السؤال اللي المفروض تطرحيه في هذه الازمه ويهمش انتي كأنثى يمنيه صالحه وحبوبه وتفهمي في الأصول، ماهوش كيف تفعلي عجين سمبوسه في البيت عشان ما يدخل بيتكم الكورونا 😜 ولا كيف تخبزي في حال ازداد الوضع سوء وقفلوا الأفران 😜
السؤال الأهم هوووو 😆 ماهي الآلية المناسبة لوصول العسب حقش 😂😂 سعم لهم شهور ساكتين ومكتمين مااااابش كورونا في اليمن ولا ولا ! لما قرب العيد وطلع الدودي فجأة وأعلنوا مدري كم حالات 😏 مخططات ضد حقوق المرأة عليهم من الله ما يستحقوا 😂😂 واضحه من اولها وإلا ليش سعم قفلوا محلات الكوافير والحلاقين خلوهم فاتحين 🙄🙄 ماهو هذا من تفكير ؟! فكري فيها 😏😂
لا يزيدوا عليش، كسوتش شليها كاش مقدماً وعتدبري نفسش لما يفتحوا الحضر ان شاء الله 😌 وعسبش لو متحضرين وصدق وملتزمين بلحجر الصحي وما يشتوا يجوا يسلموا عادي مابش داعي، الله معاهم ويحفظهم الباري من كل شر.. لكن يودعوا المبلغ لحسابش البنكي رأساً 😆 وان مابش معش حساب اشتحطي الليله وافتحي لش حساب مع الكريمي 😂😂
لا تتنازلي عن عسبش مهما حصل وخليش أنثى يمنيه اصيله تفهم في العادات والتقاليد 😌😍

#العسب_في_زمن_الكورونا
#اعسبوني