هنیه نشته

بیا د غزې غېږ کې قیامت دی هنیه نشته
خاموش حالت دی د غیرت ها نمونه نشته

سرور د غم په ټال کې وځنګېدو وزورېدو
ژړا خپره ده د خندا خوږه شیبه نشته

پرون د مرګ دې اوازه شوه نن دفن شوې غازي
ځکه ماتم دی ستا ها ښکلې قواره نشته

غزه غزه زړه کې فقط ستا خاطرې ګرځوم
نور ستا د مینې محبت خواږه کاته نشته

څپانده تانده جذبه ستا ولاړه خاموشه شوله
ته چې یې تللی د ژوند هغسې مزه نشته

چُپه چوپتیاده مهاجره غزه غریو نیولې
هغه جذاب نشته ها دنګه مناره نشته