المشاعر السلبية تبحث عن الاشخاص الغير واعيين ..


لانك اذا كنت واعي مباشرة اي شعور سلبي سواء ( حزن قلق توتر .. ألخ راح يغادرك

كيف ؟

بالاساس المشاعر السلبية تبغاك تكون غير واعي
عشان تسيطر عليك و تسبب لك إرتباك

الموضوع يشبه مهمة القناص Sniper

-المشاعر السلبية تعتبرك فريسة !

بمعنى توصلك مرحلة انك تقول :
انا مو عارف وش فيني؟
ليش يصير فيني كذا؟
انا متضايق؟
انا خايف ؟
انا ضغطي مرتفع من اليوم ؟
من صحيت وانا متنرفز !

المهم انه يتمكن من الناس اللي منفصلين عن التركيز الواعي وخاضعين لهذا الشعور !

وتخليك مضطرب مبعثر
و تتبع لهذا الشعور ، هائم خلف شعور ضبابي واحساس مزعج مسترسل في داخلك لانك مو واعي !!
ولانك ساكن قالب المشاعر وبس
و ماتطلع من هالقالب !!
....

-كيف تطلع من قالب المشاعر وسيطرتها العاطفية عليك ؟


اذا اصبحت مُراقب
و راقبت مشاعرك وسمحت بعبورها ..

-الآن انت القناص و فريستك هي المشاعر السلبية !


مثلاً اذا جاك شعور ضيق او مودك متنرفز
تقول للشعور السلبي :

ايوه انا اعرف انك موجود انا اشوفك انا احس فيك و ما اقاومك بأي شكل من الاشكال .. لاني راضي بعبورك مني ومغادرتك .. it’s ok

راح اراقبك وانت تزول وتغادر ..

—الشعور السلبي يضعف جداً بالمراقبة وتضعف المشاعر المغذية له لانك اقتنصته —

والعقل يتبرمج حسب الفكرة اللي تضعها فيه ..

وتكرار الفكرة يخليها معتقد تؤمن فيه

واذا آمنت وصدقت كُليا بالشيء راح يتطبق ويتجلى في حياتك ..

ف اذا كان هذا الشعور اللي يحصل لك مزعج

ف إليك التالي :

عند حدوثه استخدم خطة الاقتناص الثلاثية
راقب / ركز / كرر

انا اراقبك وانت تعبر مني وراح تزول وتغادر وتتلاشى ولن تعود
تتلاشى ولن تعود
تتلاشى ولن تعود > بتركيز عالي

— هذه الطريقة تبرمج عقلك على عدم التفاعل العاطفي وتضعف مفعول الشعور عند حدوثه مجدداً وراح يكون اقل ألماً مما كان عليه ..
وعندها استمر في التكرار في كل مره حتى يتلاشى و يغادرك نهائياً .

لانك صرت اقوى من هذا الشعور وغلبته ياسنايبر 🕶


عليـا العاطفي 🤍