir ham oʻzgargan emas.
Shu bois qadim Turkiston mintaqasi birlashishi (integratsiya) , dunyoga oʻz soʻzini aytishi kerak. Oʻylaymanki, buning vaqti keldi!
@platformauzb