عن لسان احد الخادمات التي
اتتها الزهراء في الرؤيا وهي تتمتم
بهذه الكلمات لسان حال مولاتنا الزهراء

وا اماااماه واسيدااااه واحسيناااه

••••••

وين الي تجي تنعه او تبجيني
للعباس مره او مره لحسيني

ويهل دمع العيون
وين الي يواسون


للعباس مره او مره لحسيني

••••••

وين احبابنه خل تحزن اويانه

ويدگون الصدور اليوم عوانه

انه ام الشهيد الذبحته اعدانه

مني الگلب محزون
وين الي يواسون

للعباس مره ومره لحسيني

••••••

اريد انعه واسوي الطم يازات

لابني او للبقه فوگ المسنات

يا شيعت علي دگو الهامات

بكل مجلس يحضرون
وين الي يواسون

للعباس مره ومره لحسيني

••••••

ادگ على الضلع للمات عطشان

ذبحو كل هله وذبحو الرضعان

انه امه اوعليه الگلب خلصان

ضل عالثره مطعون
وين الي يواسون

للعباس مره ومره لحسيني

••••••

نتشارك سوه اويه الهاشميات

وي زينب نون والفاطميات

عله العباس شيال الكلافات

سهمه صاب العيون
وين الي يواسون

للعباس مره ومره لحسيني

••••••

اجيت امگبعه ابهمي او عذابي

عله الويلاد ما يبرد اصوابي

اريد اليوم كل فزعت احبابي

عزيه الهم ينصبون
وين الي يواسون

للعباس مره ومره لحسيني

••••••

تمت بقلمي خادمت ال البيت
ام سجاد العسكري لا نجيز حذف الاسم
ونسالكم الدعاء
https://t.me/Alaqela313