တပ်မတော်သားများသည် နိုင်ငံတော်ကို ကာကွယ်စောင့်ရှောက်ရန်အတွက် ခိုင်မာသည့်သန္နိဋ္ဌာန်စိတ်ဖြင့် ကိုယ်ပိုင်သဘောဆန္ဒအလျောက် တပ်မတော်သို့ ဝင်ရောက်လာခဲ့ကြသူများဖြစ်သည်။ စည်းကမ်းသည် တပ်မတော်၏ကျောရိုးဖြစ်သလို အသက်ဝိညာဉ်ဖြစ်သည်။ တပ်မတော်သည် မွန်မြတ်သောစိတ်ထားနှင့် ကောင်းမွန်သည့် စည်းကမ်းများနှင့်တည်ဆောက်ထားသော တစ်ခုတည်းသော အဖွဲ့အစည်းကြီးဖြစ်သည်။ မပျက်မကွက်လိုက်နာရမည့် ဆောင်ရန်စည်းကမ်းများနှင့် လုံးဝမပြုလုပ်ရန် တားမြစ်ထားသည့် ရှောင်ရန်စည်းကမ်းများကို တိကျစွာလိုက်နာရသည့် အဖွဲ့အစည်းဖြစ်သည်။ တပ်မတော်သားအားလုံးလိုက်နာရန် တိုက်တွန်းထားသည့် စစ်သည်တော်ကျင့်ဝတ်အပါး (၆၀)ကို ခါးဝတ်ပုဆိုးကဲ့သို့ မြဲမြံစွာလိုက်နာကြရသည်။ ထို့ပြင် စစ်မြေပြင်စည်းကမ်း၊ လုပ်ငန်းခွင်စည်းကမ်းနှင့် နယ်ဘက်ဆိုင်ရာစည်းကမ်းဥပဒေများကို လေးစားလိုက်နာကြရသည်။

သို့ဖြစ်ရာ တပ်မတော်သည် ကျင့်ဝတ်၊ စည်းကမ်း၊ ဥပဒေများဖြင့် တိကျခိုင်မာစွာ စနစ်တကျဖွဲ့စည်းထားသော အဖွဲ့အစည်းဖြစ်သည်။ နိုင်ငံတော်ကို ကာကွယ်စောင့်ရှောက်လျက်ရှိသည့် တပ်မတော်သားများသည် မွန်မြတ်သော စိတ်ဓာတ်များ၊ ခံယူချက်များနှင့် ကြီးလေးသောတာဝန်ဝတ္တရားများကို လေးစားလိုက်နာဆောင်ရွက်လျက်ရှိသည်။ စစ်မှန်သည့် နိုင်ငံချစ်စိတ်၊ မျိုးချစ်စိတ်၊ စည်းကမ်းလိုက်နာသည့် စိတ်ဓာတ်များဖြင့် အစဉ်အလာကြီးမားသည့် တပ်မတော်၏ ဂုဏ်ဒြပ်များကို အစဉ်အလာမပြတ် ဆက်လက်ထိန်းသိမ်းစောင့်ရှောက်ရင်း နိုင်ငံတော်ကို ကာကွယ်စောင့်ရှောက်လျက်ရှိပါကြောင်း။ ။

https://t.me/myanmarnewspaper/157841

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd