قصيده لخدمه الإمام الحسين عليه السلام
✿────↻✿...✿↺────✿
خادمه لحسين اضلن خادمه
دوم أضل من ربعه ومن وادمه
✿────↻✿...✿↺────✿
دوم اضلن واگفه ابيبانك
فدوه اروح الاسمك وعنوانك
مقصرين ومانوافي اديونك
فدوه اروح لخدمته وايامه
✿────↻✿...✿↺────✿
ياسفينه النجى يابوعلي
احنه خدام بخدمتك نعتلي
وليضدك صار أسفل سافلي
مايشوف الجنه لا بحلامه
✿────↻✿...✿↺────✿
يالتريد الجنه هاذه حسينك
اخدم ابصافي النيه يعينك
ومايضيع كل تعب اسنينك
وارثي ابدمعه ولاتنسه آلامه
✿────↻✿...✿↺────✿
ارثي كل سنين عمري ياحسين
وادري امقصره وماوافي الدين
واضل مطلوبه لمن تغمض العين
لأن انته للمحب احزامه
✿────↻✿...✿↺────✿
حزام دوم انتم تفلون الشدد
وانته كل اهلي والي دومك سند
للجرح مولاي انته الضمد
تشافي اگليبي وتبرد آلامه

✿────↻✿...✿↺────✿

تمت بعون الله تعالى
بقلم ✍🏻 المله والشاعره ام حيدر الحلفي
غير مبري الذمه اليحذف اسم الشاعره وينسب الكلام له

https://t.me/AmHadeerAlhlfi