ولاړ ورته په مخ کې دی امام افغانستان
جلوې پاشي نــړۍ ته داسلام افغانستان

په لور دآبادۍ راوان چټک او ګړندۍ دی
که خدای کول جوړیږي ګام په ګام افغانستان

هرکاڼی یې یاقوت ده هریو بوټی یې دوا ده
سره زر یې خړه خاوره د تمام افغانستان

جهان با ترې خیرت غواړي جهان با کړي ترې زده کړې
له ځان سره لري داسې پیغام افغانستان

په سر به یې دننګ شملا په څنګ کې دنړۍ به
یادیږي په ډېر قـــــــدر احترام افغانستان

په ډېر فکر سره یې کړه خدمت افتاب ځدراڼه
خـــــراب چې درنه نشي ګوره پام افغانستان
افتاب ځـدراڼ
#النبوي بصري څانګه