في الفيزياء الطبية #تذكر_أنَّ :

المكثف المشحون يخزن في طاقة وضع U فيه لان واحد من الشحنتين تتحرك من لوح لتاني وتعرفوا المكثف يتكون من لوحين قلنا بكري...

ونقدروا نحصلوا على مقدار طاقة الوضع في مكثف مشحون لكن لازم نعرفوا قيمة الشغل على البطارية يلي وصلت الشحنة من لوح الأول للتاني...

U = 0.5 q V

توا ريتوا V في القانون الأول مش قلنا تساوي الشحنة على السعة q / C يعني :

U = 0.5 q² / C
توا ريتوا q الشحنة مش تساوي السعة في الجهد C.V يعني :
U = 0.5 C V²

* عندنا توا زوز قوانين وماعمرها الجامعة
جابت عليهم أسئلة بس لازم تعرفهم
للإحتياط يلي يقولوا :

1- الكثافة الكهربائية المخزنة في المكثف تساوي:

u = 0.5 €° E²

لو المكثف متوازي اللوحين انقولوا :
u = U / Ad

u : كثافة الطاقة

أخر حاجة لو حطلنا المكثفات على شكل دائرة كهربائية لازم تعرف...

التوصيل في الدائرة الكهربائية عندنا منه نوعين أمَّا توالي أو توازي...

لو توالي زي مانعرفوا في الدائرة الكهربائية يلي قريناها في التانوي وموصلة على التوالي بشني تتميز...؟

1- التيار ثابت في كل المقاومات لكن هنا بتقول الشحنة ثابتة في كل المكثفات لان احني نقروا في المكثفات والشحنات...

2- مش الجهد يختلف من مقاومة لتانية وحتى هنا الجهد يختلف من مكثف لأخر وهكذا يعني الجهد الكلي يساوي الجهد في المكثف الاول زايد الجهد في المكثف التاني وهكذا...

3- مش المقاومة الكلية تساوي
1/R = 1/R + 1/R
وهكذا...
حتى هنا السعة الكلية تساوي نفس الشيء غير بدل R دير C...

باهي في التوصيل على التوازي كيف...؟

1- مش في التانوي قلنا التيار متجزئ هنا الشحنة متجزئة تمام...

2- مش الجهد الكلي نفس الجهد عند كل مقاومة هنا نفس الجهد عند كل مكثف...

3- مش المقامة الكلية تساوي حاصل جمعهم هنا نفس الشيء السعة الكلية حاصل جمعهم...