٢_



نسأل سؤال : ليش انبعث النبي او الرسول؟
آني ماراح أجاوب ، الله راح يجاوب :

(هُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ)

اذًا وظائف النبي
يتلو عليهم آياته
ويزكيهم
ويعلمهم الكتاب والحكمة

زين نجي للكتاب ...يعلمنا الكتاب شلون يعني ؟ ليش هو مواضح الكتاب؟
اني اكلك اي مواضح : مثلا هسه اسألك اكلك الله عنده ايد ؟ تكلي لااااستغفر الله لتحجي هيج
اكلك لعد الكتاب مويكول :( يد الله فوق ايديهم) ؟ تصفن بوجهي!

النبي اجه حتى يكوللنه شنو يعني يد الله فوق ايديهم..اجه يعلمنا كلشي بالكتاب وينطينا الاحكام الشرعية اللي منعرفها

زين استشهد النبي منو يبقى؟ هنا تجي دور الإمامة ..واللي هي تكملة لدور النبي
زين استشهدوا اهل البيت وبقى ولي العصر والزمان ..واللي منندله ولانكدر نوصله .. شنو نسوي ؟ منين ناخذ احكامنا الشرعية ؟اذا صار عندي خلل بصلاتي المن اسأل؟ أسأل الطبيب لو المهندس؟ اذا شكيت بين الركعة الاولى والثانية أسأل منو ؟المدرّس لو المحامي ؟فكّر بيها انت قبل مااجاوبك اني ..
اسأل منو؟

اذا تكلي القرآن ف اكلك ماكو آية بالقرآن تنطيني حكم الشك بصلاتي
تكلي الروايات والاحاديث؟
اكلك انطيني حديث او رواية تنطيني حكم شرب الجگاير ..يجوز يطلع حرام ؟

تگلي الامام اكلك وينه الامام دليني عليه خلي اسأله ..