لا والذي خلق لي قلب وعقل وفكره
ما ينحني بي عزم ولا يهدمني خذلان

وعوافي يا وقتٍ مضى ويااا هلا ببكره
ببقى وفية فرحتي زان حظي أو شان

نظرتي لنفسي نظرة الظلام للقمره
مايطفى ضيّي سود النوايا والاظنان

أدري مثلي يمر فعمر الإنسان.. مرّه
وادري أجي ورده بستانها من بركان

على كيفي وكيفي على هواي بكثره
ما اتحسف على ناسٍ تقلب ألوان

سهل أنزل ومن نزًل بنفسه قدره
محد يرجع بعد الدمعه مثل ما كان

والغالي اللي اثبت موقفه من كبره
ماتفرقني عنه غلطه مو بالحسبان

أنا شخص بأضعف أمل جنى صبره
وأنا الأنا في حياتي ماصبر خبر كان