Myanmar Newspapers

တစ်ခါတစ်ရံ ကတ်သီးကတ်သတ် အမေးမျိုးနှင့်လည်း ကြုံရတတ်ပြန်သည်။ “မင်းတို့အလုပ်ထဲမှာ ဗေဒင်ဆရာတွေရှိ မဟုတ်လားကွ၊ ကြုံတုန်း ကျန်းမာရေးညံ့နေတာလေး မေးခဲ့စမ်းကွာ” “ဘယ်က ဗေဒင်ဆရာရှိရမှာတုံး ဘကြီးရ၊ ကြံကြံဖန်ဖန်” “နို့… ဘယ်သူက ရှေ့ဖြစ်တွေ ကြိုဟောနေသတုံး” “ဗျာ” ယင်းသို့ ထင်သူများ ရှိသလို အချို့ကလည်း… “မင်းတို့ မိုးလေဝသကလူတွေ လေပူဖောင်းကြီး တွေစီးရမှာပေါ့” “ဂြိုဟ်တုက ပုံတွေကြည့်ပြီး ပြောတာဆိုတော့ အဲဒီဂြိုဟ်တု မင်းတို့လွှတ်တင်ထားတာလား။ ဘယ်လောက်ကုန်သတုံး”

“ဟေ့… နေပါဦးကွ၊ ငါ မရှင်းတာလေး မေးပါရစေဦး။ မင်းတို့ပြောတာ မိုးရေချိန်က နှစ်လက်မ၊ သုံးလက်မလောက်ပဲ ရွာပေမယ့် မြစ်ရေကျဘာလို့ ငါးပေ၊ ခြောက်ပေအထိ တက်ပစ်တာလဲဟ။ မိုးတစ်လက်မရွာရင် ရေဘယ်နှပေတက်ရမယ်လို့ ရှိလား”

ထိုအခါမျိုးတွင် သူခေါင်းကုတ်ကာ နားလည်လွယ်အောင် မည်သို့ရှင်းပြရမည်ကို အတော်စဉ်းစားရသည်။ မိုးရေက ခြင်ခွက်ကလေးနှင့် ခြင်တွယ်တိုင်းတာတာဖြစ်ကြောင်း၊ မြစ်ရေက မိုးရေချိန်ကြောင့် မဟုတ်ဘဲ မြောက်ဘက်မှ ရေခဲတောင်များပြိုလျှင်လည်း ရေကြီးနိုင်ကြောင်း၊ မြစ်အောက်ပိုင်း၌ မိုးမရွာလျှင်လည်း အထက်တွင်ရွာပါက တောင်ကျရေ၊ ချောင်းရေတို့မှ စီးဝင်သဖြင့် မြစ်ရေတိုးနိုင်ကြောင်းတို့ ရှင်းပြရသည်။

ဒါတောင်…“ဆိုတော့ မိုးများရင် ရေကြီးမှာပဲပေါ့။ မင်းတို့ စာရင်းလုပ်ထားဖို့ကောင်းတယ်။ မိုးဘယ်လောက်ရွာရင် ရေဘယ်လောက်တက်တယ်ဆိုပြီး မှတ်တမ်းလေးသွင်းထားတော့ နောင်နှစ်တွေကြည့်လို့ရတာပေါ့ဟ”ဟု အကြံပေးသွားသေးသည်။ သူရယ်လျက်သာ နေလိုက်ရ၏။ သူတို့ဌာန၌ စခန်းအသီးသီးမှပေးပို့လိုက်သော မိုးရေချိန်၊ မြစ်ရေ၊ ငလျင် စသည်တို့ကို တိုင်းတာချက်များ နေ့စဉ်ရရှိ တွက်ချက်နေကြရသည် မဟုတ်လော။

သူသည် တွေးရင်း အဖြစ်အပျက်တစ်ခုကို အမှတ်ရလာ၏။ ဘင်္ဂလားပင်လယ်အော်အတွင်း လေဖိအားနည်းရပ်ဝန်းတစ်ခု ဖြစ်ပေါ်လာစဉ်ကဖြစ်သည်။ သူချစ်ရသူမှာ ပင်လယ်ကမ်းခြေရွာတစ်ရွာမှ မြို့ပေါ်သို့ အလုပ်နှင့် ရောက်နေသူတစ်ဦး။ သူကမုန်တိုင်းငယ်သည် အားကောင်းသော မုန်တိုင်းကြီးတစ်ခုဖြစ်လာရန် အလားအလာများနေသည်ကို သုံးသပ်မိသည်။

ထိုအကြောင်း သူ့ချစ်သူအားပြောပြခဲ့မိ၏။ သူပြောတုန်းကတော့ ခပ်ပေါ့ပေါ့သဘော၊ မကြာခင်အဲဒီဘက်ကို မုန်တိုင်းဝင်လိမ့်မယ် သဲရေဆိုတာမျိုးလောက်သာ။ သို့သော်ဝင်မှာသေချာလားဟု ပြန်မေးလာသောအခါ အနည်းဆုံးတော့ အဖျားခတ်မှာပဲ။ ကမ်းခြေဒေသတွေ သတိထားဖို့လိုမယ်ဟု ပြောလိုက်သည်။

ထို့နောက် သူ့ကောင်မလေးရွာပြန်သွား၏။ ဖုန်းဖြင့်ပြောဆိုမရသော ဖခင်ဖြစ်သူအားတားရန်သွားကြောင်း နောက်မှသိရသည်။ ကံကောင်းထောက်မသဖြင့် ငါးဖမ်းလှေလိုက်တော့မည့် ဖခင်အားအချိန်မီဆွဲထားလိုက်နိုင်သည်။ ထို့နောက် သူတို့ရွာကို မုန်တိုင်းထိသွား၏။ အကယ်၍ မုန်တိုင်းငယ်လောက်ပဲဟု ပေါ့ဆစွာပင်လယ်ပြင်သို့ ထွက်ခဲ့ပါက မတွေးရဲစရာ။

မုန်တိုင်းဒဏ်ကြောင့် အိမ်အမိုးလန်သွားသော်လည်း သူ့ချစ်သူက သူ့ကိုကျေးဇူးအထူးတင်ကြောင်း ဆိုလာသည်။ သူသာကြိုတင်ခန့်မှန်းမိသည်ကို ထုတ်မပြောခဲ့ပါက ပင်လယ်ထဲတစ်လကိုးသီတင်းထွက်ရတတ်သော ဖခင်ဖြစ်သူအား ပြန်တွေ့ရန်မလွယ်ဟု ပြောရင်းသူ့ကို အားလုံးကကျေးဇူးတင်နေကြသည်ဆို၏။

ရေလုပ်သားများမှာ မုန်တိုင်းသတင်း မကြားရသောကြောင့်လည်းကောင်း၊ ကြားသော်လည်း ပေါ့ဆသဖြင့်လည်းကောင်း အသက်ဆုံးရှုံးကြရသည်မှာ မနည်းတော့။ သူ၏ကြိုတင်ခန့်မှန်းမှုနှင့် ချက်ချင်းသိစေမှုကြောင့် ချစ်သောသူ၏ မိသားစုအပါအဝင် ရေလုပ်သားအများ ဘေးလွတ်ကြောင်း ကြားလိုက်ရသောအခါ သူတစိမ့်စိမ့်ကျေနပ်၍မဆုံးပြီ။

အကြောင်းတိုက်ဆိုင်တိုင်းလည်း တကူးတက ကောင်းမှုပြုရသည်မဟုတ်ဘဲ လူ့အသက်များကို ကယ်ဆယ်နိုင်သော သမ္မာအာဇီဝအလုပ်တစ်ခုကို လုပ်မိခြင်းအတွက် ဂုဏ်ယူနေမိသည်။ ငယ်ငယ်ကအားကျခဲ့ရသော Super Hero ကြီးများလို အစွမ်းသတ္တိမရှိသော်ငြား သူတို့နှင့်မခြားကိုယ့်ကိုယ်ကိုယ်အားရမိ၏။

မွန်မြတ်သောအမှုကို နေ့စဉ်ပြုနေသည်ဟူသည့် စိတ်သည်သူ၏ခြေလှမ်းများကို ပေါ့ပါးတက်ကြွစေသည်။ အဆိုပါ ခြေလှမ်းတို့မှာ ပစ္စုပ္ပန်ကောင်းကျိုးအတွက် အနာဂတ်သို့ ကြိုတင်လှမ်းလင့်သော ခြေလှမ်းများဟု ယုံကြည်လေသည်။ သူသည် နိစ္စဓူဝလုပ်ငန်းခွင်ကိုပင် ကုသိုလ်လည်းရ၊ ဝမ်းလည်းဝဟု သူ့ဘာသာခံယူကာ ဇလဗေဒဌာနထဲ မတ်မတ်ကြီး ဝင်သွားလေတော့သည်။ ။

https://t.me/myanmarnewspaper/159686

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

သဘာဝဘေးကြောင့် ပျက်စီးဆုံးရှုံးမှုများရှိကြောင်း ကြားရလျှင် စိတ်မကောင်းဖြစ်မိသော်လည်း သဘာဝကို သူအပြစ်မမြင်ပါ။ သဘာဝဘေးမှာ လူတို့၏ ပေါ့ဆမှုနှင့် မထီမဲ့မြင်မှုများပါနေသောကြောင့်ဖြစ်သည်။ သို့ရာတွင် လူတွေကိုလည်း အပြစ်မတင်လို၊ တစ်ဝမ်းတစ်ခါးစာမက ရုန်းကန်နေကြရသူများအဖို့ သဘာဝကိုအထူးတလည် ထိန်းသိမ်းပြုပြင်နေရလောက်အောင် မတတ်နိုင်ကြသည်ကို မျက်မြင်တွေ့ထိ ကြားသိနေရသည်ပဲ။

သူတို့၏ တာဝန်အရ သဘာဝဘေးအန္တရာယ်ကြိုတင်ကာကွယ်ရေးသည် နံပါတ်(၁) အရေး အကြီးဆုံး ရည်ရွယ်ချက်ဖြစ်၏။ မုန်တိုင်းဘေး၊ ရေဘေး၊ ငလျင်ဘေး စသည်တို့ကြောင့် ပြည်သူများ ဆုံးရှုံးနစ်နာမှုမရှိစေရန် အတတ်နိုင်ဆုံးကြိုးစားရသကဲ့သို့ ခရီးသွားလာခြင်းနှင့်လုပ်ငန်းများ နှောင့်နှေးကြန့်ကြာမှု နည်းပါးစေရန်လည်းဂရုပြုရ၏။

ယခုလို မိုးရာသီတွင်မုန်တိုင်းဝင်ခြင်း၊ ဒီရေဝင်ရောက်ခြင်း၊ ရေကြီးခြင်းတို့ကြောင့် အလုပ်ပိုများလေ့ရှိ၏။ ထို့ကြောင့် နံနက်စောစောအိမ်မှထွက်ကာ ကားစီးရန် မှတ်တိုင်ရောက်နေသည့် သူသည်ကားစောင့်ရင်း ရွာသို့ဖုန်းဆက်ရာ သံရှည်မြည်သံအဆုံး၌ ကြားနေကျ ဘိုးလေးတင့်၏ အသံကိုကြားရလေသည်။

“ဟလို၊ ဘိုးလေးလား… ဘာတွေ အလုပ်ရှုပ်နေတုံး” “ဟေ ငါ့မြေး၊ ခုပဲဆက်တော့မလို့။ မင့်အဘွားကတောင်ပြောနေတာ။ ရွာကလူတွေကလည်းမေးလှပြီ။ ပျိုးတွေလုပ်နေရတော့ ဒီဘက်မလှည့် အားဘူးကွယ်”

“ဟုတ်လား၊ စိုက်ကြတော့မှာလား”

“မြေးကို မမေးဘဲမစိုက်ပါဘူး။ စိုက်ပြီးမှ မိုးမကျရင် အလကားဖြစ်ကုန်မှာပေါ့ကွယ့်” “မိုးက ဘိုးလေးတို့ဆီမှာ တစ်ရက်နှစ်ရက်အတွင်းတော့ မရွာသေးဘူး။ နောက်တစ်ပတ်ထဲမှ ရွာလိမ့်မယ်ဘိုးလေးရေ” “အေး အေး… တို့လည်း ဒီလို ထင်တာပဲကော။ ဒါပေမယ့်သေချာအောင် မင်းဆီကသတင်း စောင့်ရ သေးတယ်လေ။ နောက်တစ်ပတ်မှ မရွာရင်တော့ ပျိုးပင်တွေ ခြောက်ဖို့။ တို့တော့ ဒီစနေ စစိုက်မယ် မှန်းတာပဲ”

“တနင်္လာလောက်မှ စိုက်ပါလား ဘိုးလေးရဲ့။ ထားလို့မရဘူးလား” “အဲဒီနေ့ လူရမှ ရပါ့မလား။ တခြားသူတွေနဲ့ အပြိုင်ဖြစ်နေရင် လုပ်သားမရဘူးငါ့မြေး” ဖုန်းစပီကာ ဖွင့်ထားပုံရသည်။ အဘွား၏ အသံကိုအနောက်မှကြားရ၏။

“အို… ကိုလေးတင့်၊ စနေ တနင်္ဂနွေမှာ အားလုံးစိုက်ကြမှာကို။ တနင်္လာမှဆို လူတောင်ရှင်းသေး။ ရတယ်ပြောလိုက်” “အေး… အေး၊ အေးပါကွာ။ ကြားထဲ ငါရေဖျန်းထားရမှာပေါ့” သို့နှင့် အနည်းငယ်ပြောပြီး ဖုန်းချလိုက်သည်။ ထို့နောက် တစ်ကိုယ်တည်း ပြုံးမိပြန်သည်။ သူ့အဘိုးအဘွားများသည် ဦးလေးများနှင့်အတူ ရွာမှာပဲ လယ်ယာလုပ်ငန်းလုပ်ကိုင်ကြဆဲဖြစ်၏။ ဘိုးလေးတို့သည် တောင်သူလယ်သမားများထဲ၌ နှစ်တိုင်းလိုလို အထွက်အကောင်းဆုံး၊ သီးနှံအရဆုံး နာမည်ကျော်များပင်။

ထိုသို့ ရသည်မှာလည်း လုပ်ငန်းကျွမ်းကျင်၍ စည်းစနစ်တကျ လုပ်ကိုင်တတ်ခြင်းအပြင် မြေးဖြစ်သူ၏ အကူအညီများပါသည်ဟု တစ်ရွာလုံးက သတ်မှတ်ပြောဆိုလေ့ရှိကြ၏။ မြေးတစ်ယောက်လုံး မိုးလေဝသဌာနမှာရှိနေမှတော့ ရုပ်မြင်သံကြားနှင့် ရေဒီယိုများကို စောင့်နေစရာမလို၊ လိုအပ်လျှင် သတိပေးချက်ပို့လိမ့်မည်ဖြစ်ကြောင်း သိနေကြသည်။

သည်နှစ် မိုးနည်းမည်၊ မည်သည့်သီးနှံစိုက်သင့်သည်မှစ၍ မည်သည့်ရက် ခရီးမသွားနှင့်၊ မိုးများမည်၊ ကန်သင်းဖြိုထားသင့်ထား၊ ရေလွှဲကြောင်း ဖောက်တန်ဖောက်ဟု သူကမကြာခဏ ဖုန်းဆက်ပြောတတ်သဖြင့် ထိခိုက်မှုအနည်းဆုံးဖြစ်ရသည် ဆိုလျှင်မမှား။ နောက်ပိုင်းတွင် အချို့တောင်သူများသည် သူ့ဖုန်းစောင့်ပြီးမှ လုပ်ငန်းခွင်သို့ သွားကြသောဟူ၏။

သူကအမြဲမှန်သည် မဟုတ်သော်လည်း သေချာလောက်မှပြောတတ်၍ ရွာရှိ ရပ်ဆွေရပ်မျိုးများ၏ အားထားရာ မိုးလေဝသသတင်းထုတ်ပြန်သူဖြစ်လာသည်။ သူမို့ ရွာပြန်သွားလျှင် ကျေးဇူးရှင်ကြီး အလား ဟိုအိမ်ကခေါ် ဒီအိမ်ကပင့်နှင့် အိမ်တကာလည်ကာ ဧည့်သည်လိုက်လုပ်ရတတ်၏။ ဧည့်ခံကြရင်း သူတို့သိလိုသမျှ မေးလာကြသည်ကို ဖြေရသည်။

“မနှစ်ကတို့လယ်တွေ ရေမြုပ်လိုက်တာကွယ်။ လေးလေးတင့်တို့ ပြောပါလျက်နဲ့ သူလေ… သူ၊ ပျင်းအားကြီးနေတာ။ အချိန်မီလုပ်သင့်တာမလုပ်တော့ ပျက်ကရော” အိမ်ရှင်အဒေါ်ကြီးက ကော်ဖီနှင့်မုန့်များချရင်း အိမ်ထောင်ဦးစီးအား အပြစ်တင်သည်ကိုလည်း ဤသို့ကြားရဖူး၏။

“ဪ… ဘယ်ထင်မတုန်းဟ။ အဲဒီတုန်းက မိုးမစွေဘဲ အုန်းဆို ရွာချသကိုး။ တော်တန်ရုံရွာပြီး ပြတ်မယ်ထင်တာပေါ့” ထိုအခါ သူကမိုးလေသတင်းကို နားထောင်၍ အခါအားလျော်စွာ လုပ်သင့်လုပ်ထိုက်သည်တို့လုပ်ပါက ပျက်စီးနိုင်ခြေနည်းပါးကြောင်း၊ သူတို့မိုးလေဝသသမားများသည် စိုက်ပျိုးရေးသမားများအတွက်လည်း ကြည့်ရှုသုံးသပ်တွက်ချက်ထုတ်ပြန်ပေးကြောင်း၊ ထို့ကြောင့် သတင်းမကြည့်ဖြစ်လျှင်တောင် ဘိုးလေးတင့်အိမ်ဝင်၍ စနည်းနာသင့်ကြောင်း ပြေလည်စွာပြောပြရသည်။

“အေးပါ… ငါလည်း နားဝေးတဲ့သူမဟုတ်ပါဘူး။ မင်းအဒေါ်က မြည်တွန်တောက်တီးလွန်းတော့ ဟုန်ပြီး ယောင်နနဖြစ်သွားလို့ပါ” “အမယ်လေး… ဖြစ်ရတယ် ကိုအောင်မြို့ရယ်၊ ဖြစ်ရတယ်။ ဒီလောက်ပြောနေတာတောင် မလှုပ်တာကို” ရွာဓလေ့ကတော့ ထိုသို့ပင်။ အချို့ကအေးလွန်းသည်။ အချို့ကဆူလွန်းသည်။ ယင်းမတူညီမှုများ သူ့ဟာနှင့်သူ သဟဇာတဖြစ်နေကြသည်ကပင် ပျော်စရာ။ ရွာရောက်တိုင်းသူ့မှာကြားစရာက အပြည့်။ ရွာဇာတ်လမ်းများကို နားထောင်ရသည်ကား မရိုးမအီနိုင်ပါချေ။

အနာဂတ်သို့ ခြေလှမ်းများ

လက်ျာ

ဇလဗေဒဆိုသည်မှာ မိုးလေဝသနှင့်ရာသီဥတုတို့ကို ကြိုတင်ခန့်မှန်းနိုင်ရန်လေ့လာခြင်း၊ တွက်ချက်ခြင်းတို့ပြုလုပ်ရသော ဘာသာရပ်ဖြစ်သည်။ သူကိုယ်တိုင်လည်း ဇလဗေဒ၏အဓိပ္ပာယ်ကို  အလုပ်မဝင်ခင်အထိဘာမှန်းမသိခဲ့။ ကျောင်းတွင်လည်း မသင်ခဲ့ရ၊ ပြင်ပ၌လည်း မကြားစဖူး၊ လုပ်ငန်းခွင်ကျမှ သေသေချာချာ သိနားလည်လာရခြင်းဖြစ်၏။

သူက မိုးလေဝသဌာနတစ်ခုမှာ အလုပ်လုပ်သည်။ ဘာမျှနားမလည်ဘဲ အစိမ်းသက်သက် ဝင်ရောက်လုပ်ကိုင်ခဲ့သည်တော့မဟုတ်။ အလုပ်မရခင် သင်တန်းအရင်တက်ခဲ့ရသေးသည်။ မိုးလေဝသနှင့်ဆိုင်သောအချက်အလက်များကို စစ်တမ်းကောက်ယူခြင်း၊ လေ့လာသုံးသပ်ခြင်း၊ မှတ်တမ်းတင်ခြင်းတို့ကို အကျွမ်းဝင်လာတော့မှ လုပ်ငန်းခွင်ဝင်ရလေသည်။

သူသည် လူပျိုလူလွတ်ဖြစ်၍ မိဘနှင့်အတူနေသူမို့ ဘတ်စ်ကားနှင့်ရုံးတက်ရ၏။ သူနေသောမြို့သစ်မှ ဇလဗေဒဌာနသို့ ကားအကြာကြီးစီးရသည်။ ထိုအခါ လူပေါင်းစုံနှင့် ထိတွေ့ရသလို သဘာဝဝန်းကျင်မျိုးစုံကိုလည်း မြင်တွေ့ရလေသည်။

သူသည် သဘာဝကိုချစ်သူဖြစ်၏။ သဘာဝကျသော သဘာဝ၏အလှများကို တစိမ့်စိမ့်ကြည့်ရှု ခံစားနေတတ်ခြင်းကိုက သူ၏သဘာဝဖြစ်သည်။ လမ်းဘေးဝဲ၊ ယာရှိ ကောက်ပင်စိမ်းစိမ်းများ၊ အရေခွံခွာချလိုက်သော ယူကလစ်ပင်များမှစ၍ စိုစွတ်နေသောလမ်းပေါ်၌ တင်ကျန်ရစ်သည့် ရေအိုင်လေးများ၊ နှင်းများတွဲခိုနေသည့် မြက်တောများအထိ သူသဘောကျ၏။

ထို့ကြောင့်လည်း သဘာဝကိုလေ့လာရသော ဇလဗေဒ၌ သူအာရုံဝင်စားခဲ့ခြင်း ဖြစ်ပေလိမ့်မည်။ သူ့ထံသို့နေ့စဉ်သဘာဝ၏ အချက်အလက်များစွာ နည်းလမ်းမျိုးစုံဖြင့် ဝင်ရောက်လာသည်။ ဌာနခွဲများမှ ပေးပို့လိုက်သော မြစ်ရေမှတ်တိုင်းတာခြင်း၊ ရေစီးထုထည်၊ သဲနုန်းထုထည် စီးဆင်းမှုတိုင်းတာချက်၊ မြစ်ရေအရည်အသွေးစသည်တို့ကို သူတို့က မှတ်တမ်းတင် တွက်ချက်ကြရသည်။

မိုးရေချိန်၊ လေတိုက်နှုန်း၊ ဘင်္ဂလားပင်လယ်အော်အခြေအနေ စသည်တို့ကိုလည်း စောင့်ကြည့်လေ့လာ၍ ခန့်မှန်းချက်ထုတ်ပြန်ကြရ၏။ သို့သော်သူ့ထံရောက်ရှိလာသော သတင်းအချက်အလက်များမှာ ဌာနခွဲများမှပေးပို့ချက်ချည်းတော့ မဟုတ်ချေ။ နေ့စဉ်မြင်တွေ့နေရသော ပတ်ဝန်းကျင်ကလည်း မိုးလေဝသကို ခန့်မှန်းပေးတတ်၏။

စာကလေးများအမိုးကြားသို့ တိုးဝင်အသိုက်ဆောက်နေကြပြီဆိုလျှင် မိုးကြီးရွာတော့မည်ဟု ရွာတွင်နေခဲ့စဉ်က မှတ်သားရဖူးသည်။ ယခုမြို့တွင်တော့ ပုရွက်ဆိတ်များတွင်းမှထွက်၍ အိမ်နံရံများတစ်လျှောက် ဥများသယ်ကာသွားလာနေကြပါက မိုးများမည်၊ ရေကြီးမည်ဟု သိနေကြပြီ။

ဘတ်စ်ကားစီးရင်း တွေ့ရသူတို့ကလည်း သူတို့ဘာသာ မိုးလေခန့်မှန်းနိုင်ကြပါပေသည်။ သူတို့စကားများကို နားဆင်ကြည့်ပါဦး။

“စနေထောင့်မှာ မည်းနေတာပဲ၊ ညနေတော့ မိုးမိပါပြီ” “မိုးသားတွေ ပွနေတာများ ဖွေးဖွေးလှုပ်လို့။ မိုးဖြူမစဲ မိုးမည်းမရွာဆိုတဲ့အတိုင်း ဒီနေ့တစ်နေ့လုံးချတော့မှာ”

“သားချေ... ကြားလား၊ ရေဆုတ်သွားပြီဆို။ နင့်အဖေကို လှေမဆင်းခိုင်းနဲ့ဦးနော်။ အေး…အေး… ကုန်းပေါ်တက်နေကြ... ကြားလား” ဤသို့သော ဘာသာဘာဝခန့်မှန်းချက်များကို နေ့စဉ်လိုလို ကြားနေရတတ်၍ သူပြုံးမိသည်။ တိရစ္ဆာန်များလောက် အားမကောင်းသော်ငြားလူတို့တွင်လည်း မိုးလေဝသကို ကြိုတင်အာရုံခံနိုင်သော အသိရှိကြပေ၏။ တစ်ခါတစ်ရံ ခရီးသည်များသည် သူတို့ဌာနမှ ထုတ်ပြန်ချက်များအပေါ် ဆွေးနွေးပြောဆို အသိပေးကြသည်လည်းရှိ၏။

“ဟဲ့... နင် ကြားပြီးပြီလား။ ၂၁ ရက်ကနေ ၂၅ ရက်အထိ မုန်တိုင်းရှိတယ်တဲ့” “အင်း... ကြားတယ်၊ တို့ဆီက အဖျားခတ်ရုံပါ။ ရခိုင်နဲ့ ဧရာဝတီဘက် ဝင်မယ်ပြောတာပဲ” “အတွင်းထဲထိ မဝင်လောက်ပါဘူး။ အနောက်မြောက်ဘက်ကို ရွေ့လျားနေတာဆိုတော့။ မိုးတော့ များဦးမှာပဲနော်” “တို့ရွာတွေ မိုးမျှော်နေတာ တစ်ပေါက်တောင်မကျသေးဘူး။ မုန်တိုင်းရှိမှပဲ သီးနှံတွေ မပစ်ရမှာ” ဟုတ်ပေ၏။ မြန်မာနိုင်ငံမှ တောင်သူအများစုသည် မိုးနှင့်အလုပ်လုပ်ကြရသည်။ မိုးရာသီကိုချိန်၍ သီးနှံစိုက်ပျိုးကြ၏။ ရွာသင့်ချိန်မရွာလျှင် သောကရောက်ကြရသလို အလွန်အကျွံမိုးကြီးလျှင်လည်း စိုက်ခင်းများရေမြုပ်သွားတတ်ပြန်၏။ သူတို့အဖို့မိုးလေဝသသတင်းသည် အခြားသောပြည်သူများထက် အပြောများသော၊ စိတ်ဝင်စားစရာကောင်းသော အကြောင်းအရာမျိုးဖြစ်လေသည်။

သူတို့သာလော၊ မဟုတ်ပါ။ ရေလုပ်ငန်းနှင့် အသက်မွေးကြသည့် တံငါ၊ ငါးဖမ်းလှေ၊ လှေသမား၊ သင်္ဘောသားတို့သည်လည်း မိုးလေဝသသတင်းကို မပြတ်နားစိုက်နေကြရသည်သာ။ သူတို့အတွက်ပို၍ပင် အရေးကြီးသေးသည်။ မြစ်ရေကြီးမည်၊ ရေနည်းမည်၊ ပင်လယ်ပြင်၌ လှိုင်းထန်မည် သို့မဟုတ် မုန်တိုင်းရှိသည်ဟူသော သတင်းများသည် အသက်နှင့်အမျှ အဖိုးတန်သည် မဟုတ်ပါလား။

ထို့ကြောင့် မိုးလေဝသနှင့်ဇလဗေဒဝန်ထမ်းများအဖို့ အချိန်မှန်သတင်းမှန်ထုတ်ပြန်နိုင်ရန် လိုအပ်သလို ထူးခြားသတင်းများကိုလည်း တိကျသည်ထက် တိကျအောင် ခန့်မှန်းနိုင်ရန် အရေးကြီး၏။ သဘာဝဘေးနှင့်ဆိုင်သောအခါ သူတို့ပို၍ ဝါယမစိုက်ကြရသည်။ လူ့အသက်ပေါင်းများစွာကိုကယ်တင်နေသည့် သူရဲကောင်းကြီးများအလား ကြိုးစားကြရလေသည်။

ရွှေ့ပြောင်းနိုင်သောပစ္စည်းကို အာမခံထား၍ ငွေချေးခြင်းဆိုင်ရာဥပဒေ(မူကြမ်း)နှင့် စပ်လျဉ်းသည့် အစည်းအဝေးကျင်းပ

နေပြည်တော် ဒီဇင်ဘာ ၁၈

ရွှေ့ပြောင်းနိုင်သောပစ္စည်းကို အာမခံထား၍ ငွေချေးခြင်းဆိုင်ရာဥပဒေ (Secured Transactions Law) အဋ္ဌမ(မူကြမ်း)နှင့်စပ်လျဉ်းသည့် အစည်းအဝေးကို ယနေ့မွန်းလွဲပိုင်းတွင် မြန်မာနိုင်ငံတော်ဗဟိုဘဏ်၌ ကျင်းပသည်။

အစည်းအဝေးတွင် မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေက မြန်မာနိုင်ငံတွင် ရွှေ့ပြောင်းနိုင်သောပစ္စည်းကို အာမခံထား၍ငွေချေးနိုင်သည့် ဥပဒေအခြေခံတစ်ရပ်ရှိစေရန်အတွက် ရွှေ့ပြောင်းနိုင်သောပစ္စည်းကို အာမခံထား၍ ငွေချေးခြင်းဆိုင်ရာဥပဒေ (Secured Transactions Law) (မူကြမ်း)ကို ပြဋ္ဌာန်းနိုင်ရန် ၂၀၁၈ ခုနှစ်မှစတင်၍ ဆောင်ရွက်ခဲ့ပါကြောင်း။

ထိုသို့ ဆောင်ရွက်ရာတွင် စီမံကိန်းနှင့်ဘဏ္ဍာရေးဝန်ကြီးဌာန၊ ဥပဒေရေးရာဝန်ကြီးဌာန၊ ပြည်ထောင်စုတရားလွှတ်တော်ချုပ်ရုံး၊ စက်မှုဝန်ကြီးဌာန၊ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ မြန်မာနိုင်ငံတော်ဗဟိုဘဏ်နှင့် မြန်မာနိုင်ငံဘဏ်များအသင်းတို့မှ အဖွဲ့ဝင်များပါဝင်သော လုပ်ငန်းအဖွဲ့နှင့် ဥပဒေအဖွဲ့တို့ကို ဖွဲ့စည်း၍ အခြားနိုင်ငံများက ကျင့်သုံးဆောင်ရွက်နေသည့်အခြေအနေများအပေါ် လေ့လာ၍ညှိနှိုင်းရေးဆွဲခဲ့ရာ ယခုအချိန်တွင် အဋ္ဌမ(မူကြမ်း)အဆင့်သို့ ရောက်ရှိခဲ့ပါကြောင်း။

မြန်မာနိုင်ငံတွင် ရွှေ့ပြောင်းနိုင်သောပစ္စည်းကို အပေါင်ထား၍ ချေးငွေထုတ်ချေးနိုင်မည့် ဈေးကွက်တစ်ရပ်ပေါ်ပေါက်လာပြီး စီးပွားရေးလုပ်ငန်းများ၊ အထူးသဖြင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ၏ ချေးငွေရရှိနိုင်မှုတိုးတက်ရေးကို အထောက်အကူပြုရန်၊ အပေါင်ပစ္စည်းများကို မှတ်ပုံတင်ထားခြင်းဖြင့် အာမခံအကျိုးခံစားခွင့်ကို ဥပဒေအရခိုင်မာမှုရှိစေရန်၊ အာမခံအကျိုးခံစားခွင့်နှင့် စပ်လျဉ်းသည့် အငြင်းပွားမှုများကို ဤဥပဒေအရ ဖြေရှင်းနိုင်ရန် ရည်ရွယ်ကြောင်း၊ ရွှေ့ပြောင်းနိုင်သောပစ္စည်းကို အာမခံထား၍ ငွေချေးခြင်းဆိုင်ရာဥပဒေ (Secured Transactions Law)ကို ပြဋ္ဌာန်းပြီးပါက အသေးစား၊ အငယ်စားနှင့်အလတ်စားစီးပွားရေးလုပ်ငန်းများ၊ ပို့ကုန်မြှင့်တင်ရေးလုပ်ငန်းများသည် ချေးငွေရရှိနိုင်မှု ပိုမိုလွယ်ကူမြန်ဆန်၍ နိုင်ငံ၏စီးပွားရေးဖွံ့ဖြိုးတိုးတက်မှုကို အထောက်အကူပြုစေမည်ဖြစ်ကြောင်း ဆွေးနွေးပြောကြားသည်။

အစည်းအဝေးသို့ မြန်မာနိုင်ငံတော်ဗဟိုဘဏ်ဒုတိယဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ငွေရေးကြေးရေးကြီးကြပ် စစ်ဆေးရေးဌာနနှင့် မြန်မာနိုင်ငံတော်ဗဟိုဘဏ်တို့မှ တာဝန်ရှိသူများ တက်ရောက်ကြသည်။

သတင်းစဉ်

https://t.me/myanmarnewspaper/159683

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ဦးနေအောင်ဝင်း အမျိုးသားစားပွဲတင်တင်းနစ် အားကစားနည်းပြ ရန်ကုန်တိုင်းဒေသကြီး ကိုယ်စားပြု

ဒီပြိုင်ပွဲဝင်ဖို့ ပြိုင်ပွဲဝင်မယ့် စားပွဲတင်တင်းနစ် ကစားသမားတွေကို လွန်ခဲ့တဲ့နှစ်လကျော် ကျော်ကတည်းက စခန်းသွင်းလေ့ကျင့်စေခဲ့တာဖြစ်ပါတယ်။ မနက် ၉ နာရီကနေ ည ၁၂ နာရီ အထိ လေ့ကျင့်ခဲ့တာဖြစ်ပါတယ်။ အမျိုးသားအသင်းလိုက်  နောက်ဆုံးဗိုလ်လုပွဲမှာအနိုင်ရပြီး ရွှေတံဆိပ်ဆုရခဲ့တာပါ။ အခုလိုအမျိုးသားအသင်းလိုက် စားပွဲတင်တင်းနစ် အားကစားနည်းနဲ့ ရွှေတံဆိပ်ဆုရဖို့အတွက် ကလေးတွေကို တစ်ပတ်မှာ ငါးရက်နေ့ည လေ့ကျင့်ပြင်ဆင်ခဲ့ရတာ ဖြစ်ပါတယ်။ စားပွဲတင်တင်းနစ်ကတော့ စိတ်တည်ငြိမ်မှုနဲ့ အရည်အချင်းပိုင်းကို ဦးစားပေးတဲ့ကစားနည်းဖြစ်ပါတယ်။ အခုအားကစားပွဲတော်မှာ စားပွဲတင်တင်းနစ် အားကစားကို ထည့်သွင်းကျင်းပပေးတဲ့အတွက်လည်း ကျေးဇူးတင်ပါတယ်။

မောင်လူမင်းမောင် ဝူရှူး(ထောက်လု)ပြိုင်ပွဲဝင် မွန်ပြည်နယ်ကိုယ်စားပြု

အခုကျင်းပနေတဲ့ ပဉ္စမအကြိမ် အမျိုးသားအားကစားပွဲတော်ကြီးမှာ ဝင်ရောက်ယှဉ်ပြိုင်နိုင်ဖို့ သုံးလနီးပါး စခန်းသွင်းလေ့ကျင့်ခဲ့တာဖြစ်ပါတယ်။  ဒီဝူရှူးအားကစားကို စတင်လေ့လာလေ့ကျင့်ခဲ့တာကတော့ ၂၀၁၈ ခုနှစ်ကတည်းကဖြစ်ပါတယ်။ လက်ရှိကျွန်တော့် အသက်က ၁၅ နှစ်ပဲရှိပါသေးတယ်။ အမျိုးသားအလွတ်တန်း ဝူရှူး(ထောက်လု)ပြိုင်ပွဲဆိုတော့ ကိုယ့်ထက်အသက်အရွယ်ကြီး တဲ့ကစားသမားတွေနဲ့ ယှဉ်ပြိုင်ရတာဖြစ်တဲ့အတွက် ပြိုင်ဘက်ကစားသမားတွေထက်တော့ ပိုပြီး ကြိုးစားယှဉ်ပြိုင်ရတာဖြစ်ပါတယ်။ ပြိုင်ဘက်ကစားသမားတွေဆိုပေမယ့် သူတို့ရဲ့ကစားနည်း ကစားဟန်တွေကိုလည်းသိရတယ်။ အတွေ့အကြုံတွေလည်း အများကြီးရပါတယ်။ အခုလိုပြိုင်ပွဲတွေကျင်းပပေးတဲ့ တာဝန်ရှိသူတွေကိုလည်းကျေးဇူးတင်ပါတယ်။ ပြိုင်ပွဲတွေရှိနေမယ်ဆိုရင်တော့ ကျွန်တော့်အနေနဲ့ ဆက်လက်ယှဉ်ပြိုင်သွားဦးမှာ ဖြစ်ပါတယ်။

မောင်ထက်ကိုကိုဇော် အမျိုးသားဘော်လီဘောပြိုင်ပွဲဝင် ကာကွယ်ရေးဝန်ကြီးဌာန ကိုယ်စားပြု

ဒီပြိုင်ပွဲအတွက် အများကြီးလေ့ကျင့်ပြင်ဆင်ခဲ့တာဖြစ်ပါတယ်။ အရင်ကလည်း ကျွန်တော့်အနေနဲ့ ပြိုင်ပွဲတွေဝင်ရောက် ယှဉ်ပြိုင်ခဲ့ဖူးပါတယ်။ တပ်တွင်းပြိုင်ပွဲတွေကတော့ မကြာမကြာယှဉ်ပြိုင်ရတာပါ။ အခုလို နိုင်ငံတော်အဆင့်ကျင်းပတဲ့ အမျိုးသားအားကစားပွဲတော်ကြီးမှာ ပါဝင်ယှဉ်ပြိုင်ခွင့်ရတာ အင်မတန်ဂုဏ်ယူရပါတယ်။ တပ်တွင်းပြိုင် ပွဲတွေယှဉ်ပြိုင်ရတာနဲ့ဝန်ကြီး ဌာနပေါင်းစုံယှဉ်ပြိုင်ရတာ ကွာခြားချက်လေးတွေတော့ရှိပါတယ်။ ဘာပဲဖြစ်ဖြစ်အခုအားကစားပွဲတော်မှာ ကျွန်တော်တို့ ကာကွယ်ရေးဝန်ကြီးဌာနအနေနဲ့ တတိယဆုရဖို့အတွက် ပြိုင်ဘက်အသင်းကို အကြိတ်အနယ်ကစားပြီး ကြေးတံဆပ်ဆုနဲ့ပဲ‌ ကျေနပ်ခဲ့ရပေမယ့် ဌာနအတွက်ဆုတစ်ခုရယူနိုင်ခဲ့လို့ ဝမ်းသာဂုဏ်ယူမိပါတယ်။ ဒီပြိုင်ပွဲကနေ ကစားသမားကောင်းတွေ ထွက်ပေါ်လာမှာဖြစ်လို့ ပြိုင်ပွဲတွေများများ ကျင်းပပေးရင် ပိုကောင်းပါတယ်။

ဦးသန်းဝင်း မြန်မာ့ရိုးရာခြင်းလုံး အားကစားအသင်းနည်းပြ မန္တလေးတိုင်းဒေသကြီး ကိုယ်စားပြု

မန္တလေး တိုင်း‌ဒေသကြီး ကိုယ်စားပြု အမျိုးသမီးရိုးရာခြင်းလုံးအသင်းအနေနဲ့ ပြီးခဲ့တဲ့တိုင်းဒေသကြီးနဲ့ ပြည်နယ်ပွဲမှာ ရွှေတံဆိပ်ဆုရခဲ့ပါတယ်။ ၂၀၂၂ ခုနှစ်တုန်းကလည်း ရွှေတံဆိပ်ဆုရခဲ့ပါတယ်။ အခုဆို မန္တလေး အမျိုးသမီးအသင်းဟာ သုံးနှစ်ဆက် ရွှေတံဆိပ်ဆုရခဲ့တာပဲဖြစ်ပါတယ်။ အခုပြိုင်ပွဲဝင်ဖို့ ကစားသမားတွေကို မိုးလုံလေလုံအားကစားကွင်းမှာ နှစ်လကျော်ကျော် လေ့ကျင့်ခဲ့တာဖြစ်ပါတယ်။ ကျွန်တော်တို့ နည်းပြတွေလည်း အနီးကပ်ကြီးကြပ်ပြီး လိုအပ်တာတွေကို သင်ကြားပေးခဲ့တာဖြစ် ပါတယ်။ အဲဒီလိုသင်ပေးခဲ့လို့လည်း အခုလိုရွှေတံဆိပ်ဆုရခဲ့တာပါ။ မန္တလေးအမျိုးသမီးအသင်းအနေနဲ့ အမှတ်ကလည်း ၉၀၊ ၁၀၀၊ ၁၂၀ လောက်ထိပြတ်အောင် ကစားနိုင်ခဲ့ပါတယ်။ ဒီပြိုင်ပွဲဝင်ဖို့ အမျိုးသမီးအသင်းက ဒိုင်၊ အုပ်ချုပ်သူ၊ နည်းပြအပါအဝင် ၁၁ ဦး၊ အမျိုးသားကလည်း ၁၁ ဦးပါဝင်ပါတယ်။ နှစ်လလုံး ပြင်ဆင်မှုတွေရော၊ လေ့ကျင့်မှုတွေရော တစိုက်မတ်မတ်ပြုလုပ်ခဲ့လို့သာ အောင်မြင်မှုရခဲ့တာပါ။ ကျွန်တော့်အနေနဲ့ မန္တလေးမှာကတည်းက ပြိုင်ဘက်ကို အမှတ် ၇၀ အကျောပေးလို့ရတဲ့ အနေအထားမို့ ဘာမှစိတ်မပူဖို့လည်း အားပေးထားပါတယ်။ အခုလည်း အမှတ် ၁၀၀ လောက်ထိဖြတ်ပြီး အနိုင်ရရှိခဲ့တာဖြစ်ပါတယ်။ ။

တွေ့ဆုံမေးမြန်းနှင့် ဓာတ်ပုံ
အလင်းသစ်၊ လင်းရာမ

https://t.me/myanmarnewspaper/159680

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

အားကစားဆိုတာက ပြိုင်ပွဲတွေရှိနေမှ ဖွံ့ဖြိုးတိုးတက်တာဆိုတော့ ပြိုင်ပွဲတွေကို ပုံမှန်ကျင်း‌ပပေးစေလိုပါတယ်။ အဲဒါမှကစားသမားကောင်းတွေ ပေါ်ထွက်လာမှာဖြစ်ပါတယ် (ဦးနိုင်ကျော်ဟိန်း)

၂၀၂၄ ခုနှစ် ပဉ္ဓမအကြိမ် အမျိုးသားအားကစားပွဲ‌တော်ကို ပြည်ထောင်စုနယ်မြေ နေပြည်တော်အတွင်းရှိ သတ်မှတ်နေရာအသီးသီးတွင် ဆက်လက်ကျင်းပလျက်ရှိရာ သက်ဆိုင်ရာအားကစားနည်းအလိုက် တာဝန်ရှိသူများနှင့် ပါဝင်ယှဉ်ပြိုင်ကြသူများအား တွေ့ဆုံမေးမြန်းထားသည်များကို ပြန်လည်ဖော်ပြလိုက်ပါသည်-

ဦးနိုင်ကျော်ဟိန်း ကရာတေးအားကစားနည်းပြ ကချင်ပြည်နယ်ကိုယ်စားပြု

ဒီပြိုင်ပွဲဝင်ဖို့ ကရာတေးအားကစားသမားတွေကို ကချင်ပြည်နယ်မှာ ခြောက်လလောက် လေ့ကျင့်ခဲ့တာဖြစ်ပါတယ်။ ကရာတေးပြိုင်ပွဲမှာ ကချင်ပြည်နယ်က ခတရောကုမိတဲ့ပါ နှစ်မျိုးစလုံး ပါဝင်ယှဉ်ပြိုင်ခဲ့တာမှာ ရွှေတစ်ခု၊ ကြေးနှစ်ခုရရှိခဲ့ပါတယ်။ အခုရွှေရတာကတော့ ကုမိတဲ့ ၅၀ ကီလို အောက်ပြိုင်ပွဲမှာရရှိခဲ့တာပါ။ ပြိုင်ပွဲဝင်ကစားသမားကတော့ အားလုံး ၁၀ ယောက်ပါလာပါတယ်။ အမျိုးသားငါးယောက်၊ အမျိုးသမီးငါးယောက်ဖြစ်ပါတယ်။ အားကစားဆိုတာကပြိုင်ပွဲတွေရှိနေမှ ဖွံ့ဖြိုးတိုးတက်တာဆိုတော့ ပြိုင်ပွဲတွေကို ပုံမှန်ကျင်း‌ပပေးစေလိုပါတယ်။ အဲဒါမှ ကစားသမားကောင်းတွေ ပေါ်ထွက်လာမှာဖြစ်ပါတယ်။

မောင်မင်းနိုင်ငြိမ်း ကရာတေးအားကစားပြိုင်ပွဲဝင် ရှမ်းပြည်နယ်ကိုယ်စားပြု

ကျွန်တော်က ကရာတေးပြိုင်ပွဲရဲ့ အမျိုးသားတစ်ဦးချင်း ခတပြိုင်ပွဲမှာ ရွှေတံဆိပ်ဆုရခဲ့တာ ဖြစ်ပါတယ်။ အခုလိုဆုရအောင်တောင်ကြီးမှာ တစ်လကျော်ကျော် နှစ်လလောက် မနက်ညအပြင်းအထန် စခန်းသွင်းလေ့ကျင့်ပြီး ဒီပြိုင်ပွဲကြီးကို လာရောက်ယှဉ်ပြိုင်ခဲ့တာဖြစ်ပါတယ်။ ကရာတေးအားကစားကို ရှစ်နှစ်ကိုးနှစ်အရွယ်ကတည်းက နွေရာသီသင်တန်းတွေတက်ပြီး လေ့လာသင်ယူခဲ့တာဖြစ်ပါတယ်။ အဲဒီအချိန် ကတည်းကလေ့လာဖြစ်ခဲ့တာပါ။ ကျွန်တော် ၂၀၁၈ ခုနှစ်မှာ Thailand Open ကရာတေး ချန်ပီယံရှစ်ပြိုင်ပွဲမှာ ဝင်ရောက်ယှဉ်ပြိုင်ခဲ့ဖူးပါတယ်။ အဲဒီပြိုင်ပွဲမှာ မြန်မာနိုင်ငံကိုယ်စားပြုအသင်းလိုက် ခတကစားသမားအနေနဲ့ ကြေးတံဆိပ်ဆုရရှိခဲ့ပါတယ်။ ကျွန်တော်တို့ကရာတေးက ပြိုင်ပွဲမကျင်းပတာ ကိုဗစ်ပြီးကတည်းကဆိုတော့ တော်တော်အလှမ်းကွာနေပြီ။ အခုလိုပြန်လည်ကျင်းပပေးတာ အလွန်အားရကျေနပ်ပါတယ်။ တိုင်းဒေသကြီးနဲ့ ပြည်နယ်ပြိုင်ပွဲတွေမှာလည်း ဝင်ရောက်ယှဉ်ပြိုင်ဖြစ်ပါတယ်။ ဆုတံဆိပ်တွေလည်း ရခဲ့ဖူးပါတယ်။

ကိုထက်ဝေယံထွန်း ဘိလိယက်နှင့်စနူကာ အားကစားပြိုင်ပွဲဝင် ရှမ်းပြည်နယ်ကိုယ်စားပြု

ကျွန်တော်တို့က ၁၅ လုံးနှစ်ယောက်တွဲပြိုင်ပွဲမှာဝင်ပြိုင်ပြီး ရှမ်းပြည်နယ် ကိုယ်စားပြုရွှေတံဆိပ်ဆု ရခဲ့တာဖြစ်ပါတယ်။ အခုလိုရွှေတံဆိပ်ဆုရတော့ အလွန်ဝမ်းသာပါတယ်။ ကျွန်တော်တစ်ယောက်တည်းကောင်းလို့မဟုတ်ပါဘူး။ ကျွန်တော်တို့နှစ်ယောက် တိုင်တိုင်ပင်ပင်နဲ့ စည်းစည်းလုံးလုံးလုပ်ခဲ့လို့ အောင်မြင်မှုရခဲ့တာဖြစ်ပါတယ်။ ပြိုင်ဘက်ကစားသမားတွေက တော်တော်လေးကောင်းတယ်။ အတွေ့အကြုံရှိတဲ့ကစားသမားတွေနဲ့ထိုးရတော့ ပညာရပါတယ်။ ပြိုင်ပွဲမလာခင်ကတောင်ကြီးမှာ ဘိလိယက်နှင့်စနူကာအဖွဲ့ချုပ်က သေချာသင်ကြားပေးတယ်။ ဒီပြိုင်ပွဲအတွက် လေ့ကျင့်ရတာကတော့ သုံးလလောက်ဖြစ်ပါတယ်။ အခုပြိုင်ပွဲက ကျွန်တော့်ရဲ့ပထမဆုံးပွဲဖြစ်ပါတယ်။ ပထမဆုံးပွဲမှာ ရွှေရခဲ့တာပါ။ ကစားသမားကောင်းတစ်ဦး ဖြစ်လာဖို့ကတော့ အရေးကြီးဆုံးက လေ့ကျင့်မှုဖြစ်ပါတယ်။  လေ့ကျင့်မှုရှိရမယ်။ ကိုယ့်ကိုယ်ကိုယ်ယုံကြည်မှုရှိရမယ်။ ပြိုင်ဘက်ကိုလုံးဝအထင်သေးလို့မရဘူး။ ပြိုင်ပွဲမှာ အကျပ်အတည်းကနေ ကိုယ်ဘယ်လိုရုန်းထွက်ရမလဲဆိုတာ အရေးကြီးတယ်။ ဒီပုံစံအတိုင်းဆက်လက်ကျင်းပပေးမယ်ဆိုရင် နောင်တစ်ချိန်မှာ မျိုးဆက်သစ်ကစားသမားတွေအတွက် အခွင့်အလမ်းတွေအများကြီးရမှာဖြစ်ပါတယ်။

ကိုပြည့်ဖြိုးမောင် အမျိုးသားဖူဆယ် အားကစားနည်းပြ ပို့ဆောင်ရေးနှင့်ဆက်သွယ်ရေးဝန်ကြီးဌာနကိုယ်စားပြု

အခုလိုပြိုင်ပွဲဝင်နိုင်ဖို့ ကစားသမားတွေကို နှစ်လခွဲသုံးလလောက် စခန်းသွင်းလေ့ကျင့်ပေးခဲ့တာဖြစ်ပါတယ်။ ပထမတော့ဒီပြိုင်ပွဲအတွက် ကစားသမား ၁၈ ယောက်ရွေးခဲ့ပြီး နောက်တော့ ၁၄ ယောက်နဲ့ ယှဉ်ပြိုင်ခဲ့တာဖြစ်ပါတယ်။ ပြိုင်ပွဲမဝင်ခင်ကတည်းက ကစားသမားတွေရဲ့ ကြံ့ခိုင်မှုတွေ၊ ကစားကွက်တွေ၊ စည်းလုံးမှုတွေ အများကြီးပေါင်းစပ်ပြီးလေ့ကျင့်ခဲ့တာဖြစ်ပါတယ်။ နောက်ဆုံးဗိုလ်လုပွဲအဆင့်အထိ ရောက်အောင် စွမ်းဆောင်ပေးခဲ့တဲ့ကစားသမားတွေကိုလည်း ကျေးဇူးအများကြီးတင်ပါတယ်။ တစ်ဖက်အသင်းကလည်း ကောင်းကောင်းပြင်ဆင်လာတဲ့အသင်းဖြစ်တာကြောင့် အနိုင်ရဖို့ တော်တော်လေးတော့ ကြိုးစားရုန်းကန်ခဲ့ရပါတယ်။ ကျွန်တော်တို့အသင်းမှာ ရန်ကုန်နဲ့ မန္တ‌လေးတို့က ကစားသမားတွေနဲ့စုဖွဲ့ပြီး လာပြိုင်တာဖြစ်ပါတယ်။ ပြည်နယ်နဲ့တိုင်းဒေသကြီးပွဲတွေ၊ ဝန်ကြီးဌာနပွဲတွေ လုပ်ပေးတဲ့အတွက် ကစားသမားတွေလည်း ပြိုင်ပွဲဝင်အတွေ့အကြုံတွေ အများကြီးရပါတယ်။ ပွဲများများကစားရတဲ့အတွက် လူငယ်ကစားသမားတွေလည်း အများ‌ကြီးပေါ်ထွက်လာမယ်လို့ ယုံကြည်ပါတယ်။

ပြည်ပပို့ကုန် စိုက်ပျိုးရေး၊ မွေးမြူရေးထွက်ကုန်များ နှစ်ဆတိုးတင်ပို့နိုင်ရေး ကွင်းဆင်းဆောင်ရွက်

နေပြည်တော် ဒီဇင်ဘာ ၁၈

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ ပြည်ပပို့ကုန် စိုက်ပျိုးရေး၊ မွေးမြူရေးထွက်ကုန်များ နှစ်ဆတိုးတင်ပို့နိုင်ရေးအတွက် ဆောင်ရွက်လျက်ရှိရာ ဒုတိယဝန်ကြီး ဒေါက်တာအောင်ကြီးသည် ယနေ့နံနက်ပိုင်းတွင် နေပြည်တော် ဒက္ခိဏသီရိမြို့နယ် စက်မှုဇုန်ရှိ Dakhina Meat Export Company Limited သို့ရောက်ရှိပြီး ပြည်တွင်းဖြန့်ဖြူးနေမှုနှင့် ပြည်ပသို့တင်ပို့မှုအခြေအနေများကို ကြည့်ရှုသည်။

လိုက်လံကြည့်ရှု

ကြည့်ရှုစဉ် Dakhina Meat Export Company Limited တာဝန်ခံက အသားပိုင်းဖြတ်ခြင်း၊ အသားပြုတ်ခြင်း၊ အေးခဲခြင်း၊ ထုပ်ပိုးခြင်းလုပ်ငန်းအဆင့် ဆင့်ကိုတင်ပြရာ ဒုတိယဝန်ကြီးက အသားထုတ်လုပ်မှု ကဏ္ဍတန်ဖိုးတိုးတက်ရေးသည် ပုဂ္ဂလိကကဏ္ဍ၏ ဖွံ့ဖြိုးတိုးတက်မှုအပေါ် များစွာတည်မှီနေသဖြင့် ဌာနနှင့် ပုဂ္ဂလိကများအကြား ဟန်ချက်ညီပူးပေါင်းဆောင်ရွက်ရန် လိုအပ်ချက်များ၊ ပတ်ဝန်းကျင်သန့်ရှင်းရေး၊ သဘာဝပတ်ဝန်းကျင်ထိခိုက်မှုမရှိစေရေး၊ လုပ်ငန်းခွင်ဆောင်ရွက်သူများ ကူးစက်ရောဂါကင်းစင်ရေး၊ တစ်ကိုယ်ရေသန့်ရှင်းရေး အလေးထားဆောင်ရွက်ရန် လိုအပ်ချက်များ၊ မွေးမြူရေးထွက်ကုန်များ ပြည်တွင်းစားသုံးမှု ဖူလုံမှုရှိစေရန်နှင့် ပြည်ပတင်ပို့မှုတိုးမြှင့်နိုင်ရေးနှင့် ထုတ်ကုန်အရည်အသွေးမြင့်မားရေး ကြိုးပမ်းဆောင်ရွက်ကြရန် မှာကြားပြီး စက်ရုံအတွင်း လိုက်လံကြည့်ရှုသည်။

ဆွေးနွေးမှာကြား

ထို့နောက် မြန်မာရွှေသစ်သီးဝလံ ကုမ္ပဏီလီမိတက်သို့ရောက်ရှိရာ တာဝန်ခံက စိုက်ပျိုးရေးထွက်ကုန်သစ်သီးဝလံများအား အဆင့်မြင့်စားသောက်ကုန်များအဖြစ် သစ်သီးခြောက်၊ ယိုမျိုးစုံ၊ စည်သွတ်ဘူးနှင့် ဝါးမှထွက်သည့် ကုန်ချောထုတ်လုပ်မှုများ၊ ပြည်တွင်းဈေးကွက် ဖြန့်ဖြူးမှုနှင့် ပြည်ပသို့ တင်ပို့နိုင်မှုအခြေအနေများကို ရှင်းလင်းတင်ပြရာ ဒုတိယဝန်ကြီးက စားသုံးသူဘေးကင်းလုံခြုံရေးနှင့် ပြည်ပတင်ပို့ရာတွင် လိုက်နာရမည့်စံချိန်စံညွှန်းများကို လုပ်ငန်းရှင်များဘက်က တိကျစွာလိုက်နာ ဆောင်ရွက်ကြရန် လိုအပ်ချက်များကို ဆွေးနွေးမှာကြားခဲ့ကြောင်း သိရသည်။

သတင်းစဉ်

https://t.me/myanmarnewspaper/159672

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ခေါင်းဆောင်သည့် မြန်မာကိုယ်စားလှယ်အဖွဲ့ ထိုင်းနိုင်ငံသို့ထွက်ခွာ

နေပြည်တော် ဒီဇင်ဘာ ၁၈

ထိုင်းနိုင်ငံနိုင်ငံခြားရေးဝန်ကြီး မစ္စတာမာရစ်ဆတ်ငီရမ်ဖုန် ၏ဖိတ်ကြားချက်အရ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေခေါင်းဆောင်သည့် မြန်မာကိုယ်စားလှယ်အဖွဲ့သည် ထိုင်းနိုင်ငံဗန်ကောက်မြို့၌ ဒီဇင်ဘာ ၁၉ ရက်တွင်ကျင်းပမည့် မြန်မာနိုင်ငံနှင့် အိမ်နီးချင်းနိုင်ငံများဖြစ်သည့် ဘင်္ဂလားဒေ့ရှ်၊  တရုတ်၊ အိန္ဒိယ၊ လာအိုနှင့် ထိုင်းနိုင်ငံတို့မှ နိုင်ငံခြားရေးဝန်ကြီးများ၏ အလွတ်သဘောညှိနှိုင်းဆွေးနွေးပွဲသို့ တက်ရောက်ရန် ယနေ့နံနက်ပိုင်းတွင် မန္တလေးအပြည်ပြည်ဆိုင်ရာလေဆိပ်မှ ထိုင်းနိုင်ငံသို့ ထွက်ခွာသွားကြောင်း သိရသည်။

သတင်းစဉ်

https://t.me/myanmarnewspaper/159670

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ကိုပြည့်ဖြိုးမောင် (နည်းပြ၊ ပို့/ဆက် ဖူဆယ်ဘောလုံးအသင်း) ဝန်ကြီးဌာန အမျိုးသားဖူဆယ်ဘောလုံးပြိုင်ပွဲ

ကစားသမားတွေကို နှစ်လခွဲလောက် လေ့ကျင့်ခဲ့ရတယ်။ ပြိုင်ပွဲမဝင်ခင်ကတည်းက ကြံ့ခိုင်မှု၊ စည်းလုံးမှု၊ ကစားကွက်တွေကို ပေါင်းစပ်ပြီးလေ့ကျင့်ခဲ့ရတယ်။ မပြိုင်ခင်ကတည်းက ကစားသမား ၁၈ ဦး လေ့ကျင့်ခဲ့ပြီး ပြိုင်ပွဲမှာတော့ ကစားသမား ၁၄ ဦး ပါဝင်ပါတယ်။ အနိုင်ရယူနိုင်ခဲ့တဲ့အတွက် ကစားသမားတွေအားလုံးကိုလည်း ကျေးဇူးတင်တယ်။ ကွာတားဖိုင်နယ်အဆင့်ကနေ ဆီမီးဖိုင်နယ်ရောက်တဲ့အထိ အသင်းတွေအားလုံးကလည်း ပြင်ဆင်လာခဲ့တဲ့ အသင်းကောင်းတွေချည်းဖြစ်လို့ ပြိုင်ဆိုင်မှုကတော့ အကြိတ်အနယ်ပါပဲ။ ဒီနေ့ယှဉ်ပြိုင်တဲ့ တစ်ဖက်အသင်းကစားသမားတွေကလည်း လူငယ်ကစားသမားတွေ ချည်းစုဖွဲ့ထားတော့ ဒုတိယပိုင်းမှာ ကစားအားတော်တော်တက်လာတယ်။ အချိန်ပိုဒုတိယပိုင်းပွဲပြီးတဲ့အချိန်အထိ သရေကျတဲ့အတွက် ပယ်နယ်တီအဆုံးအဖြတ်နဲ့ ကျွန်တော်တို့အသင်း ဗိုလ်လုပွဲတက်နိုင်ခဲ့ပါတယ်။ ဗိုလ်လုပွဲမှာလည်းအနိုင်ရရှိအောင် အကောင်းဆုံးယှဉ်ပြိုင်သွားမှာပါ။

တွေ့ဆုံမေးမြန်း ခင်ရတနာ၊ ဇင်ဦး၊ ဟိန်းထက်ဇော်၊ မျိုးထက်ဦး
ဓာတ်ပုံ- ဟိန်းဇင်ထက်

https://t.me/myanmarnewspaper/159667

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
shorturl.at/myABQ

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ဦးတင်နု (နည်းပြချုပ်၊ မကွေးတိုင်းဒေသကြီး၊ အလေးမအဖွဲ့)

ဆရာက ၁၉၆၄ ခုနှစ်မှာ အလေးမကစားခဲ့ပြီးတော့ ၁၉၇၄ ခုနှစ်မှာ အနားယူပြီးတော့ နည်းပြလုပ်ခဲ့တာပါ။ တိုင်းအဆင့်မှာ တံခွန်စိုက်ဆုယူပြီးတော့ ပေါင်မှာအကြောထိခိုက်တာနဲ့ အနားယူလိုက်ရတာပါ။ အခုအသက် ၇၉ နှစ်၊ နည်းပြသက်တမ်းက နှစ် ၅၀ လောက်ရှိပြီ။ အခုကတော့ အလေးမအားကစားအဖွဲ့ရဲ့ နည်းပြချုပ်တာဝန်ယူထားပါတယ်။ ဒီနေ့တပည့်သန်းမျိုးထွန်းက ရွှေတံဆိပ်ဆုရယူနိုင်ခဲ့တဲ့အတွက် ဝမ်းသာတာကတော့ ပြောမပြတတ်အောင်ပါပဲ။ ၁၉၉၂ အမျိုးသားအားကစားပွဲတော်ကတည်းက ခုထိတောက်လျှောက်နည်းပြလုပ်ခဲ့တာ ၂၀၂၁ ကနေ ၂၀၂၃ ခုနှစ်အထိ ပြည်နယ်နဲ့ တိုင်းဒေသကြီးအဆင့် အလေးမတံခွန်စိုက်ဆုဖလား သုံးနှစ်ဆက်တိုက်ယူပေးထားပါတယ်။ အခုလိုမျိုး ပြည်နယ်နဲ့ တိုင်းဒေသကြီးပွဲတွေ၊ အမျိုးသားအားကစားပွဲတွေ၊ အခြားအားကစားပွဲတော်တွေ အများကြီးလုပ်ပေးတာ ကျေးဇူးတင်တယ်။ အခုခေတ်က နည်းစနစ်ပိုင်းကအစ တိုးတက်မှုတွေများတယ်။ ဒါပေမယ့် တကယ့်အားကစားသမားတွေကြားမှာ အားကစားစိတ်ဓာတ်ထားပုံကျကွာတယ်။ ဒါကြောင့် ခုမျိုးဆက်သစ်ကလေးတွေကိုမှာချင်တာက ကစားဖော်တွေအားလုံးကြားမှာ ပြိုင်ဘက်လို သဘောမထားဘဲ ညီအစ်ကိုတွေလိုပဲ တစ်ယောက်နဲ့တစ်ယောက် ချစ်ချစ်ခင်ခင်နေစေချင်တယ်။ အဓိကကတော့အလေးမမှာ ကိုယ်မနေကျစံချိန်ကိုရရင်မရှုံးဘူး။ ကိုယ်ပြိုင်ပွဲမှာ ဆုမရရင်တောင် ကိုယ်ရထားတဲ့စံချိန်ကို ပြန်ရရင် ကိုယ့်အတွက်ကမရှုံးဘူး။ ဒါကြောင့် ကိုယ်ရထားပြီးသား စံချိန်ကိုထိန်းထားနိုင်ရင် ဘယ်တော့မှမရှုံးဘူး။ အလေးမကစားသမားကောင်းဖြစ်ဖို့ဆို နည်းပြဆရာလိုတယ်၊ အအိပ်၊ အစား၊ အနေအထိုင်စနစ်တကျနဲ့ စံချိန်ကိုထိန်းပြီး အချိန်မှန်မှန်လေ့ကျင့်ရင် ကစားသမားကောင်းဖြစ်မှာပါ။

ဦးသန်းဝင်း (နည်းပြ၊ မန္တလေးရိုးရာခြင်း အမျိုးသမီးအသင်း) ရိုးရာခြင်းလုံးခတ်ပြိုင်ပွဲ

ကျွန်တော်တို့ မန္တလေးတိုင်းဒေသကြီးအသင်းက အမျိုးသမီးရိုးရာခြင်းပြိုင်ပွဲမှာ ပထမရတယ်။ ပြည်နယ်နဲ့တိုင်းဒေသကြီး ပြိုင်ပွဲတွေမှာ အခုနှစ်ဗိုလ်စွဲတာနဲ့ဆိုရင် သုံးနှစ်တိတိရွှေရခဲ့ပါပြီ။ ရရှိတဲ့ပထမဆုနဲ့ ထိုက်တန်အောင် အများကြီးလေ့ကျင့်ခဲ့ရပါတယ်။ ကလေးတွေကို ဗထူးမိုးလုံလေလုံကွင်းမှာ နှစ်လတိတိ ကန့်ဝင်ပြီး အပြင်းအထန်လေ့ကျင့်ပေးတယ်။ အခြားအသင်းတွေနဲ့ အမှတ် ၉၀-၁၀၀ အထိပြတ်ခဲ့တယ်။ မနေ့ကပွဲမှာဆိုရင် အမှတ် ၁၂၀ လောက်အထိ အပြတ်အသတ်ကစားနိုင်ခဲ့တယ်။ အခုလို ဆုရတာက ကျွန်တော်တို့ တိုင်းရဲ့တာဝန်ရှိသူတွေရဲ့ ဂရုစိုက်စောင့်ရှောက်မှု၊ ပံ့ပိုးမှုတွေကြောင့်ဆိုရင်လည်း မမှားပါဘူး။ အခုလို ရွှေသုံးနှစ်ဆက်တိုက်ဆွတ်ခူးခဲ့တာကို အားရကျေနပ်မှုရှိပါတယ်။

ဦးတင့်ဝေ (လက်ထောက်ညွှန်ကြားရေးမှူး) အုပ်ချုပ်သူ၊ အားကစားနှင့်လူငယ်ရေးရာဝန်ကြီးဌာန ဘော်လီဘောအသင်း

ဆီမီးဖိုင်နယ်ပွဲမှာ ယှဉ်ပြိုင်ခဲ့တဲ့နှစ်သင်းစလုံးက ကစားသမားကောင်းတွေပါဝင်တဲ့အတွက် ယှဉ်ပြိုင်မှု အားကောင်းတယ်။ ကျွန်တော်တို့ အား/ကာလူငယ်ရေး အသင်းအနေနဲ့လည်း ဗိုလ်လုပွဲကို တက်ရောက်နိုင်ခဲ့တဲ့အတွက် ကျေနပ်ပါတယ်။ ပြည်ထဲရေးအသင်းကလည်း တော်တော်ကောင်းတဲ့ အသင်းတစ်သင်းဖြစ်တဲ့အတွက် အကောင်းဆုံးကြိုးစား ယှဉ်ပြိုင်သွားဖို့ကစားသမားတွေကို မှာထားပါတယ်။ ဗိုလ်လုပွဲကတော့ ကြည့်ကောင်းမယ့်ပွဲတစ်ပွဲဖြစ်မှာပါ။ ကစားသမားစုဖွဲ့မှုတော့ ကျွန်တော်တို့အသင်းမှာ လက်ရွေးစင်ကစားသမားဟောင်းတွေနဲ့ ပြည်နယ်နဲ့တိုင်းဒေသကြီးတွေမှာ ဆုတံဆိပ်တွေရရှိထားတဲ့ ကစားသမားတွေနဲ့ စုဖွဲ့ထားတာဖြစ်တယ်။ ဒီနှစ်ကျင်းပတဲ့ အားကစားပွဲတော်ကြီးက တော်တော်အားရစရာပါ။ တခြားကစားနည်းတွေမှာ ဆီးဂိမ်းစံချိန်တွေကိုတောင် ချိုးတယ်လို့ သိရတဲ့အတွက် ဝမ်းသာတယ်။ ဘော်လီဘောပြိုင်ပွဲတွေမှာဆို ခုလိုပွဲကောင်းတွေမမြင်ရတာ၊ မကြည့်ရတာကြာပြီ။ ခုပြိုင်ပွဲတွေမှာတော့ လူငယ်ကစားသမားတွေရဲ့ တိုးတက်မှုကိုမြင်ရတဲ့အတွက် မြန်မာ့အားကစား လောကပြန်လည်တိုးတက်လာဖို့ မျှော်မှန်းပါတယ်။

မြတ်ကျော်ထွန်း (ဘော်လီဘောနည်းပြ၊ ပြည်ထဲရေးအသင်း) ယာဉ်ထိန်းရဲ တပ်ကြပ်ကြီး

ကျွန်တော်တို့အသင်းအနေနဲ့ ဗိုလ်လုပွဲကို တက်ရောက်ခွင့်ရရှိခဲ့တဲ့အတွက် ဒီအဆင့်ထိ ကြိုးစားယှဉ်ပြိုင်ကစားခဲ့ကြတဲ့ ကစားသမားတွေအတွက် ဂုဏ်ယူပါတယ်။ ဗိုလ်လုပွဲမှာလည်း ပြည်ထဲရေးဝန်ကြီးဌာန ဂုဏ်ဆောင်နိုင်အောင် အကောင်းဆုံးယှဉ်ပြိုင်ကစားဖို့ရှိပါတယ်။ ဒီနှစ်မှာပြန်လည်ကျင်းပတဲ့ အမျိုးသားအားကစားပွဲတော်ကြီးက ပံ့ပိုးမှုရော၊ စည်းလုံးမှုရောအလွန်ကောင်းတယ်။ ဒီပြိုင်ပွဲတွေကနေ ရွေးချယ်ခံရတဲ့ ကစားသမားတွေအနေနဲ့ နိုင်ငံတကာပြိုင်ပွဲတွေမှာ ဝင်ရောက်ယှဉ်ပြိုင်ဖို့ အစီအစဉ်ရှိတယ်လို့ သိရတယ်။ ကစားသမားတွေအတွက်လည်း ကြိုးစားရကျိုးနပ်တဲ့ အားကစားပွဲတော်ကြီး ဖြစ်ပါတယ်။

ပြိုင်ပွဲတွေမှာ လူငယ်ကစားသမားတွေရဲ့ တိုးတက်မှုကို မြင်ရတဲ့အတွက် မြန်မာ့အားကစားလောက ပြန်လည်တိုးတက်လာဖို့ မျှော်မှန်းပါတယ် (ဦးတင့်ဝေ(လက်ထောက်ညွှန်ကြားရေးမှူး))

နေပြည်တော် ဒီဇင်ဘာ ၁၈

ပဉ္စမအကြိမ် အမျိုးသားအားကစားပွဲတော်ကြီး ဆက်လက်ကျင်းပလျက်ရှိရာ ပြိုင်ပွဲအသီးသီးမှ အားကစားသမားများ၊ ကြီးကြပ်သူများ၊ နည်းပြများနှင့် တွေ့ဆုံမေးမြန်းဖြစ်ခဲ့သည်မှ အချို့အားကောက်နုတ်ဖော်ပြလိုက်ရပါသည်။

မစာဥ(မန္တလေးတိုင်းဒေသကြီး) ရွှေတံဆိပ်ဆုရ အသင်းခေါင်းဆောင် (ရိုးရာခြင်းလုံးခတ်ပြိုင်ပွဲ)

ကျွန်မတို့မန္တလေးတိုင်းဒေသကြီးက တတိယမြောက်ရွှေဆုကို သိမ်းပိုက်လိုက်နိုင်ပါပြီ။ ဒါကကျွန်မတစ်ယောက်တည်း ကောင်းလို့ရတဲ့ဆုမဟုတ်ပါဘူး။ ကျွန်မတို့တစ်ဖွဲ့လုံးရဲ့ ကြိုးစားမှုရလဒ်ဖြစ်ပါတယ်။ ကျွန်မကခြင်းလုံးကို အသက် ၁၀ နှစ်မှာ စသင်ပါတယ်။ ၁၄ နှစ်မှာ ပြည်နယ်နဲ့တိုင်းဒေသကြီးပွဲတွေ ဝင်ကစားနိုင်ခဲ့ပြီ။ အခုအချိန်မှာတော့ ခြင်းလုံးက ကျွန်မဘဝလို့ ပြောရင်တောင်မမှားတော့ဘူး။ ခြင်းလုံးနဲ့ကတစ်သားတည်းပါပဲ။ ခြင်းလုံးလောကရောက်ပြီး ပြည်နယ်၊ တိုင်းပွဲ ၂၀၀၇ ခုနှစ်မှာ အကောင်းဆုံးကစားသမားဆုရရှိခဲ့ပါတယ်။ ၂၀၁၃ ဆီးဂိမ်းမှာ မြန်မာ့လက်ရွေးစင်ဖြစ်ပြီး ရွှေဆုနှစ်ခုဆွတ်ခူးထားခဲ့တယ်။ ၂၀၂၂ ခုနှစ်မှာ ရိုးရာခြင်းအမျိုးသမီးခတ်သူ နည်းပါးလာတဲ့အတွက် ကျွန်မတို့ကို ပြည်နယ်နဲ့တိုင်းဒေသကြီးပွဲ ပြန်ကစားခွင့်ရခဲ့ပြီး အဲဒီနှစ်ကစလို့ မန္တလေးအတွက် ရွှေဆုယူလာပေးခဲ့တာ သုံးကြိမ်မြောက်ခဲ့ပြီပေါ့။ နိုင်ငံတိုင်းမှာ ရိုးရာအားကစားရှိသလို ကျွန်မတို့နိုင်ငံမှာလည်း မြန်မာ့သိုင်းနဲ့ ခြင်းလုံးရှိပြီးသားကို ထိန်းသိမ်းပါ၊ စောင့်ရှောက်ပေးပါ။ အလှခတ်တဲ့သူတွေဆိုရင်လည်း ဖိုင်ဘာခြင်းလုံးကို ဆေးဖြူသုတ်ပြီးရိုးရာခြင်းဆိုပြီး ခတ်နေကြတာ ကျွန်မကတော့ သိပ်မကြိုက်ဘူး။ ကျွန်မက တစ်ပင်တိုင် အလှပြခတ်လည်းကြိမ်ခြင်း၊ ပြိုင်ပွဲခတ်လည်း ကြိမ်ခြင်း၊ ဆီးဂိမ်းမှာလည်း ကြိမ်ခြင်းကိုပဲသုံးပါတယ်။ ဒါက ကိုယ့်ယဉ်ကျေးမှု၊ ကိုယ့်ကိုယ်ပိုင်အားကစားကို ထိန်းသိမ်းခြင်းပါပဲ။

ထက်ဝေယံထွန်း(ခ)အားဖူ (ရွှေတံဆိပ်ဆုရ ရှမ်းပြည်နယ်ပြိုင်ပွဲဝင်) စနူကာ 15 balls နှစ်ယောက်တွဲပြိုင်ပွဲ

ကျွန်တော်တို့ 15 red double မှာ ဝင်ရောက်ယှဉ်ပြိုင်ပြီး ရွှေတံဆိပ်ဆုရယူနိုင်ခဲ့ပါတယ်။ ဒီနေ့ပြိုင်ပွဲမှာ ကျွန်တော် တစ်ယောက်တည်း ကောင်းလို့မဟုတ်ဘဲ ကျွန်တော့်အသင်းဖော်နဲ့ တိုင်တိုင်ပင်ပင် စည်းစည်းလုံးလုံးနဲ့ ယှဉ်ပြိုင်နိုင်ခဲ့တဲ့အတွက် အနိုင်ရရှိခဲ့တာပါ။ ပြိုင်ပွဲကတော့ ပထမဆုံးပြိုင်ဖူးတဲ့ပြိုင်ပွဲပါ။ စနူကာကစားသမားကောင်းဖြစ်ဖို့ ထိပ်ဆုံးကလေ့ကျင့်မှုပြည့်ဝနေရမယ်၊ ကိုယ့်ကိုယ်ကိုယ် ယုံကြည်မှုရှိရမယ်၊ ပြိုင်ဘက် ကစားသမားတွေကတော့ ကျွန်တော်တို့ထက် အများကြီးစီနီယာကျတဲ့ ကစားသမားကောင်းတွေပါ။ ကျွန်တော်တို့လည်း အားမလျှော့တဲ့ စိတ်ဓာတ်နဲ့ကြိုးစားခဲ့လို့ အောင်မြင်မှုရခဲ့တာပါ။

မောင်ဟိန်းထက်မင်း (စစ်ကိုင်းတိုင်းဒေသကြီး) ဝူရှူးထောက်လု (ကျန့်စု)ပြိုင်ပွဲ

ကျွန်တော်က မန္တလေးအားကစားနဲ့ ကာယပညာသိပ္ပံကပါ။ ကျွန်တော်တို့လို ပြိုင်ပွဲမဝင်ဖူးသေးတဲ့ သူတွေအတွက် အခုလိုပြိုင်ပွဲတွေ ကျင်းပပေးလို့ကျေးဇူးတင်ပါတယ်။ ဒီအားကစားနဲ့ပတ်သက်ပြီး မြို့နယ်အဆင့်တွေမှာတော့ ငွေရခဲ့ဖူးတယ်။ ထောက်လု(ကျန့်စု)က ဓားနဲ့ကစားရတာဆိုတော့ လေ့ကျင့်တဲ့အချိန်မှာလည်း နည်းနည်းပိုသတိထားရပါတယ်။ ဘဝမှာရွေးချယ်ခွင့်ရှိရင် ကျွန်တော်က ပညာတတ်အားကစားသမားကောင်းတစ်ဦး ဖြစ်ချင်ပါတယ်။