لسان حال مولاتنا زينب ع
〰️〰️⚜️⚜️〰️〰️

يا عباس اشوفك ساكن الكون
شلون ايهونلك واتغمض العيون

〰️〰️⚜️⚜️〰️〰️

اشلون ايهون واتروح او تخليني

مانه اختك اجيتك دمعتي بعيني

ما احمل اغيابك زين تدريني

يالروحك حنينه ارجوك حاجيني

والعدوان بالخدر يعيلون

〰️〰️⚜️⚜️〰️〰️

انهض يا شهم وارفعها للرايه

اجيتك للنهر عباس عنايه

شو جنه حله نوم المسنايه

محتار الدليل او تيهت رايه

انه اخلاف عينك اصبر اشلون

〰️〰️⚜️⚜️〰️〰️

انه اخلاف عينك ما الي والي

گوم من الشريعه وارحم ابحالي

شفتك عالوطيه او خابت امالي

خويه ابطيحتك فسرت دلالي

ولدروب السبي جنهم يحضرون

〰️〰️⚜️⚜️〰️〰️

بعد ساعه يخويه ايطوح الحادي

اتحضرو لليسر عدوانك اتنادي

امهلوني صحت خل يجي ورادي

ويشوف العقيله ابحالها اشسادي

بينه على الهزل گامو يركبون

〰️〰️⚜️⚜️〰️〰️

ما مهلوني خويه ولا فرد ساعه

وخدَركم يكافل راحن اضياعه

شفنه الضيم لو تدرون بانواعه

ايتامك تون والروح ملتاعه

بسياط او زجر بينه يمشون

〰️〰️⚜️⚜️〰️〰️

تمت بقلمي خادمه ال البيت
ام سجاد العسكري من ذي قار
لانجيز حذف الاسم ونسالكم الدعاء

https://t.me/Alaqela313