ناست يمه تنها بس ستا يادونه مې ملګرې دې
یاره ستا راپاتې تصویرونه مې ملګرې دې

وېستم له ژوند څخه له ځانه نادرک يمه
ډير مې زوروې دزړه دردونه مې ملګرې دې

جوړ راڅه ملنګ شولو پر قبر دې اوس ناست يمه
شاوخوا چې ګورم زيارتونه مې ملګرې دې

توي کړم باندې اوښکې چي راياد مې تير وختونه شې
ستا دحجرې خړ کتابونه مې ملګرې دې

پاتې دې يادګار دي او له زړه به يي ونه باسم
ستا له ياده ډک مازدېګرونه مې ملګرې دې

وليکه (عاکف)ده زړه له درده څخه څو اشعار
لاس کې مې کاغذ څو قلمونه مې ملګرې دې
👇👇👇👇
@Ahakifharawi