نعت شریف

څومره ښکلی نازنين يې محمده
دوست ده رب العالمين يې محمده

ستا وحسن ته عاجزه ځلاند لمر دی
عاليشانه بهترين يې محمده

پاک الله ج ده نبوت‌مډال در کړی
ته خاتم النبيین يې  محمده

کائنات ستا ده هر امر تابعدار دي
ته سيدالمرسلين يې محمده

رب دي کړي صفتونه پر هرباب کي
رب ستايلی په ياسين يې محمده

ستا له رويه دا دنيا الله پيدا کړه
نازولی ده مبین يې محمده

زه حقمل دي لتا ځار او سپيلنی سم
ته مي زړه لره تسکين محمده

محمدګل حقمل