Arab_Tilini_Oson_Urganish

Kundalik muomaladagi islomiy so'z va iboralar (2-qism)

🌷Fiy Sabilillah
"Alloh yo'lida"

Musulmon bir ovga sadaqa, hayr-ehsoni berganida yoki yordam berganida faqat “Alloh uchun, Uning yo’lida” deb niyyat qilib bersa yaxshi ish, savob oladi, lekin yahshiligini minnat qilsa, qaytarishini so’rasa yomon ish, gunoh bo’ladi.

🌷Fiy Amaanillah

“Allohga omonat”, “Alloh panohida asrasin”

Musulmonlar xayrlashayotganlarida bir birlariga Allohning panohida sog’-omon bo’lishlarini tilab Fiy amaanillah deydilar.

🌷Inna lillahi va inna ilayhi Roji’un

“Biz Allohning (bandalarimiz) va albatta, U zotga qaytguvchimiz”

Musulmon o’ziga yoki boshqa odamga biron musibat yetganida shunday deyishi lozim.

🌷Inshaalloh
“Alloh xohlasa”

Musulmon kelajakda qiladigan ishlari yoki bo’ladigan narsalarni gapirganida shu ibora bilan birga aytishi lozim, chunki har narsa faqat Allohning hohishi bilan bo’ladi.

🌷Jazak Allahu hayron
“Alloh sizni taqdirlasin/mukofotlasin”

Musulmon unga biron kishi yahshilik qilganida, yordamlashganida shunday deb o’z minnatdorchiligini bildiradi, ya’ni rahmatini aytadi. “Jazakalloh” qisqa shakli.

🌷La Ilaha Ilallah
”Allohdan o’zga iloh yo’qdir”

🌷La havla va la quvvata illa billah
“ Allohning qudrati va kuchige yetadigan kuch-qudrat yo’qdir”

Musulmon o’z ishonchini butkul Allohning qo’liga topshiradi va Allohga bag’shida etadi.

🌷Ma'asalama
“Tinch bo’ling(boring)”

Musulmonlar xayrlashayotganlarida bir birlariga tinchlik tilab “Ma'asallama” deydilar.

🌷MashaAlloh
“Alloh hohlagani(dek bo’libdi)

Musulmon biron kishining yahshi ishidan yoki yutuqlaridan hayratlangan/quvongan holatida MashaAlloh deydi

🌷Na’uzubillah
“Allohdan (shayton yomonligidan saqlashida) panoh so’raymiz/tilaymiz”

“Nauzubillah min al-Shaytan al-Rajiym”ning qisqa shakli.

🌷Nashiid

Islomiy qo’shiq, hamdaytish, bag’shlov qo’shig’i kabi, ammo odatda musiqiy asboblarsiz ijro etiladi.

🌷Ramazan muborak
(bo’lsin) “Xayr barakali oy bo’lsin”.

Musulmonlar Ramazon oyi kelganida bir-birlarini shunday deb qutlaydilar.

🌷Roziallohu anhu/anho/anhum
“Alloh undan (erkak)/undan (ayol), ulardan rozi bo’lsin”

Payg’ambarimiz s.a.v ning sahobalari va ayollariga hurmat ila ismlari bilan birga aytiladi/yoziladi. Ba’zida r.a yoki RA, qisqartma shaklida yoziladi

🌷Yarhamukalloh
“Senga Allohning rahmi kelsin”, yoki “Alloh qo’llasin”,

Musulmon aksa urgan kishiga “Yarhamukalloh” deydi

🌷Rasulolloh
“Allohning rasuli/ elchisi”.

Payg’ambarimiz Muhammad sollallohu alayhi vasallam Allohning Rasuli ya'ni musulmonlarga Islomni o’rgatish uchun elchi qilib Qur'onni tushirgan payg’ambaridir.

🌷Sallollohu alayhi va sallam
“Unga(Muhammad) Allohning salomi bo’lsin”
(qisratmasi: s.a.v.)

Payg’ambarimiz Muhammad sav ning nomlarini aytganda yoki eshitganda darhol ushbu salovatni aytishi lozim. Alloh Quronda musulmonlarga ushbu jumlani bir marta aytgan odamga o’n barobar savob berishni xabarini bergan.

🌷Sadaqollohul ‘Aziym”
“Allohning kalomi haq"

Musulmon Qur'ondan biron sura yoki oyat o’qib tugatganida aytishi lozim bo’lgan kalima. Quron Allohning so’zidir, U doim haqni so’zlaydi, uni o’qigan musulmon Allohning haq kalomini o’qigan bo’ladi, shuning uchun ham “Sadaqollohul Aziym” deydi..

Davomi bor...

Manba: Islom.uz sayti
©sobronshukron

Kundalik muomaladagi Islomiy so’z va iboralar

Musulmon bolaga Islomiy so’zlashuv odoblari, qo’llaydigan so’z va iboralar, kalimalarni ma’nolari va ularni qanday, qayerda aytish lozimligini kichikligidan yoshlariga moslab, tushunchalariga sozlab o’rgatib borishimiz lozim, zotan Alloh zikrini qancha ko’p dili va tiliga olmog’i uning Allohga shuncha yaqin bo’lishligi uchundir InshaAlloh.

🌷Alhamdulillah
“Allohga hamd bo’lsin.”

Tahmid, musulmonga eng yarashadigan, Allohga hamd aytadigan shukronalardan biri

🌷Alhamdulillahi Robbil ‘Alamiyn
”Olamlar Tarbiyachisiga hamdlar bo’lsin”

Musulmonning Allohga shukronasi, hamd aytish shakli.

🌷Allahu A’lam
“Alloh bilguvchidir”

Musulmon biror mulohaza bildirayotib doimo faqatgina Alloh hamma narsani bilguvchi, biz bandalar esa bilmaymiz degan hayolda bo’lishi lozim.

🌷Astag’firullah
“Alloh kechirsin”

Musulmon Allohdan o’ziga mag’firat tilaganida aytadi, nafaqat o’ziga balki boshqa odam haqida gapirganda ham shunday deydi

🌷A’uzu Billahi Minash shaytonir Rojiym
“Shayton yomonligidan Allohdan panoh so’rayman”

Ushbu ibora Quron o’qish va boshqa hayrli amallardan avval “Bismillahir Ramonir Rahiym” dan oldin o’qiladi.

🌷Assalamu Alaykum

“Sizga tinchlik bo’lsin”
Musulmonlar shunday salomlashadilar

🌷Assalamu Alaykum
va Rohmatullahi va
Barakatuh

“Sizga tinchlik, Allohning rahmati va barakasi bo’lsin”
To’liq salom berish shakli

🌷Alayhis Salom
“Unga tinchlik bo’lsin”
(Qisqartmasi: AS)
Payg’ambarlar ismlari bilan birga qo’llanadi.

🌷Allahu Akbar
“Alloh Buyukdir”

Takbir. Musulmonning eng ko’p takrorlaydigan kalimasi bo’lib, azonda, namozda, hursand bo’lganlarida, eshitgan narsalarini tasdiqlashda, jonliq so’yganda kabi holatlarda aytadi.

🌷Allahumma solli a'la Muhammad
“Ey Alloh Muhammadga rahmat yog’dir”

Musulmon o’zining sevimli Payg’ambari Muhammad sav ga tez-tez shu kabi Salovatlardan aytib yurmog’i juda savoblidir.

🌷Amiyn
Omiyn. Duo shakli bo’lib “Ey Alloh aytganimizni ijobat qil” ma’nosida aytiladi.
Musulmon Yaratgan Allohdan nimaiki su’rab duo qilinganida ohirida Amiyn deydi.

🌷Barakalloh
“ Alloh yarlaqasin”

Maqtovga sazovor, hayrli ish qilgan musulmonga aytiladi.

🌷Barakallah Fiyk
“ Alloh yarlaqasin”

🌷Bismillah
“Alloh nomi bilan boshlayman”

Musulmon doim biron yahshi ish boshlashidan oldin shunday deyishi lozim, masalan ovqatlanishdan, yuvinishdan, uyiga kirishdan… oldin.

🌷Bismillahir Rohmanir Rohiym

“Mehribon Alloh nomi bilan boshlayman”

🌷Duo(a)
Allohdan tilash, iltijo qilib su’rash

Musulmonning ibodat shakli bo’lib, Allohdan biron narsani chin qalbidan so’rashi duo deyiladi.

🌷Eid Mubarak
Iyd al Fitr muborak
“Hayit(ingiz) muborak bo’lsin”

Musulmonlar Ramazondan keyin bo’ladigan Hayit bayrami kuni hammani qutlab shunday deyishadi.

Davomi bor...
Manba: Islom.uz sayti

©sobronshukron