الى من ماتت فوق رأس ابيها ع
@@@@
موتي چان بهالخرابة...فوگ راسك متت بابة
موتي لاح..من النياح
فوگ راسك متت بابة
@@@@
امگيدة واسأل يبويه انه عمتي
اتگلي هسه ايرد علينه صبري بنتي
بالسبي ماشفتك اني وتعلة ونتي
بس انوح الشمر يصرخ گلي سكتي
هالشمر ماعنده غيرة...يضرب ابنية زغيرة
متني طاح...من النياح
فوگ راسك متت بابة
@@@@@
شفت راس اوية الضعينه ايباوعنه
ومن سألت اعليه عمتي اتعرفة چنه
عالرمح صوته اسمعه ايجرلي ونه
چنة هذا الراس احسه يگربنه
عالرمح ويصد علية...چنه يندهلي رقية
دمعه ساح..من النياح
فوگ راسك متت بابة
@@@@
ردت اعرف الراس المن شنهو قصته
من يباوعلي اشوفة يبچي سكتة
راس كله ادموم صاير ماعرفتة
اسنونة متكسرة وخطية امفطرة شفتة
يابس الدم ابلحيتة...والله حيرني ابقظيتة
عطره فاح ...من النياح
فوگ راسك متت بابة
@@@@@
غمضت عيني ابخرابة ودمعي هالي
وبقة هذا الراس داير نص خيالي
چنة هذا الراس جاوب عن سؤالي
لن ابوية يصيح بنتي الراس مالي
من الحلم فزيت اريدك...هاك اخذني فدوه بيدك
شستراح...من النياح
فوگ راسك متت بابة
@@@@@
گمت اصيحن وين ابوية يمي ردتك
بالطشت جابولي راسك واحتظنتك
گمت اصيحن ها يبوية الماعرفتك
هية شبگه وهيه موته امودعة بنتك
واشبگت راسك بدية..من البچي جتني المنية
عمري راح..من النياح
فوگ راسك متت بابة
@@@@
الخادم عمار الساعدي