للشباب فزاعي جنوبي
وزن تجليبه

ازغيرون الولد مو مال تابوت
شلون ايعوفني وللمگبره ايفوت

〰️〰️⚜️🙏⚜️〰️〰️

شلون اتعوف امك يالولد يبني

تالي الشيب ما حسبتك اتذبني

ضهري عليك يمه يالولد محني

هد حيلي ،،، يومك يمحسر

〰️〰️⚜️🙏⚜️〰️〰️

شريج وياي ما ادري الگبر بيكم

يا شبان يالحلوه معانيكم

بدروب المنايه شلون تاليكم

ياذيني ،،، يا يمه اغيابك

〰️〰️⚜️🙏⚜️〰️〰️

عمت عين التراب الغير ارسومك

اتمنيت الولد يومي گبل يومك

بعدها ابحجرتك متعلگه اهدومك

والقاط ايون ،،، عله اغيابك

〰️〰️⚜️⚜️〰️〰️

عفت امك تون وتاه منها الراي

بعد المن اتاني يا نضر عيناي

منك ايست يبني انگطع رجواي

ما ناسيته ،،، والراح ايون

〰️〰️⚜️⚜️〰️〰️

ردت منك تجازيني ابكبر سني

تاليها المنايه اخذتك مني

يبعد البيت رايح يا كتر عني

وين احبابي ،،، كل ساعه انشد

〰️〰️⚜️⚜️〰️〰️

تـــمـ بعون الله تعالى ـــت
بقـــ✍ـــلم خادمت ال
البيت ع
الشاعره ام سجاد العسكري
من ذي قار
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://t.me/Alaqela313