غزل

د نا امیده ماښامونو کیسه بله کیسه
وخته! زما د ارمانونو کیسه بله کیسه

په رپېدلو شون‌‌‌‌‌‌ډو بېرته د راتللو وعده
په اومه خوله د قسمونو کیسه بله کیسه

زما له مینې نه انکار بس یو رټلی ځواب
خو د غربت د پیغورونو کیسه بله کیسه

د خولې چوپتیا د نظر شور لوی حکایت د هجر
زړه کې پرته مې د دردونو کیسه بله کیسه

دطبیب هر علاج له مانه د حبیب پوښتنه!
او د ملا د تاویزونو کیسه بله کیسه

پاتې تش لاس، ځواني په تلو او وارخطا سباوون
په سر پرته د شوګیرونو کیسه بله کیسه

عبدالمعروف سباوون
#دادب_غمي
@Adabi_Ghami